¹ ಯೇಸು ಕ್ರಿಸ್ತು ಬಾಂಯಾನ್ ಯಾಕೋಬೆರ್ ಯಾಕೋಬೆರ್ ಭಾಯಿ ಛಜಕೋ ಯೂದಾ,ಬಾಪ್ ಚಜಕೋ ದೇವರ ಪ್ರೇಮಾಮಾನ್ ಯೇಸು ಕ್ರಿಸ್ತುಮಾ ಜತನ್ ರೇ ನ್, ಬಂಚಾ ಕನ್ ಆ ಯೇಜೇ ಸೇನ್ ಕೋಸಳ್ ಕೇನ್ ಲ ಕೇರೋ ಕಾಂಯಿಕತೋ . ² ದೇವೆತಿ ಬಲಾಮೆಜೆ ತಮೆನ್ ಮೇರ್ , ಶಾಂತ್ ,ಪ್ರೇಮಾ ಜಾದಾ ವೇದಾ ³ ಮಾರ್ ಪ್ರೆಮೆರ್ ದ್ತೊಸ್ತಿದಾರ್ ಅಪನ್ ಸೇ ನ್ ಛಜಕೋ ರಕ್ಷಣೆರ್ ಕಾಣ್ ತಮೆನ್ ಲಕ್ ಣುಕನ್ ಭಾರಿ ಅಸಾ ಮನ್ ರ . ದೇವ್ ಎಕಜ್ ಹಪ್ತಾ ಓರ್ ಜನ್ ಸೇನ್ ದಿನೋಜಕೋ ವಿಶ್ವಸರ್ ಕಾಣ್ ಆಂಗ್ ಬದನ್ ಚಾಲಣು ಕನ್ತಮೆನ್ ಹಿಮತ್ ಡೆನ್ ಕಾಗದ್ ಲಕೇರೋ ಜರೂರ್ ಕನ್ ಮ ಕೇಳೋದ್ . ⁴ ಕಸೆನ್ ಕತೋ ಭಕ್ತಿಛೆನಿಜಕೋ ಖಾರಾಘ ಮನ್ ಕ್ಯ ತಮಾರ್ ಭಾಳನ್ ಅಪನೇ ದೇವರ್ ಕ್ರುಪನ ಗಬೇತಿ ಖರಾಪ್ ಕರೆಛ ಅಪಣೆ ಎಕಜ್ ದೇವ್ ಚಜೆ ಪ್ರಭು ಯೇಸು ಕ್ರಿಸ್ಥುನ್ ಚೋಡ್ದೇರೇ ಛ ; ಜನಾ ಎ ನೇವರ್ ನಿಷನ್ ಓ ಪಾಯೇವಳ್ ಚಕನ್ ಘನೋ ದಾಡೆರ್ ಅಂಗಜ್ ಗ್ರಥೆಮಾ ಲಕ್ ಮಲೆಚ . ⁵ ತಮೆನ್ ಈ ಸೇ ಹಕ್ ಮಾಲಾಮ್ ರತೊಯಿ ಇಸ್ರ ಯೇಲಿಯುಲೇನ್ ಪ್ರಭು ಎಗುತ ದೇಶೆತಿ ಕಿಮ್ ನಾಸ್ ಕಿದೊಕೋ ವಿಶ್ವಸ್ ಕರೆನಿಜೆನ್ ಪಚ್ಹ ಉ ಕಿಮ್ ನಾಸ್ ಕಿದೊಕೋ ತಮನ್ ಹೆರೆಕರನು ಕನ್ ಆಸಾ ಮ ಆಸಾ ಕರೋಚು . ⁶ ಉನೆರ್ ಹಕ್ಕಮೆನ ಜತನ್ ನಕರಾಜು ಓ ರಜೆ ಜಾಗೆಮಾ ಓ ನರಾಜು ಹಕ್ಕಮೆ ನ ನವನ್ ನರಾಜು ಓ ರಜೆ ಜಾಗೇನ ಚೋಡ ದಿನೇ ಜಕೋ ದೇವೆರ್ ಸೋಜಾರ್ ಖಬರೆನ್ ಹರೆಲಾಲೋ ; ದೇವರ್ ನೆವೇರ್ ಸಜಾ ಪಾವಜೆ ದಾಧು ಲಗು ಉನೇನ್ ಸಾಂಕ್ರಿ ತಿ ಭಾಂದನ್ ಹೆಟ್ ಅಮದಾರೆಮಾ ಪೆಕ್ಮಲೋಚ . ⁷ ಹನೂ ಸೋದೊಮ್ ಗೊಮೆರಾ ಷರೇನ್ ಓರ್ ಆಗಲ್ ಬಗಲ್ ರೆಜೆ ಷೆರೆಮಾರ್ ಜನಸೇ ಓ ಸೋಜಾರ್ ನ್ಯೇ ಚಾಲನ್ ಚನಾಳೋ ನ್ ಓತಿಜಾದಾ ಮಾಂದೊಕಾಮ್ ಕರೆರಜನ ಓ ಹಮೇಶ ಬಳುಕರಜೇ ಅಂಗಾರೆರ್ ಝೂಳೆಮಾ ಸಜಾಪಾರೆಚಕನ್ ಹರೆಲಾಲೋ. ⁸ 8.ಹನುಜ್ ಎ ಸದಾ ಕರಾಕನ್ ಉನೇರ್ ಹರೆಮಾ ಆಸಾಕರೆನ್; ಜೀವೆಪರ್ ಪಾಪೆರೊ ನಿಶಾನ್ ಘಲೆನ್ ಥರತಿರ್ ಹಾಕಮೆನ್ ಕರನ್ ಉಂಚೋಚಜೆ ದೇವರ್ ಮಹಿಮಾನ್ ಖಾತರ್ ನಕರಜು ಸರಾ ಘ ಲೆರೇಚ . ⁹ ಮೆಟೋ ದೇವೆರ್ ಸೋಜಾ ಮಿಖಾಯೇಲ್ ಸದಾ ಹನು ಕಿದೊಕೊನಿ ಪಾನ್ ಮೊಶೆರ್ ಜೀವಾದ್ ಕೇನ್ ಚಾವಣು ಕನ್ ಸ್ಯೆತಾನೆನ್ ಸದಾಬಂದೋ ಕೋನಿ ಪಾನ್ ದೇವ್ ತೋನ್ ಥಲ್ ಕಾರಿಯೇ ಕನ್ ಕೊ. ¹⁰ ಪನ್ ಏ ಉನೇನ್ ಕಾಳೆ ನಿಕೆ ವಾತೇರ್ ಕಾಣ್ ಭಾಂ ಡಕಚ. ಝಾಡಿರ್ ಜೀವರಾಸೆರ್ ನ್ಯೆ ಉನೇರ್ ಓಜ್ ಮಾಲಮ್ ಕರ್ ಲೇರ್ ವಾತೆಜ್ ಉನೇನ್ ನಾಸ್ ನಾಸ್ ಕರಚ. ¹¹ ಉನೇರ್ ಗತೆನ ಕಾಂಯಿ ಕನ್ ಕೂ ; ಓ ಕಾಯಿನ್ ಚಾಲೇ ಜೇ ವಾಟೆನ ಚಾಲೇ , ಪೀಸಾಸಾರು ಆಸಾ ಕೀದೊಜಕೋ ಬಿಲಾಮೇರ್ ನ್ಯೆ ಓ ಬಲಾಕಿದೇ .