¹ .ದೇರ್ ಲೋಯಿಮಾ ಗಲಿಲಾಯ ಮಲ್ಕೆರ್ ತೋಡಾಸೇಕ್ ನ್ ಪಿಲಾತ ಮಾರಾನಾಕ್ ಮೇಲೋ ಓ ವಕ್ತೆಮಾ ಒತ್ತ ರಜಕೋ ತೋಡಾಸೇಕ್ ಈ ವಾತ್ ಯೇಸುನ್ ಕೆ. ² .ಜನಾ ಉಯಿನೇನ್ ಹನೂಕೋ -ಎ ಗಲಿಲಾಯವಾಲೆನ್ ಅಸೋವೆಲಾ ಪಡೆ ಜೆರ್ವಾಸ್ ಓ ಗಲಿಲಾಯವಾಳ್ ಸೇತಿ ಪಾಪಿವಾಳ್ ಕನ್ ತಮ ಕೆಲೆರೋಚೋ ಕಾಂಯಿ? ³ ಕೋನಿಕನ್ ಮ ತಮೇನ್ ಕೆರೋಚು ತಮ್ ದೆವೆಸಾಂ ಫರೋನಿತೋ ತಮಸೇ ಹನೂಜ್ ನಾಸ್ ವೆಜಾವೋಚೋ. ⁴ .ಉಜ್ಜಿ ಸಿಲೋಯೇಮೆಮಾ ರಜಕೋ ಗೋಪುರ್ ಪಡನ್ ಮರ್ಗೊಜಕೋ ಓ ಅಟಾರೆ ಅದ್ಮಿ ಯರುಶಲೆಮೆಮಾ ಚಜೆರ್ ಸೇತಿ ಜಾದಾ ಪಾಪ ಕಿದೆಜಕೋ ಕನ್ ಕೇಲೇರೇಚೋಮ್ಕಾಯಿ ? ⁵ .ಕೋನಿಕೆನ್ ತಮೇನ ಕೇರುಚು .ತಮ್ ದೆವೆಸಾಂ ಫರೋನಿತೋ ತಮ್ ಸೇ ಹನುಜ್ ಮರ್ ಜಾವೋಚೋ. ⁶ .ಉಜ್ಜಿ ಉ ಉನೇತಿ ಈ ಸಾಟುವಾಕೋ -ಎಕ್ ಆದ್ಮೀರ್ ಅಂಗೂರೇರ್ ಬಾಗೇಮಾ ಏಕ್ ಅಂಜೂರೇರ್ ಜ್ಹೂಡ್ ರ . ⁷ ಉ ಓರ್ ಪಳ್ ಧೂoಡೆನ ಆಯೋಜನಾ ಕಾಂಯಿ ಲಾಬೋಕೊನಿ. ⁸ .ಹನುಕೇನ್ ಉ ಇದೇಕ್ ,ತಿನ್ ವರ್ಸೇತಿ ಮ ಎ ಅಂಜುರೆರ್ ಝೂಡಿಪರ್ ಫಳ್ ಧೂoದೇನ್ ಆರೋಚು .ಪಣ್ ಕಾಂಯಿ ಲಾಬೋಕೋನಿ ಎನ್ ಕಾಟ್ನಾಕ್ ,ಎರ್ ಕಾಣ್ ಈ ಜಮ್ಮಿ ಕಸ್ಸೇನ್ ಖರಾಪ್ ವೇನುಕನ್ ಅನ್ಗುರೇರ್ ಬಾಗೆವಾಳೇನ್ ಕೋ. ⁹ .ಪಣ್ ಉ -ಬಾಪೂ ,ಮ ಓರ್ ಘೆರನ್ ಕ್ಹೊದನ್ ಖಾತ್ ಘಾಲುಚು ಈ ವರಸ್ ಸದಾ ರೇದ್ ಉ ಫಳ್ ಲಾಗತೋ ಆಚೋ ;ನವತ್ತೋ ಕಾಟ್ನಾಕುಚು ಕನ ಕೊ ¹⁰ ಎಕ್ ಸಬ್ಬತ್ ದಾಡೆಮಾ ಉ ಎಕ್ ನೆವೆರ್ ದೇವಳೆಮಾ ಬೋದಾ ಕರರೋ ಜನಾ , ¹¹ .