¹ O̱ ke se̱ ange̱li o̱zi ihie̱n, o̱o̱ fii ikakaki so̱i. I min ukpae̱hie̱n lo̱za vbi okhumieimi de fio̱ vbi oto̱i. O̱li ukpaehie̱n a nwin iki nai la lo̱ re̱ khuhi uhiiosi oo lo̱i mo̱n oto̱o̱, ia. O̱ vu yi o̱li uhiio si oo lai min oto̱o̱ ia. ² O̱ vu yi o̱li uhiio si oo lai min oto̱o̱ a, iigho̱n o̱ za vbi o̱li uhiio ze̱ dian re vbi iigho̱n isi okpe rain. O̱e̱n bi efiioo bia dududu li iigho̱n lo̱ za vbi o̱li uhii kpo̱n o̱n dianre. ³ Vbe̱ke̱n o̱li iigho̱n, ighiiso ve̱n kuo̱ vbi oto̱ lari utotomi elabi si ehia gho ni vbo khumi oto̱. ⁴ A re̱ o̱ i ain lei o̱ ria iumi si oto̱ia, bi emi lare̱ ko̱ bi eran legbo̱n, ama eia lei mo̱n ae̱n isi Oise̱le̱bua vbi ehai si ain. ⁵ Ai ri ehee ni ain re̱ gboo agbo̱n kua ama li yain ri oya ni ain khue̱re̱ vbi e̱ke̱n ukin ihie̱n. Utotomi si ain lo̱ u bi isi obi si ehiagho si o̱ia. ⁶ Vbo̱ li e̱ghe̱ an, eia lo̱ hoo euu, ama ekha mio̱in. Elo̱ zukpe hoo lei uu, ama euu lo̱ la re re li ain. ⁷ Eli ighii so ubi e̱si la e̱he̱n o̱ vbi oto̱ khe̱ okho̱in. emi lo̱ u bi uvbierun oje lari igolu e̱he̱n ri ain vbi uhumi, e̱o si ain o̱u bi isi eia. ⁸ Eto siain o̱ u bi eta si ikposo, e a ko̱n bi ako̱n si akpakomize̱. ⁹ Emi le re̱ vo idanma o̱ u bi uvo idanma isi oto̱in, ihuanbo̱ si ain o̱ roo bi uroo mi ike̱ke̱ li e̱si o̱ si shan vbi oguo kho̱in. ¹⁰ Emo̱ ukpiria obi bi ehiagho, e mo̱ utotomi le lo̱ re uo̱ria yi eia shan vbi ukin ihie̱n. ¹¹ Emo̱ oje vbi uhumi si ain lo̱ vbi ange̱li si oo lo̱i mo̱ oto̱o̱. Eni so̱i vbi uroo si Ihibru li khi Abado̱n, eni so̱i vbi Igriki li khi Apolio̱n. ¹² Ivbae̱o lo̱ kpao o̱ rare. Ka e̱o! O̱na ke raa re, o̱ria lokhua eva chie vade. ¹³ Ange̱li o̱zi ehan o̱ khue ikakaki so̱i, i ho̱in khi urun o̱ za vbi i ke ihio̱n si ikpe̱kpe̱ si igolu lo̱ ri vbi isao si Oise̱le̱bua dian re. ¹⁴ O̱li urun re̱ o̱li ange̱li o̱zi ehan lo̱ mo̱n o̱li ikakaki lo̱i, "Tiyin ange̱li ele la da ye̱n vbi okpe̱da si Eufrets," ¹⁵ Eli ange̱li ele an o̱ vbi ela e̱he̱n o̱vboto̱ khe o̱li e̱ghe̱an bi o̱li ukpe̱de̱, o̱li ukin bi o̱li ukpe, lai zi ain obo̱ lei re̱ gboo ahiea si agbo̱n. ¹⁶ Etui ivbiokho̱in le he̱n okhume̱si e bun se vbi 200,000,000 I hin etueka li ain u. ¹⁷ Ina li min eli e̱si vbi e̱o li mie̱n bi eia le he̱in ain. Emi le re̱ voo idanma siain o̱ vbae ririri, o̱bi dududu o̱ gbo vbae bi ebe lo̱ wue̱n a. Uhumi si eli e̱si e u bi uhumi si akpakomize̱, erain iigho̱n bi iso̱fo̱ o̱za vbi unu siain dianre. ¹⁸ Ahin ea isi agbo̱n li ugbeu ea lo̱ gboo agbo̱n gbe ulo kua; o̱li erain, iigho̱n bi iso̱fo̱ lo̱ za vbi unu siain dianre. ¹⁹ Utotomi si eli e̱si unu sian bi ukpiria lo̱ri. Ukpiria siain eu bi e̱nyie̱n, emo̱ uhumi li ain o̱ re̱ meti ria eia egbea. ²⁰ Agbo̱n le ke ko̱re, li ugbeu gboo kua, ei oke̱in delobo̱ vbi ue̱e̱n lian e̱e̱n, ei dobo̱ nye̱n vbi uganmi si esun, areo̱ si igolu, isiliva, ibronzu, udo bi eran, emi le ya miuye, ei eho̱n da lei shan. ²¹ Ei ma gbo oe̱ke̱in delobo̱ vbi ubi lian gbe, ebabo̱, oghe̱e̱ da oi udomi.