¹ ಆಖರಿರ್ ವಾತ್ ಕಾಯಿಕತೋ ಮಾರ್ ಭಾಯಿಯೇ ಪ್ರಭೂಮಾ ಖುಶಿಕರೋ ಅಗಡಿ ಕೋಜಕೊವಾತೆವೋನ್ ಘರನ್ ತಮೇಮಾ ಖುಷಿಕರೋ ಅಗಡಿ ಕೊಜಕೊವಾವೊನ್ . ತಮೇನ್ ವಾತೋ ಘಟೋ ಕರಚ. ² ಓ ಕೊತ್ರಾವುತಿ ಜತ್ತನೆತಿರೋ ಮಾಮ್ದೊದಲರ್ ಕಾಂ ಕರೆವಾಲೆತಿ ಜತ್ತನೆತಿ ರೋ ; ಲಬ್ಬರ್ ಸುತಾವಾಲೆತಿ ಜತ್ತನೆತಿ ರೋ. ³ ಸಾಸ್ ಸುಮ್ತಾವಾಲ್ ಕುನ್ಕತೋ ದೇವೆರ್ ಅತ್ಹ್ಮತಿ ಭಾರಾನ್ ಅರಾಧಾನ್ ಕರೆವಾಳ್,ಕ್ರಿಸ್ತು ಯೇಸುಮಾ ಮಹಿಮಾ ಪಾಯೇವಾಳ್ ಜೀವ್ ಡಾರ್ ಭರೋಸೋ ರಕಾಡೆನಿಜು ಚಾಜಕೋ ಅಪಣಜ್. ⁴ ಮತೊಯಿ ಜೀವ್ ದಾರ್ ಸಂಬದೆವುತಿ ಭಾರೋಸೋ ರಕಾದ್ಣುಕತೋ ಮ ಸದಾ ರಕಾದೆವಾಸ್ ದುಸರ್ ಕೊಯಿತೋಯಿ ಜೀವ್ ಡಾರ್ ಭಾರೋಸೋ ರಕದೆನಿಜು ಜಾಜಕೋ ಅಪ್ನಜ್. ⁵ ಮ ಪೇದಾವಾಜಕೋ ಅಟೋ ದಾಡೆಮಾ ಸುಮ್ತೆವೆಗೋ; ಇಸ್ರೇಯೇಳ್ ವಲಾದೆವಾಲೋ ಬೆನ್ಯಮಿನ್ ಗೋತೆರೋ ಹೆಬ್ರಿಮಾ ಪೆದಾವುಜಕೋ ಹೆಬ್ರಿರೋ ಗ್ರಂಥರ್ವಾಡಿತಿ ದೆಕತೋ ಮ್ ಪರಿಸಯರೋ . ⁶ ಜಾತೇ ರ್ ಪ್ರೇಮಾತಿ ದೆಕತೋ ಮ ಕ್ರಿಸ್ತು ಸಭಾನ್ ಭಾವೇಟಿ ಘಲೇವಾಲೋ ಗ್ರದೆಮ ಕೆಮಲೆಜಕೋ ನಿಯತೆನ್ ದೆತೋ ಮಾ ನಿದೊಷಿ . ⁷ ಅತೋಯಿ ಮನ್ನಾ ಘಾಯೂವೆನಜಕೋ ಕಾಂಯಿ ಕೋ ಕ್ರಿಸ್ತುರ್ ವಾಡಿತಿ ಕಾನ್ ಕೇಲೇರೋಚು . ⁸ ಅತ್ರಜ್ ಕೋನಿ ಮಾರ್ ಪ್ರಭು ಕ್ರಿಸ್ತುಯೇಸುನ ವಳಕೇರ್ ಶ್ರೇಷರ್ ವಾಸ್ ಸೋಲಿನ ನುಕಾನಿ ಕನ್ ಲೆಕೋ ಕರುಚು ಓ ರಾವ್ವಡಿತಿ ಮ ಸೇನ್ ಗಾ ಮಾಲೇನ್ ಓಣುನ್ ವಸಲೋಕೇನ್ ಲೋಕೊರುಚು . ⁹ ಯೆಮಾ ಮಾರ್ ವಾತ್ ಕಾಂಯಿಕ್ತೋ ಮ ಕ್ರಿಸ್ತುನ್ ಕಾಮಾಲೆ ನ್ ಗ್ರಂಥೆರ್ ಘಲ ಛಜಕೋ ಖಾಸ್ ನಿಯತ್ತೆರೋ ವೇನಿಜು ಕ್ರಿಸ್ತುರ್ ವಿಶ್ವಸ್ ಮೇತಿ ಅವಜಕೋ ಕತೋ ಕ್ರಿಸ್ತುರ್ ಉಪರೆರ್ ವಿಶ್ವಸ್ ಅತ್ಹಾರೆತಿ ದೇವ್ ದಜಕೋ ನಿಯತ್ತೆನ್ ಲೇಲೆನ್ ಕ್ರಿಸ್ಥುವಾಲೋವೇನ್ ದೆಕಾವನು ಕಜಕೊಜ್ . ¹⁰ ಉನೆನ್ ಓರ್ ಘರನ್ ಜೀವ್ಯಾಯೇರ್ ಜೋರೇನ್ ಓರ್ ಭಾವೇಟಿಮಾ ಹಂಸೋದಾರ್ ವೇನ್ ಪದವಿನ್ ಮಾಲ್ಮ್ಕಲೆನ್ ಓರ್ ಮೋತೆರ್ ಲ್ಹರೆಮಾ ಓನ್ ಸುರುಪ್ ವೇನ್ ರೇನುಕ ಜಕೋಜ್ ಮಾರ್ ಅಸಾವೇನ್ ಛ. ¹¹ ಹನೂವಾತೋ ಮರೆಜೆಮಾ ಥೋ ದ್ ಸೇಕೇನ್ ವಜಕೋ ಜೀವ್ಯಾರೋಮನ್ನ ಭಳನ್ ಆಯಿ. ¹² ಅತ್ರಮಾ ಮ ಇನಾಂ ಲೇಲೇನ್ ಭಫುರ್ ಲಿದೊಕನ್ ಕೇರೋಕೋನಿಮಾ ಲಾಮ್ಯಿ ಲೇಲೇ ಣುಕನ್ ದಾಮ್ಸ್ ರೋಚೋ. ¹³ ಭಾಯಿಯೇ , ಮಾತೋಯಿ ಪಾಕಾದಾಲಿದೊಕೊಕೆನ್ ಮನ್ ಅಬ್ಬೆಲಗು ಲೆಕೋ ಘಾಳಿದೊಕೋನಿ ಅಟೋ ಎಕ್ ಮ ಪಾಛೆರ್ ಖಬರೇವುನ್ ಭುಳ್ದೇದೇನ್ ಮೂಂದಾಗೆವುನ್ ಪಕ್ಕಲೆಸಾರು ನವರೇನ್ , ¹⁴ ದೇವ್ ಕ್ರಿಸ್ತುರ್ ವಾಡಿತಿ ಹಮೆನ್ ಉಪರ್ ಬಲಾನ್ ಮಾರ್ ಮುಉಮ್ದಾಗ್ ಮೇಲ್ಮಲೇಕೋ ಇನಾಂ ಪಾಯೇನ್ ಗುರಿ ಮೆಲೇನ್ ದಾಮ್ಸ್ ರೋಚು. ¹⁵ ಅಪನೇಮಾ ಭರೆಪುರೆರ್ ವಾಲೋವೇನ್ ಇಜ್ ವಾತೇಮಾ ಘಟ ಥಮನ್ ರೆಮಾ , ಕೋಯಿತೋಯಿ ಎಕ್ ಖಬಾರೆಮಾ ತಮ್ ದುಸರೋ ಸೋಸೇವಾಳೋತೋ ಓನ್ ದೇವ್ ತಮೇನ ಡಕಾಳ್ ದಚ. ¹⁶ ಘನ್ ಹಮ್ ಕೆಮಾ ಕುನಿಸ ನಿಯಮೆನ್ ಪಕಲೇನ್ ಅತ್ತೆತುನಿ ಅಯೇಕೋ ಓನಜ್ ಪಕನೇನ್ [ಅಕಾಲೇನ್ ಚಾಲೇರೇಮಾ . ¹⁷ ಭಾಯಿಯೇ, ತಮ್ ಮಾರ್ ನ್ಯೆ ಚಾಲೋ ; ಪಣ್ ಹಮ್ ತಮೆನ್ ಡಾಕಾಲೇಜಕೋ ನಮೂನಾರ್ ನ್ಯೆ ಚಾಲೇವಾಳುನ್ ಹರೇಮಾಲೇಲೋ. ¹⁸ ಕಸೆನ್ ಕತೋ ಘನೇ ದುಸೇರೇ ಕ್ರಿಸ್ತು ನ್ ಸಿಳುವಾರ್ ವೇರಿವೇನ್ ಚಾಲಚ; ಇನೇರ್ ಖರೆಮಾ ತಮೆನ್ ಕತ್ರಾಯಿಕೋ ಹಪ್ತಾ ಕೋತೋ ಅಬ್ಬಿ ರೋನ್ ಕೇರೋಚು . ¹⁹ ಹಾಳಜ್ ಉನೇರ್ ಅಖಾರಿ; ಪೆಟಜ್ ಓನೇರ್ ದೇವ್ , ಲಾಜೆರ್ ಕಾಮೇಮಾಜ್ ಓನೇರ್ ಮಾನ್ , ಓ ಜಗತಿರ್ ಕಾಮೇರ್ ಉಪರ್ ದಲ್ ಮೆಲಚ್ ಹಮ್ ತೋಯಿ ಪರಮೆರ್ ರಾ ಜ್ಯಮೆವಾಳ್ . ²⁰ ಪ್ರಭು ಯೇಸು ಕ್ರಿಸ್ತು ವತ್ತೆತಿ ರಕ್ವಳಿ ಕರೆವಾಳೋವೇನ್ ಅವಜೇನ್ ವಾಟ ದೆಕ್ರೆ ಜಾ ²¹ ಉ ಸೇನ್ ಓರ್ ಹೇಟ ನವಾಲೆನ್ ಓರ್ ತಾಕತೇರ್ ಜೋರೇವಾಡಿ ಅಪನೇರ್ ಕಾಮ್ ದೇನಿಜಕೋ ಜೀವಾದನ್ ಓರ್ ಮಹಿಮಾರ್ ಜೀವಡಾರ್ ಸಾಯಾರ್ ನ್ಯೆ ರೂಪ್ ಭದಾನಾಕಿಯೇ.