¹ ಓರ್ ದಾಡುಮಾ ಸಾರಿ ಜಗೀನ ಜನೂರ್ ಲೆಕೊಲಕಾಣು ಕೆನ್ ಕೈಸರ್ ಅಗಸ್ಸ್ತ ಆಜ್ಞ್ಯದಿನೊ. ² ಈ ಸೂರಿಯಾ ಕಾಜಕೋ ಮಲ್ಕೆಮಾ ಕುರೇನಿಯ ಹಕಾಮೆದಾರ್ ರಾಜನಾ ಕಿದೋಜಕೋ ಅಗಡಿರ್ ಜನುರ್ ³ ಲೇಕೊ ಲೇಕೆಮಾ ಲಕಯೇನ ಉನೇರ ಉನೆರ್ ಗಮೇನ್ ಗೇ. ⁴ ಯೋಸೆಪ್ಹ್ ಗಲಿಲಯರ್ ನಜರೇತ್ ಗಾಮೆತಿ ರಾಜ್ ದಾವಿದ್ ಹುಯೋಜೇರ್ ಯುದಾಯರ್ ಬೆತ್ಲೆಹೆಮ್ ಗಮೆನ್ ಗೋ. ⁵ ಕಸ್ಸೆನ್ಕತೊ ಉ ದಾವಿದೆರ್ ಪಾದಾವಾಳೂನ್ ಪರಿವಾರೆವಾಳೋ ರಜೆತಿ ಓನ್ ಸಗಾಯಿ ಕರಮೇಲೆಜಕೋ ಮರಿಯಾನ್ ಸಾತ್ ಲೇನ್ ಲಕಾಯನ್ ಗೋ. ⁶ ಜನಾ ಮರಿಯಾ ಪೂರೊ ದಾಡ ರ್ ಆಸತಿ ರ .ಓವತ್ತರಜನಾ ಓರ್ ಜಾಣೆರ್ ದಾದ್ಆಯಿ. ⁷ ಉ ಓರ್ ಪೆಲೋ ಬೀತನ್ ಜಣನ್,ಲತ್ತೆಮಾ ವಿಟನ್ ಛತ್ರಮಾ ಉಂದೇನ್ ಜಾಗ್ ರಕೋನಿ ಜೇರ್ವಾಸ್ ಗಾವಡಿರ್ ಕೊಟಾಮಾ ಸವಾರ್ ದಿನಿ. ⁸ ಓಮಲೆಕ್ಮಾ ಗೊಲಾವರಿಯಾ ಖೇತಾರಿಯಾ ರೆನ್ ರಾತೆರ್ ವಗತ್ ಉನೆರ್ ಗೊರ್ಲಿರ್ ಡಾರೆನ್ ಗಾಸ್ರೆಜನಾ, ⁹ . ಪ್ರಭುರ್ ಸೋಜಾ ಉಂದೇರ್ ಆಂಗ್ ಹುಬ್ರೆಗೋ; ಪ್ರಭುರ್ ಮಹಿಮಾ ಉನೇರ್ ಘರೆನ್ ಝುಂಕೆನ್ ಲಾಗೋ; ಜೀರವಾಸ್ ಓ ಘಣೂ ಚಮಕ್ಗೇ.. ¹⁰ ಉ ಸೊಜಾ ಉನೆನ-ಚಮಕೊಮತ್, ಸಾಮಳೋ; ಜನೂನ್ ಸೇ ಘಣೂ ಮೊಟೂ ಖುಷಿನ್ ಲಾವಕೋ ಆಚ್ ಖಬರೆನ ತಮೇನ್ ಮಾಲೆಮ್ ಕರೋಛು. ¹¹ ಉ ಕಂಯಿಕತೂ-ಈ ವಗತ್ ತಮಾರವಾಸ್ ದಾವಿದೇರ್ ಶೇರೆಮಾ ಏಕ್ ರಕ್ಷಕ ಹುಯೂಚ. ಉ ಪ್ರಭು ಕ್ರಿಸ್ತುಜ್. ¹² ಉ ತಮೆನ ಮಾಲಂವಿರ್ ನಿಶಾನ್ ಕಂಯಿಕತೂ-ಏಕ್ ಬಾಳಾಕ್ ಲತ್ತೆತಿ ವಿಟಾನ್ ಗಾಟಿಮಾ ಸುತೋ ರಾಜಕೋ ತಮ್ ದೀಕೊಚೋ ಕನ್ ಉನೇನ್ ಕೋ. ¹³ ಅನಸಕರ್ ಸ್ವರ್ಗ ಲೋಕೆರ್ ಘಣ್ ಸೋರಾಜ್ ಮಳವೋ ಓ ಸೋಜಾತಿ ಭಳನ್, ¹⁴ ಸೇತಿ ಉಂಚೋ ರಾಜೆ ಮಲ್ಕೆಮಾ ದೀವೇನ್ ಮಹಿಮಾ ¹⁵ ಓ ಸೋಜಾ ಉನೆರ್ ಡಾ೦ಯಿತಿ ಸ್ವರ್ಗ ಲೋಕೆನ್ ಡಗರ್ಗೆ ಜೆರ್ಪಚ ಓ ಗೊಲಾವರೀಯಾ - ಚಾಲೋಜಕೋ ಈ ಕಾಮೆನ್ ಪ್ರಭು ಆಪನೇನ್ ಮಾಲಂ ಕಿದೆಛ ¹⁶ .ಆಪಣ್ ಬೆತ್ಹ್ಲೆಹೆಮೆಲಗು ಜಾನ್ ದೇಕಾ ; ಅವೋ ಕನ್ ಎಕನ್ ಎಕ್ ಕಲೆನ್ ಜಲ್ದಿ ಜಾನ್ ಮರಿಯಾನ್ ಯೋಸೆಪೆನ್ ಗಾವಾಡಿರ್ ಗಾಟಿಮಾ ಸುತೊಜೆ ಬಾಳಕೆನ್ ದಿಟೆ ¹⁷ .ಓ ದೇಕನ್ ಈ ಬಾಳರ್ ಕಾರ್ನೆ ಉನೆತಿ ಕೆಜಕೋ ವಾತೆ ಸೇನ್ ಕೇ. ¹⁸ .ಗೋಲಾವರಿಯಾ ಉನೆನ್ ಕೇಜಕೋ ವಾತೇರ್ ಕಾರ್ಣ ಸಾಮ್ಳೆಕೋ ಸೇ ವಿಚಿತ್ತರ್ ಪಡೆ . ¹⁹ .ಪಣ್ ಮರಿಯ ಓವಾತೆ ಸೇ ಓರ್ ದಲ್ಲೆಮಾ ಹರ್ ದೆಲಾತಿ ಜತನ್ ಕರಲಿದಿ. ²⁰ ದೇವೇರ್ ಸೋಜಾ ಗೊಲಾವರಿಯಾನ್ ಕೊಜೇರವಾಸ್ ಓ ಸಾಮಳನ ದಿಟಿ ಜೇರ್ ಕಾರ್ನೆ ದೇವನ್ ಮೋಟಪಣ್ ಕರ್ತೆ ಧೋಕ್ದೆನ್ ಘರ್ ಡಗರ್ ಗೇ. ²¹ ಭಾಳಕೆನ್ ಸುಂತಾ ಕರೆನ್ ಅಟ್ ಮೋ ದಾಡ್ ಆಯೆ ಜನಾ ಉ ಪೆಟಿಮಾ ಪೆದಾವೊಕೊನಿ ಜೆರಾಂಗ್ ದೇವೇರ್ ಸೋಜ ಪಡೊಕೋಯೇಸು ಕನ್ ಕಜಕೋ ನಾಮ್ ಓ ಪಾಡೇ . ²² .ಮೊಶೆರ್ ಧರಂಶಾಸ್ತ್ರೆರ್ ನೈ ಓ ಉನೇನ್ ಪವಿತ್ತರ್ ಕರೇರ್ ದಾಡ್ವೇಗೆ ಜೇರ್ಪಛ . ²³ .