10
1
2
1మంచి కాపతిన్ గురంచి ఉపదేశం (కీర్తన 23; హెబ్రీ 13:20; 1పేతురు 5:4) మీతోటేఖచ్చితంగా కెచ్చోమిన్నాను, గొర్రెకిన్ దొడ్డిలోపల్కు దాయన్ అర్దే గుండా కాకుండా వేరే విదంగా లోపల్కువాదనోండు డోంగల్,వొండు దోపిడిగాండే.
2లోపల్ దాయన్ అర్దే వాదనోండు గొర్రెకిన్ మేతనోండు.
3
4
3ఓనే సెంక కాపలవాండు గుమ్మం తీసితోండు.గొర్రెకు ఓనే లేంగు కేంజితాకు.ఓనే సొంత గొర్రెకీను ఓండు పెద్దేరు పెయిసి కరింగి బెయిత్కేట్కు నడిపిస్సితోండు.
4ఓనే సొంత గొర్రెకిన్ బెయిత్కి బెస్కే నడిపిస్కాన్, వాంట్కు మున్నె ఓండు నడిదితోండు. ఓనే లేంగు గొర్రెంకు తెలుసు కాబట్టి అవ్వు ఓనే పెరికె నడిదితాకు.
5
6
5వేరేవారు లేంగు వోర్కు తెలియో కాబట్టి అవ్వు ఓరి పెరికె అందకుండా తప్పుకుంటాకు.
6యేసు ఈ ఉదాహరణ తోటే ఓరితోటే తిర్యితోండు గొని ఓండు ఓరితోటే కెత్తే ఈ సంగత్కు ఓర్కుఅర్ధం ఆదిల్లే.
7
8
7దాంకు యేసు మల్ల ఓరితోటే ఇలా కెత్తోండు, ''మీతోటే ఖచ్చితంగా కెచ్చోమిన్నాను, గొర్రె అందాను అర్దిన్ నన్నే
8నా మున్నె వత్తోరు డొంగాకు,దోపిడిగాకే.గొర్రెకు ఓరే మాట కేంజోకు.
9
10
9నన్న లోపల్కి దాయనే అర్దిన్, నా దోరనే బెనొండత్కాన్ లోపల్కు అత్కు వోనికిరచ్చన దొర్కితే. వొండు లోపల్కు వాసోర్ బెయిత్కే అంజోర్ పచ్చికతి కల్గి మంత్తోండు.
10డొంగాల్బెస్కేట్కు దొంగతనం తునగోరు,హత్య, నాశనం తుంగనాంకు మాత్రమే వాతోండు.గోర్రెంకు జీవం కల్గవాలింజో, ఆ జీవం దీబే కల్గవాలింజో, నన్న వత్తాను.
11
12
13
11నన్న గోర్రెంకి మంచి కాపర్తిను. మంచి కాపరి గొర్రెను సెంక ఓనే పాణం ఈత్తోండు.
12జీతం సెంక పనితుంగనోండు కాపరివంటి వాండు అయ్యో.గొర్రెకు ఓనావు అయ్యో కాబట్టి తొండేల్ వాదనాద్ ఊడి గొర్రెకిన్ విడిసిమల్ల మిర్రితోండు. తొండేల్ ఆ గొర్రెకిన్ పెయిసి అవికితే (గెర్మితే)
13జీతగాండు జీతం మాత్రమే కోరితోండు అంత్కేగొర్రెను విడిసి మిర్రితోండు.
14
15
16
14నన్న గొర్రెంకు మంచి కాపర్తిన్. నా గొర్రెకు నాకు తెలుసు. నా సొంత గొర్రెకు నానిను పుత్తాకు.
15నా ఇయ్యాల్ నానిను పుత్తోండు. నన్ననా ఇయ్యాను పుత్తాను. నా గొర్రెన్ సెంక నా పాణం వాటితోండు.
16ఈ కొట్టంత్కు చెందని ఇతర గొర్రెకు నాకు మిన్నాకు.వాటిను గూడా నన్న తీసిత్వాలు.అవ్వు నా లేంగు కేంజితాకు.అస్కె మందనాడుఒర్రో మంద,ఒర్రో కాపరి.
17
18
17నా పాణం మల్ల పొందనాంకు దానిను వాటోమిన్నాను అంత్కేనా ఇయ్యాల్ నానిను పేమిస్సోమిన్నోండు.
18నా పాణంతిన్ నానుంచి బేనోండు తీసాలోండు.దానిన్ వాటనాంకు,తిరిగి తీసుండనాంకు నాకు అధికారం మిందే.ఈ అజ్ఞనా ఇయ్యాన్ నుంచి నన్నపొంతాను.''
19
20
21
19ఈ మాటకిన్ వల్ల యూదుర్కినా మల్ల బేదాకు వత్తాకు.
20ఓరగ్గా చాలా మంది, ''ఈంకుదెయ్యం పెయిత్తే. ఈండు పిచ్చివాండు. ఈనే మాటకు మీరు బారి కేంజోమిన్నిరు?''ఇంజోకెత్తోరు.
