¹ Kabani vat desa uhem umeme uzinni karaba, daki nan nu jottiko umeba. ² Uye ma zinnu hem mari kodi nyani, uye desa mazi seke make mari mavamani cas. ³ Kati desa mare imum ma izi debe sa mada reme koya imumba. Nani kati debe sa mada reme ko iya imum mairi aburu andesa ware ba. Barki sa Asere. ⁴ Hu aveni, sa udi iri aburu urere u ye? uturi ume nani urizo ume ura ahira una kura umeme ani, ugomo Asere ma zin nu bari uturi ini. ⁵ Uye make ma iri urumi uteki ure anyimo ati eui me. A uye me macira ti wui me rep. Kovi macukuno anyimo u turi iriba ime. ⁶ Me debe sa ma igi zon in uru wui, ma igi zon uni barki ugomo Asere. Anime ani desa mare, mare ni barki ugomo Asere, barki mawuza ugomo Asere anko. Me desa daki mareba, magame ani barki ugomo Asere. Mema mazinnu wuza ugomo Asere ankoi. ⁷ Barki bade sa mavengize barki nice nume anyimo aru, anime ani uni wono mazoni barki nice nume. ⁸ Barki inki tivengize, tivengize barki ugomo ini barki ugomo Asere. Anime koti vengize, ko awijo haru ugomo Asere wani. ⁹ Barki bigino binyome yeso ma wi makuri mahirri, barki ma cukuno ugomo Asere anu wijo nan vengize. ¹⁰ Anime nyani ni ya wuna izin nu boo uni henu tize? hu cangi nyani yawuna uzin nu iziza uhenu uwe? vattu ru tidi tonno aje aweki utize tugomo Asere. Barki anyittike, ''matoniko, ''ubuka ugomo Asere,'' koniya niru nidi tungunom, koniya nilem nidi nonzo Asere.'' ¹² Barki kodevi uru madi buki imumbe sa ma wuza innanyo ame aje Asere. ¹³ A anime zikani u inko iruba, barki katti uye macukuno binyo bu pilliko nani urizo u henu ume. ¹⁴ In rusa cip ane ani ani nan ugomo Yeso, daki ire imum uzatu lau u inko uni. Senke ade sama zika ini innu zatu lau, madi cukuno innu zatu lau. ¹⁵ Inki imumare iweme icara uhenu uwome ni, uda hakawe anyimo usu ba. Kati u cari desa Yeso ma wono barki me in nimumare iweme. ¹⁶ Barki anime, kati ti mummum sa a zika ti ririn ti cukuno imum ibi bobo aaye. ¹⁷ Barki tigomo ta Asere daki abaga are ani nannu saba, anime ahira imummu i huma ini, urunta, iruba irum anyimo abibe bilau. ¹⁸ Barki desa ma nonzo Yeso una uginome, ukaba uni ahira Asere, anime anu wa hem ni. ¹⁹ Barki anime, aca ti nyari imummu urunta nan timummube satidi benki acece. ²⁰ Kati ucari katuma ka Asere ni barki imummure. Kodi nyani izi lau, huwono a huwono sisi anime unume sa mare imumbe sa idi wume marizi. ²¹ Ida rizime ari inan nai asi mei mu wango, nani vat imum sa idi hunguko urizo. ²² Ugino hemme sa izini, barkani uni atii ashi nan Asere. Unu ringirka mani desa iruba ime daki ya nyame mani desa iruba imumbe sa iruba ime ya ira yawuna rep. ²³ Desa mazin ma aye, maare, marusa macara abagani, barki sa daki innu hem ani mare ba. Vat imu sa daki innu hem in iziba madini mani.