ಹರ್ಯೇಕ್ ಪೆಲೋ ಬೆಟಾನ್ಪ್ರಭುನ್ ಭೆಟ್ ಥೆಣೂ ಕನ್ ಪ್ರಭುರ್ ಧರಂಶಾಸ್ತ್ರೆಮಾ ಲಕ್ಮೇಲೆ ಜೆರ್ವಾಸ್ ಓನ್ ಪ್ರಭುನ್ ಚಡಾಯನ್ ಒನ್ ಯೆರುಸಲೆಮೆನ್ ಲೇಗೆ. ²⁴ .ಪ್ರಭೂರ್ ಧರಂಶಾಸ್ತ್ರೆಮಾ ಕೆಜು ,ಕಮೆಡಿಕೋ ಧಿ ಕಚುತ್ರೆರ್ ಪಿಲ್ ಪಲಾ ಬೊಕಣ್ ದೇನ್ ಓ ಸದಾ ಯರುಶಲೆಮನ್ ಲೇಗೆ. ²⁵ .ಯರುಶಲೇಮೆ ಮಾ ಸಿಮೆಯೋನ್ ಕಜಕೋ ಎಕ್ ಆದ್ಮಿ ರ ಉ ಧರ್ಮೆವಾಳೋ ಕನ್ನಾ ಆಯೆಕನ್ ವಾಟ್ ದೆಕ್ರೋತೋ ಪವಿತ್ತರ್ ಆತ್ಮ ಓರ್ ಉಪರ್ ರ ²⁶ ಉ ಪ್ರಭೂರ್ ಕ್ರಿಸ್ಥುನ ದೆಕೆನಿ ಜೆರಂಗ್ ಮರೆನಿಕನ್ ಪವಿತ್ತರ್ ಆತ್ಮಾತಿ ಓನ್ ಕೆಮೇಲೋ ಉ ಆತ್ಮಾತಿ ಭರಾನ್ ದೇವಳೆಮಾ ಆಯೋ . ²⁷ .ಅತ್ರಾಮಾ ಧರಂಶಾಸ್ತ್ರೆರ್ ನೆಮರ್ ನೈ ಕರೆನ್ ಓರ್ ಬಾಳಕ್ ಯೇಸುನ್ ದೇವಲೆಮಾ ಲೇನ್ ಆಯೇ . ²⁸ ಜನಾ ಸಿಮಿಯೋನ್ ಓರ್ ಹಾತೆಮಾಯೇಸುನ್ ಧೋಕ್ ದೇನ್ ಹನೂಕೊ - ²⁹ .ಪ್ರಭು ,ತಾರ್ ವಾತ್ ಪುರೋವೆಗಿ . ಅಬ್ಬ ಸಮಾಧಾನ್ ಆಜ್ನಾದ . ³⁰ .ಧರತಿ ವಾಳೆನ್ ಝಾಂಕಜಕೋ ವಜಾಳೆರ್ ನೈ ತಾರ್ ಜನ್ ಇಸ್ರಯೇಲನ ಮಹಿಮಾರ್ ನೈ . ³¹ .ದೇವ್ ಸೋಳಿ ಜನ್ನೆರ್ವಾಸ್ ತಯಾರ್ ಕರ್ಮಲೋಜಕೋ . ³² .ತಾರ್ ರಕ್ಷಣಾನ್ ಮಾರ್ ಅಂಕಿ ದಿಟ್ಟಿಕನ್ ಕೋ. ³³ .ಯೋಸೆಪೆನ್ ಯೇಸುರ್ ಯಾಡಿ ಓರ್ ಕಾಣ್ ಕೇಜಕೋ ವಾತ್ ಸಾಮಳನ್ ವಿಚತ್ತರ್ ಪಟೆಜನಾ, ³⁴ .