¹ A hira Bulus urere ukaba Asere vana umeme Yesu una kadura ka vana be Asere ma muru ma cukuno unu bezi tize ta Asere ahira an back de sa wa kaba me but ba. ² Aye kuna tize ta ASere ti be runta ahira a vana uka dura ka meme anu nyitike ihori me kasi anu nyetike me ahira Asere aru. ³ Tige tize me ta suro ahira avana uka dura ka Asere uwatu una kara Dauda mani. ⁴ Barki tize tu meme tini nilem nurunta alem ahira Ogomo Asere uboo anu sa wa ra ahira a meme wa kuna urunta. ⁵ Ahira aniza ni vana uwe Yesu wa zauka me nan Bulus wazin ka dura kawe me anyimo aniza nuwe me Ogomo Asere. ⁶ A nyimo une ugeme, atiti shi i cukuno ahana a Yesu. ⁸ In di tubi unu guna izin na puru arum barki imum sa Ugomo Asere ma tuburko vana umeme ma eh duru intize ta Asere une me. ⁹ Ugomo Asere sa ma kabi tize tuwe me inzinu wuza ukatuma kageme ini riba lau, ubezizi uti mumum sa ti ribze apuru awe me ayen ina na katuma kawe me inringi shi nyani aye wa wuna. ¹⁰ Vat uganiya sa inzin biringara ingu, na akini Ugomo Asere ma kunna iriba em barki katuma ka meme, bati ma nyam nikara nu wuza me. ¹¹ In nyara u ira u shi barki inya shi tire tize turunta sa ta wuna, sa ti di kinki shi nikara. ¹² Unyara um uni ti benki acece aru intize ta Asere barki kati tiperke me inimum sa ma buki duru ti wuzi ini. ¹³ Ni henu ida nyaran shi irusi ba, agi in nyara in ezizi ahira a shime, daki ma kem ba u aye ba se aname.In nyara ani me barki in kem re iburi ahira ashi me nan ahira a Yahudawa. ¹⁴ Me una matara mani vat anikira Yahudawa nan agenu,vat anu urusa nan ababana. ¹⁵ Barki ani me,ahira am,ma nya nice num ibuki tize ta Asere cagi ahira ashime sa ira uRomawa. ¹⁷ I da kuna mu e mu buka ushi tize ta Asere ba, barki ahira ame ani inkezin tere timumu ti riri hira Asere, ya cukuno ka dure kani inbezizi shi nan ande sa wazowe a Yahudawa ba. ¹⁶ Ahira ukuna utize turunta ine ini ya wuna inkenzi nikara. ¹⁸ A zinu kurzizo iriba ibur ya Sere usuro asesere ahira uzatu tarsa Asere,nan katuma ka bur ka nabu sa wada bowe kadure ba,barki katuma ka bur kawe me. ¹⁹ Barki imum sa adi rusi barki Asere ada hunzize inini ba ahira aweme, barki Asere ani abezizi we. ²⁰ Dati utuba une ti mumum ta Asere ada hira tini ba, ti gomo timeme tizatu mara uni wa hem in timumum sa ma bari arusan tini,barki anime anu wz gawe umuntuno. ²¹ Barki anime anu wa rusan na Asere wa da nonza me ba agi me Asere ani ba,wa da gusa me tanonzo ba, wa nyarama kari muriba mu zatu urusa mu wu maree. ²² Wazinu gusa we anu rusa wani,wa cukuno ababana ²³ . Wa gamirka urusa wa Asere uzatu wono wa cukuno kasi nipum nu nubo sama di wi,nan inyin,a inama ini ja,nan anu wungo aburu adizi. ²⁴ Barki ani not me Asere akurzo ana madini anu woza itimum ti bur, wa cara apum aweni acece awe me. ²⁵ Barki ani me wa curo urusa wa Asere nan uzato urusa,wa cara urus Asere ni wa ribi utarsa ane,wa gawe uwuza Asere ninonzo. ²⁶ Barki ani me Asere anya we atari ta nu abur,wano wa cari apum aweni inti mumu ti zezen, wa gamari ane aweme wa cukuno ti mumum ti bur. ²⁷ A hana ruma wa ceki umusa nan ane, wa kuri umusa nan ahana aruma, ane nan ahana aruma wa wuzi imum idira umu eh,wa hunguko ace aweme uceki una uhuma. ²⁸ Wa ga wa hem wa ruse Asere,Asere aceki we wa wuzi imumu ibur wa wuzi imumu imu eh. ²⁹ We anu zatu uwuza imumu iriri,nan nu wuza imumu izezen,nan nutarsa imumu une,nan nanu uhuza anu,iwa imu cini ini. ³⁰ Anu wesi anu nan anu gasime Asere,anu uriza inama acece nan nanu yeze ace,nan nanu zatu tarsa anka aco. ³¹ Nan nanu zatu urusa,nan nanu zatu usu unihenu. ³² Anu wuza utimumu tiginome umaza une uwe me iwono,azo uwuza utimumu tigino tini cas ba,wa imbizo timaru tanu uwuza me.