ಹಟಾರೆ ವರ್ಸೇತಿ ವೇಲಾ ಪಡಾಯೇರ್ ಬೂತ್ ಲಾಗ್ರಿಜಕೋ ಎಕ್ ಬೀರ್ ವತ್ತರ .ಓರ್ ಕಡ ನವ್ಜಾನ್ ದಾಸೆಕ್ ಸದಾ ಸುದೋ ಹುಬ್ರೇರ್ ವಂಗಾಯಿಕೊನಿ. ¹² ಯೇಸು ಓನ್ ದೇಕನ್ ಆಕನ್ ಬಲಾನ್ -ಯಾಡಿ ತಾರ್ ರೋಗ್ ಚೂಟಗಿ ಕನ್ ಓನ್ ಕೇನ್, ¹³ ಉಮ್ಪರ್ ಹಾತ್ ಮೇಲೋ ,ಉ ವಾರುವೆನ್ ಸುದೋ ಹುಬ್ರೆನ್ ದೇವೇನ್ ಧೂಕ್ದಿನಿ . ¹⁴ .ಯೇಸು ಸಬ್ಬತ್ ದಾಡೆಮಾ ಆಚೋಕಿದೊಕನ್ ಉ ನೆವೆರ್ ದೇವಲೆರ್ ಹಕಂದಾರ್ ರಿಸೆತಿಬಳನ್ ,ಜನೇರ್ ಮಳಾಯೇನ್ ದೇಕನ್ -ಕಾಮ ಕರೆನ್ ಚೋ ದಾದ್ ಛ .ಓ ದಾಡುಮಾ ಆನ್ ಆಚೋ ವೆಜಾವೋ ಸಬ್ಬತ್ ದಾಡೆಮಾ ಮತ್ ಕನ್ ಕೋ. ¹⁵ .ಜನಾ ಪ್ರಭೂ -ಎ ಸೊಂಗೆವಾಳ್ ,ತಮೆಮಾ ಹರ್ಯೇಕ್ ಸಬ್ಬತ್ ದಾಡೆಮಾ ಓರ್ ಬಳದೆನ್ ರೆದ್ ,ಗದ್ದಾನ್ಕೋ ಗಾಂಟಿಕನೇತಿ ಚೋಡನ್ ಲೆಜಾನ್ ಪರಾವೋನಿ ಕಾಂಯಿ ? ¹⁶ ಹನುರೆತು ,ಅಟಾರೆ ವರ್ಸೇತಿ ಸಾತಾನ್ ಬಾಂದನ್ ರಕಾಡೋಜಕೋ ಅಬ್ರಾಹಾಮೇರ್ ಬೇಟಿ ಎನ್ ಸಬ್ಬತ್ ದಾಡೆಮಾ ಈ ಭಂದಾವನೀತಿ ಚೋದಾಯೇರ್ ಆಚೋಕೊನಿ ಕಾಂಯಿ?ಕನ್ ಉನೇನ್ ಕೊ . ¹⁷ ಉ ಈ ವಾತೇಕೊಜನಾ ಓರ್ ದುಸ್ಮಣ್ ಸೇ ಸರ್ಮಾಗೆ ಪಣ್ ಜನೇರ್ ಮಾಳಾವೋಸೆ ಉ ಕಿದೋಜೆ ಮೋಟೋ ಕಾಮೆನ್ ಸೇನ್ ದೇಕನ್ ಖುಷಿವೆಗೆ. ರಾoಯಿರ್ ದಾಣಾನ್ ಖಾಟೋ ಆಟೋ ¹⁸ .ಉ -ದೇವೆರ್ ರಾಜ್ ಕೇರ್ ಸರಿಕ್ ಚ? ಕೇರ್ ಸರಿಕ್ ಚಕನ್ ಕು ?