ಸಿಮಿಯೋಕ್ ಉಸೀನ್ ಆಶಿಸ್ ದೇನ್ ಯಾಡಿ ಮರಿಯಾನ್ -ಇದೇಕ್ , ಇಸ್ರಾಯೇಲೆಮಾ ವಾರ್ಸೆಕ್ ನಾಸ್ವೆನನ್ ರಕ್ಷಣ್ ಲೇನ್ ಎ ಬಾಳಕೇನ್ ದೇವ್ ಟೆರಾಮೊಲೋಚ ಈ ಬಾಳ ದೇವೆರ್ ನಿಶನೆರೆನೈ ರಛ , ಜೆರ್ವಾಸ್ ವಾರಸೇಕೆ ಓರ್ ಬಾರೆಮಾ ವಾತೆಕರನ್ ಓನೆರ್ ಧಲ್ಲೆಮಾಯಿರ್ ಸೋಸ್ ಭಾರಪಡಛ , ³⁵ .ವಜ್ಜಿ ಧುಕ್ ಏಕ್ ತಲ್ವಾರೆರ್ ನೈ ತಾರ್ ದಲ್ಲೆಮಾ ಧರಶ್ ಜಾಯೆ ಕೇನ್ ಕೋ. ³⁶ ವಜ್ಜಿ ಆಸೆರ್ ಗೊತ್ರೆರ್ ಫನುವೆಲೇರ್ ಭೇಟಿ ಅನ್ನಾ ಕನ್ ಕಜಕೊ ಏಕ್ ಭಕ್ತಿದಾರಣಿ ವೇತ್ತಿ ಉ ವಾಯಕರ್ ಲೀದಿ ಜೆರ್ಪಚ್ ಸಾತ್ವರಸ್ ಘರೆವಾಳೆತಿ ರೇನ್ ರಾಂಡ್ ವೇಗಿ . ³⁷ .ಉ ಘಣ್ ಚುಡ್ ವೆನ್ ಅಸಿಪರ್ ಚಾರ್ ವರಸ್ ದೇವಳೆನ್ ನಛೂಡಜು ಭೂಕಿ ಅರಜ್ ಕರ್ತಿ ;ರಾತನ ದಿಯೇ ಸೇವಾ ಕರ್ತಿರಿ . ³⁸ .ಉ ಸದಾ ಒಜ್ ಘಡಿಯಾ ಮಾಯಿ ಆನ್ ದೇವೇನ್ ದೊಕ್ದೆನ ಯೆರುಶಲೆಮೆಮಾ ಚೋಡಾವ್ಜೆತಾಣು ದೆಕತೆ ರಾಜಕೋ ಸೇ ಜನುನ್ ಓ ಬಾಳಕೆರ್ ಕಾರ್ನೆ ವಾತೆ ಕರ್ತಿರಿ . ³⁹ .ಅತ್ರಾಮ ಓ ಪ್ರಭುರ್ ಧರಂಶಾಸ್ತ್ರೆರ್ ನೈ ಸೆ ಕಿದೆ ಜೆರ್ಪಚ ಗಲಿಲಯುಮಾ ರಾಜಕೊ ನಜರೇತ್ ಕನ್ ಕಜೆ ಉನೇರ್ ಗಾಮನ್ ಢಗರ್ಗೆ . ⁴⁰ .ಬಾಳಕ್ ವದತೋ ಜೋರೆತಿನ್ ಗೆನೇತಿ ಭರಾಯೋ ;ದೇವೇರ್ ಕೃಪಾ ಓಪರ್ ರ . ಬಾರೆ ವರ್ಸೆಮಾ ಯೇಸು ದೇವಳೆನ್ ಜಾಯೇರ್ ⁴¹ .ಪಸ್ಕಾರ್ ಜಾತ್ರಾನ್ ಓರ್ ಯಾಡಿಬಾಪ್ ಹರ್ಯೇಕ್ ವರಸ್ ಯರುಶಲೆಮನ್ ಜಾತೆತೆ . ⁴² .ಉ ಬಾರೇ ವರಸೆರ್ ಚೋರಾ ವೆಗೋಜನಾ .