¹ Ani ti gu ani, tidi re aje unu cara abanga me ni,tize ta Asere ti en duru. ² Kati i cukuno ani me, haru sata mu wono a yimo ucara abanga tidi kuri ti cukuno anyimo mee. ³ Ita shi guna anu gbardang azoro we anyimo aniza ni Yesu Ugomo Asere,azoro we barki iwono ime ini. ⁴ A vete duru nan me ahira uzoro iwono imeme ini, sa ma hiri icau, barki ni kara na co, ine ini ya wuna ti haka anyimo atanu tiso. ⁵ Inki ti haka nigo me nanme ahira iwono imeme ine ini tidi cukuno a inde nan me barki uhira umeme. ⁶ Sa ti urusa anu me, abaki ucara abanga anipum niru me nigo nan me, barki asopi abanga ubura apum arume,awu ani me kati ti cukuno arere. ⁷ Inki unu ma wono makem nikara asesere ucara abanga. ⁸ In ki ta wono nigo nan me unu bura uru tidi cukuno nan me. ⁹ Ti rusa, ahirza Yesu anyimo icau, mada kuri ma wii, barki iwono izo me inikara asesere ame ba. ¹⁰ Sa ma wii,ma wii ka inde kani cas sarki ukinkini, ana me maciki ti cukum ta Asere tini. ¹¹ Ane ani shi me idi ziki ace ashime gusi mu kizi muni ahira ani kara nu cara abanga,shi be anu vingizi wani ahira Asere unu kaba sa Yesu. ¹² Kati ikabi ucara abanga ucukuno shi apum sa idi wiji, kati itarsi myai maje imu be sa idi hunguko muriba mushi me. ¹³ Kati iziki ti hihira tishi me iwuzi katuma ki mumu izenzen, agino me nya na ace ashi me ahira Asere, ya wuna reb unu kara me atari ti iwono uhana ukem uvengize, ikuri iwiti tihihira tishi me ahira Asere barki katuma ka huma. ¹⁴ Ucara abanga uda cukuno me ace ashi me, sa ida rashi anyimo ubezizi utize ti Musa ba, irani anyimo urunta Asere. ¹⁵ Nyanini ani me,barki ya cukuno ti cari abanga ni barki ubezizi utize uzome ini kara ace aru me ba, barki urunta Asere? Azo me ani ba. ¹⁶ Ita shi uguna inki ya nya ace shi me ahira uye idi cukuno arere unugino me, nani icukuno arere ucara utize,imum sa idi han shi iwono,nani icukuno arere Asere sa madi han shi iwuzi imumu iriri. ¹⁷ Barki ani me, ninonzo na cukuno ahira Ugomo Asere, sa yazi anu cara abanga wani, ana me izinu tarsa vat iriba shi me usasa na ubezizi imum be sa irani anyimo ini. ¹⁸ Azauka shi anyimo ucara abanga, ya cukuno arere urunta. ¹⁹ Inki inboo shi tize tigeme gusi unubu mani, barki ani me usiziki me ushi me unipum u i gusi uzina sa yazi iwiro ti hihira ta pum ashi me ahira unya ace imum izenzen nan nu wuza imum ibur ige be sa ikingizi,ane ani idi witi tihihira ti shi me,ahira u nya ace urunta barki icukuno ande be sa wazi lau ahira Asere. ²⁰ Uganiya sa yazi arere ucara abanga, yazo shi myai in katuma kurunta. ²¹ Nyanini ya kem ahira imum be sa be ya cukuno imum mu eh, u maza imum igino me iwono ini. ²² Ana me azauka shi usuro ucara abanga,ya cukuno arere Asere imum sa ya kem ine ini ya hanan shi ati cuku m ti lau, tige be sa ta nya shi ti cukum ti zatu marsa. ²³ Imum sa udi hiri ucara abanga iwo o ini, imum be sa Asere anyawe,ine ini ti cukum ti zatu marsa ahira unu kaba uru Yesu Ugomo Asere.