ಎಕ್ ಆದ್ಮಿ ಲೇ ಜಾನ್ . ¹⁹ ಓರ್ ವಾಡಿಮಾನಾಕಜಕೋ ರಾಂಯಿ ಸರೀಕ್ ಛ ;ಉ ವದನ್ ಮೋಟೋ ಝಾದ್ ವೇಗೋ ;ಆಸ್ಮಾನೇರ್ ಪಂಕೇರು ಓರ್ ದೋಲಾಮಾ ವಸಚ ಕನ್ ಕೋ. ²⁰ ಪರನ್ ಉ -ದೇವೇರ್ ರಾಜ್ ಕೇರ್ ಸರಿಕ್ ಚಕನ್ ಕು ? ²¹ ಏಕ್ ಬೀರ್ ಆಟೋ ಕಾಡನ್ ಸಾರಿ ಖಾಟೋವಜೇತಾನು ತೀನ್ ಪಾಲಿ ಆಟೇಮಾ ಬೂರ್ ಮೆಲಿಜಕೋ ಖಾಟೋ ಆಟೆರ್ ನೈ ಚಕನ್ ಕೋ. ²² ಉ ಯರುಶಲೆಮೇನ್ ವಾಟ್ ಚಾಲನ್ ಜಾವತೋ ಬೋದ ಕರ್ತೋ ಶರೆಮಾ ಗಾಮೆಮಾ ಫರ್ತೋರ . ²³ ಜನಾ ಎಕ್ಲೋ -ಪ್ರಭೂ ರಕ್ಷಣ್ ಲೇವಾಳ್ ತೋಡಾಸೇರ್ ಆದ್ಮಿಜ್ ಕಾಂಯಿ ಕನ್ ಓನ ಪುಚ್ತೆಖಂ , ²⁴ .ಉ ಉನೇನ್ ದೇಕನ್ ಸಾಂಕ್ದೋ ವಾಟೇಮಾ ಜಾಯೇನ್ ಭಾವೆಟಿ ಕರೋ ವಾರ್ಸೆಕ್ ಆದ್ಮಿ ಜಾಯೇನ್ ದೆಕಚ್ ಪಣ್ ಉನೇರ್ ವನ್ಗಾಯೇನಿ ಕನ್ ತಮೇನ್ ಕೇರೋಚು. ಸಾಂಕದೋ ವಾಟ್ ²⁵ .ಘರೇರ್ ಮಾಲಿಕ್ ಉಟನ್ ಬಾಗಲ್ ಘಾಲ್ಲಿದೆ ಜೆರ್ಪಚ್ ತಮ್ ಬಾರ್ ಹುಬ್ರೆನ್ ಬಾಗಲ್ ಮಾರನ್ ಬಾಪೂ ಮಾರ್ವಾಸ್ ಬಾಗಲ್ ಕಾಡ್ ಕನ್ ಕೇನ್ ಸರೂಕೀದೇ. ²⁶ .ಜನಾ ಉ ತಮ ಕತ್ತೆರ್ ಕೋ ತಮೇನ್ ವಳ್ಕೂನಿ ಕನ್ ಜವಾಬ್ ತಮೇನ್ ಕಿಯೇ .ಜೆರ್ವಾಸ್ ತಮ್ ತಾರ್ ಮುಂದಾಗ್ ಹಂ ಖಾತೆಪಿತೇರೆ ತು ಹಮಾರ್ ಆಳಿವೊಮಾ ಬೋದಾಕಿದೋ ಕನ ಕೇನ್ ಲಾಗಿಯೋ . ²⁷ .ಜನಾ ಉ ತಮ್ ಕತ್ತೆರ್ ಕೋ ತಮೇನ ವಲ್ಕುನಿ ಕನ್ ತಮೇತಿ ಕೇರೋಚು ಅಧರ್ಮ ಕರೆವಾಳ್ ತಮ್ ಸೇ ಮಾರ್ ದಾಂಯಿತಿ ಡಗರ್ ಜಾವೋ ಕನ್ ಕಿಯೇ . ²⁸ .