ಓ ತೆವಾರೆರ್ ಹೇವಾರ್ ನೈ ಓ ಯರುಶಲೆಮನ್ ಗೇ . ⁴³ .ಓ ದಾಡ್ವೆಗೆ ಜೆರ್ಪಚ .ಓ ಘರ್ ಜಾರೆಜನಾ ,ಬಾಳಕ್ ಯೇಸು ಯರುಶಲೆಮೆಮಾ ರೇಗೋ. ⁴⁴ .ಉ ವಾತ್ ಓರ್ ಯಾಡಿ ಬಾಪೇನ್ ಮಾಲಂ ವಿಕೋನಿ .ಉ ಮಳಾಯೇಮ ಚಕೆನ್ ಓ ಕೆಲೇನ್ಎಕ್ ದಾಡೆರ್ ಚಾಲೆಜಾನ್ ಓನೆರ್ ಜನುಮಾನ್ ಮಾಲಂ ರೇಜೇಮಾ ಒನೇ ಧುಂಡ್ ತೆ ರೇ. ⁴⁵ ಉ ದಕಾಯೋಕೋನಿ ಜೆರ್ವಾಸ್ ಒನ್ ಧುನ್ದತೆ ಯರುಶಲೆಮನ್ ಫರನ್ ಆಯೇ . ⁴⁶ .ತೀನ್ ದಾಡ್ವೆಗೆ ಜೇರ್ಪಚ್ಚ ಉ ದೇವಳೆಮಾ ಬೋದಾ ಕರೆವಾಳರ್ ವಚ್ಚ ಬೆಸೇನ್ ಉನ್ದೆರ್ ವಾತೆ ಸಾಮಳತೋ ಉನೇನ ಸವಾಲ್ ಪೂಚ್ತೊ ರ . ⁴⁷ .ಓರ್ ವಾತೆ ಸಾಮಳೆಜಕೋ ಸೇ ಓರ್ ಅಕ್ಕಲೇನ್ ಒರ್ ಜವಾಬೇನ ವಿಚಿತ್ತರ್ ಪಡೆ . ⁴⁸ .ಓರ್ ಯಾಡಿ -ಬೇಟಾ ಹಮೆನ್ ಕಸ್ಸೇನ್ ಹನುಕಿದೋ ?ಇದೇಕ್ ತಾರ್ ಬಾಪನ್ ಮ ರೋತೆ ತೋನ್ ಧೋoದ್ ತೆ ಕನ್ ಓನ್ ಕೆತೆಕಂ . ⁴⁹ .ಉ -ತಮ್ ಮನ್ ಕಸೇನ್ ದ್ಹೊಂಡ್ತೆರೇ?ಮಮಾರ್ ಬಾಪೆರ್ ಕಾಮೇಪರ್ ರೇನೋ ಕನ್ ತಮೆನ್ ಮಾಲಂ ಚೇನಿ ಕಾಯಿ ?ಕನ್ ಉಂದೇನ್ ಕೊ . ⁵⁰ .ಪಣ್ ಉ ಉನೇನ್ ಕೊಜಕೋವಾತ್ ಓ ಮಲಂ ಕರ್ಲಿದಿ ಕೊನಿ . ⁵¹ .ಜನಾ ಉ ಉನೆತಿ ಭಳನ್ ನಜರೆತಿನ್ ಆನ್ ಉನೇರ್ ವಾತ್ ಮಾನನ್ ರ ಓರ್ ಯಾಡಿ ಎವಾತ್ ಸೇನ್ ಓರ್ ಯಾಡಿ ಎವಾತ್ ಸೇನ್ ಓರ್ ದಲ್ಲೆಮಾ ಜತನ ಕರಲಿದಿ. ⁵² .ಯೇಸು ಗೇನೆಮಾ,ಜೀವ್ದಾಮಾ ದೇವೆರ್ ಮೆರೆಮಾ ,ಆದ್ಮೀರ್ ದಯಾಮಾ ,ವದ್ತೋರಿ.