21ఇంకొద్ది మంది, ''ఇవ్వు దెయ్యం పెయితోనే మాటకు అయ్యో.యేసు ఓనే దైవత్వాంతిన్ తెలియపర్చడం (యోహాను 14:9;20:28,29)
22
23
24
22ఆ తర్వాత యేరుషలేముతే ప్రతిష్ట పండుంవత్తే.
23అద్దు చలికాలం .అస్కె యేసు దేవాలయ ప్రాంగానంతే మందనే సోలోమోను మంటపంతే నడోసోర్ మందగానే
24యూదుర్కు ఓనే చుట్టూ వాసి ఓనేతోటే. ''బెచ్చో రోజ్కు మామిను ఇలా సందేహతే తాసితీను?నిమ్మ కిరిస్తిన్నత్కు మాతోటే కచ్చితంగా కెల్లా''ఇంజో కెత్తోరు.
25
26
25దాంకు యేసు ఓరితోటే ఇలా కెత్తొండు, ''నన్నమీకు కెత్తాను గొని మీరు నమ్మటం ఇల్లిరు.నా ఇయ్యాల్ పెద్దేటే నన్నతుంగానే పనుంగు నా గురించి సాచ్చెం ఈసోమిన్నాకు.
26అత్కాన్, మీరు నా గొర్రెకు అయ్యకున్మందడం వల్ల మీరు నమ్మడం ఇల్లిరు.
27
28
27నా గొర్రెకు నా లేంగు కేంజితాకు, అవ్వు నాకు తెలుసు, అవ్వు నా పెరికె వాతాకు
28నన్నవాటింకు జీవం ఈతాను కాబట్టి అవ్వు బెస్కిట్కు నసించ్చి అన్నోకు.వాంటిను నా కయిదే నుంచి బేనోండుపెయిసిఅన్నోరు.
29
30
31
29వాటిను నా కిత్తే నా ఇయ్యాల్ అందోరికన్నా గొప్పవాండు కాబట్టి నా ఇయ్యాన్ కయిదే నుంచి బేనోండు వాటిను పెయిసి అందాలోరు.
30నన్న, నా ఇయ్యాల్, ఒర్రోటే!''
31అస్కె యూదుర్కు ఓనిను తన్నాంకు రాయికు పెయిత్తోరు.
32
33
32యేసు ఓరితోటే, ''ఇయ్యన్నుంచి వాదనే బెచ్కో మంచి పనుంగు మీకు తోపిస్తాను. వాంటగ్గ బే మంచి పనితిన్ పెయిసి నానిను రాయికిన్ తన్నవాలింజో అనుకుండజోమిన్నీరు?'' ఇంజో కెత్తోండు.
33దాంకు యూదుర్కు, ''నిమ్మ మనిసినాసి మంజీ నీనిను నిమ్మె దేవుడిగా తుంగోమిన్నిను. దేవదూషణం తుంగ్తంద్కు నీనిను రాయికిన్ తోటే తన్నోమిన్నాం. మంచి పనుంగు తుంగ్తందుకుఅయ్యో'' ఇంజో ఓనే తోటే కెత్తోరు.
34
35
36
34యేసు ఓరుకు జబాబీసొరు ఇలా కెత్తోండు, ''మీరు దేవుడ్కిరింజో నన్నకెత్తాను''ఇంజో మీధర్మశాస్త్రంతే రాసి ఇల్లా?
35లేఖనం తప్పుగా మన్నో.దేవుటే మాట బేనోంకువాత్తో, ఓరిను ఓండు దేవుండిన్జో కరంకు,
36ఇయ్యాల్ పవిత్రంగా యీ లోకాత్కు రొత్తోండు ''నన్నే దేవుటే మర్రిను'' ఇంజో కెత్త్కు 'నిమ్మ దేవదూషణంతుంగోమిన్నీను 'ఇంజో మీరు కేతిరా?
37
38
39
37నన్న నా ఇయ్యన్ పనుంగు తుంగకుండ మత్త్కు నానిను నమ్మొద్దు,
38అత్కు,నన్న నా ఇయ్యన్ పనుంగు తుంగోమత్త్కు, మీరు నానిను నమ్మకున్మత్కాన్, ఇయ్యాల్ నాయగ్గ నన్న ఇయ్యానగ్గ మిందామింజో మీరు పుంజీ అర్దంతుంగి ఆ పనుంగిన్ నమ్మాటు.''
39ఓరుమల్ల ఓనిను పెయిదవాలింజో అనుకుట్టోరు గోని ఓండుఓరు కయిదేనుంచి తప్పిస్తోండు.
40
41
42
40యేసు మల్ల యోర్దాను గోదార్ అబ్బెట్కు అంజి అగ్గే మత్తోండు.యోహాను మొదోటే బాప్తిజం ఈసోర్ మాత్తే బోర్రే ఇద్దే.
41చానా మంది ఓనగ్గ వత్తోరు. ఓరు, ''యోహాను బేసూచక పనుంగు తుంగిల్లోండు గోనిఈనే గురించి యోహాను కెత్త సంగత్కు అంత నిజమే'' ఇంజో కెత్తోరు.
42అగ్గ చాలా మంది యేసిన్ నమ్మతోరు.