ಅಬ್ರಾಹಾಂ ಇಸ್ಸಾಕ್ ಯಾಕೊಬನ್ ಸೇ ಭಕ್ತಿದಾರನ್ ದೇವೇರ್ ರಾಜೇಮ ಚಜೆನನ್ ಪಣ್ ತಮ್ ಭಾರ ಧಕಲಾಗೆಜೆರ್ ನೈ ದೆಕೊಜನಾ ತಮೇನ ರೋಚನಿನ್ ದಾಂತ್ ಚಾಬೇರ್ ವೆಜಾವಚ . ²⁹ ಜನ್ ಉಗ್ಮನೆತಿ ಹಗ್ಮನೆತಿ ಉತ್ತರಮೆತಿ ದಕ್ಷಣಮೇತಿ ಆನ್ ದೇವೇರ್ ರಾಜೇಮಾ ಭಳಚ. ³⁰ ಪಚಾದಿರ್ ಆದ್ಮಿಮಾ ತೋದ್ ಸೇಕ್ ಆಂಗ್ ವೆಜಾವಚ ಆನ್ಗೆರ ಆದ್ಮಿಮಾ ತ್ಹೊದಾಸೆಕ್ ಲಾರೆರ್ ವೆಜಾವಚ ಕನ್ ಕೋ. ಯೆರುಷಲೇಮೇರ್ ವಾಸ್ ಯೇಸು ದುಃಖ್ಪಯೆರೋ ³¹ .ಓ ಘಡಿಮಾ ತ್ಹೊದ್ಸೆಕ್ ಪರಿಸಯವಾಳ್ ಆನ್ ತು ಅತ್ತೆತಿ ನಿಕಳಜೋ ಹೆರೋದ್ ತೊನ ಮಾರ್ನಾಕೆನ್ ದಲ್ಲೇರೋ ಚಕನ್ ಕೇ. ³² .ಉ ಉನೇನ್ ದೇಕನ್ ತಮ್ ಜಾನ ಓ ಸಾಳಿಯಾನ್ ದೇಕನ್ ಹನೂಕೋ-ಇದೇಕ್ ಅಜನ್ ಸವಾರ್ ಮ ಭುತೇನ್ ಭದ್ಕವುತೋ ರೋಗೆವಾಳುನ ಅಚ್ ಕರ್ತೊರೆನ್ ತಿನ್ ದಾಡೆಮಾ ಮಾರ್ಕಾಂ ಪೂರೋ ಕರ್ ಲುಚು. ³³ .ಹನುವತೋ ಆಜ್ ಸವಾರ್ ಪರ್ಮೆದಾಡ್ ಮಾರ್ ವಾಟೇಮಾ ಮ ಜಾವತೋರೇನು ಭಕ್ತಿದಾರ್ ಯೆರುಶಲೆಮಾಜ್ ಪಣ್ ದುಸರ್ ಷೆರೆಮಾ ಮರ್ನುಕೊನಿ ³⁴ .ಯೆರುಶಲೆಮ್ ,ಯೆರುಶಲೆಮ್ ಭಕ್ತಿದಾರುರ್ ಜಾನ್ ಕಾಡೆವಾಳ್ ತಾರ್ ದಾಂಯಿ ಮೇಲೆಜೇನ್ ಭಾಟಾತಿ ಮಾರ್ನಾಕೆವಾಲ್ ;ಕುಕ್ಡಿ ಓರ್ ಪಂಕೊದಾಹೆಟ್ ಕಿಂ ದಾಂಯಿ ಕರ್ಲೆನು ಕೆನ್ವೇತ್ತೋ ಪಣ್ ತಮೆನ್ ದಲ್ ರಕೊನಿ . ³⁵ .ಇದೇಕ್ ,ತಮಾರ್ ದೇವಳ್ ತಮೇನ್ ತಾಲೋವೆಗೊಚ ;ಪ್ರಭೂರ್ ನಾಮೇಪರ್ ಆಯೆವಾಲೇನ ಅಸಿಸ್ವೆದ್ ಕನ್ ತಮ್ ಕಜಕೋ ದಾಡ್ ಆವಜೆತಾಣು ಮನ್ನ ತಮ್ ದೇಕೊನಿ ಕೆರೋಚುಕನ್ ಕೋ .