ಕೊರಾಹು ಹೊಟೆರ್ ಹೊಥೋ ವಾತೆ ಕಿದೋಜು ಪಾಪೆಮಾ ಪಡನ್ ಹಾಳ್ವೆ ವಾಳ್ ಛ. ¹² ಏ ಸಮುದ್ರೆ ಮಾರ್ ರಹಸ್ಯಮೆರ್ ಬಂಡಾರ್ ನ್ಯೆ ರೆನ್ ತಮಾರ್ ದಾವತೇಮಾ ಭಾಳನ್ ಖಾಪಿವಚ; ಧಕ್ ಛನಿಜು ಓ ಉನೆರ್ ಖಾಸ್ ಪೇಟೆ ದೆಕೆವಳ್ ಗೊಲಾವರಿಯಾ ಛ. ಪಾಲೊ ಛಡನ್ ಘಳ್ ಲಾಗೇ ನಿಜು ಸುಕಾಜಾನ್ ಜಡೆತಿ ಹುಕಡನ್ ಪಡೆಜಾಕೊ ಝಾಡರ್ ನ್ಯೆ ಛ . ¹³ ಖಾಸ್ ಅವಮಾನ್ ಕಜೆ ಪೇಂಡಸಡ್ ಛೂ ದೇ ವಾಳ್ ಸಮುದ್ರೆಮಾಯಿರ್ ವೇಂಡಾ ಹಾಳೋ ಳೆರ್ ನ್ಯೆ ಛ. ಘರೇರ ಜಾಕೊ ತಾರಾವೆನ್ ಛಕೋ ಏನೆರ್ ವಾಸ್ ಅಂದಾರೇನ ಹಮೇಶಾ ರಾಕಾಡಂಲೋಛ. ¹⁴ ಏಸಸೆರ್ ಬಾರೆಮಾ ಆದಾಮೆನ್ ಸಾತೋಮ ಪಿದಿರೋ ಹನೋಕ್ ಇದೆ ಕ್ , ಪ್ರಭು ಲಾಕೆರ್ ಲಾಕ್ ಪವಿತರ್ ಸೋಜಾವೂರ್ ಸಾತ್ ಭಾಳನ್ , ¹⁵ ಸೇನ್ ನೆವ್ ಕರೆನನ್ ಭಕ್ತಿಚೆನಿಜಕೋ ಸೆ ಬನಾಭಕಿತರ್ ಕಾಮೇರ್ ಬಾರೆಮಾ ಅನ್ ಬನಾ ಬಕ್ತಿರ್ ಪಾಪಿಯೂ ಓರ್ ಉಪ್ಪರ್ ಕೆಜಕೋ ವಿರೊದೇ ರ್ ಕಟನ್ ವಾತೇ ವೂ ರ್ ಕಾಣ್ ಉನೇನ್ ದಲಾಕರೆನ ಆಯೊ ಕನ್ ಪ್ರವಚನ್ ಕಿದೋ . ¹⁶ ಉನೇರ್ ವಾಸ್ ಓಜ್ ಘನೋ ಆಸಾಕತರೇ ಹಮೇಷ ಟಾಣಕತೆ ಪರಲೆಪರ್ ಥಾವ್ ಘಲೆ. ¹⁷ ಪನ್ ಮಾರ್ ಧೋಸ್ತಿದಾರೋ , ಗೋಜೆ ದಾಡುಮಾ ಅಪನ್ ಪ್ರಭು ಯೇಸು ಕ್ರಿಸುರ್ ಅಪೊಸ್ತಲ್ ತಮನ್ ಕೇಜಕೋ ವಾತೇಕರೇ ಹಮಾಶ ಟನ ಕತೆ ಪರಲೇಪರ್ ಥಾವ್ ಘಲೆ . ¹⁸ ಕಸೇನ್ಕತೋ ಆಖರಿರ್ ದಾಡ್ ಅವಜನಾ. ಓ ತಮೆನ್ ಉನೇರ್ ದಲೇರ್ ಖರಾಘ ಸೊಸೆರ್ ನ್ಯೆ ತಮಾತಿ ಗೋಗ್ಕಕರ್ ಸಕಿಯೇ. ¹⁹ ಮನಕ್ಯಾಆಮ್ಯರ್ ನ್ಯೆನ ಚಾಲಜು , ಉನೇರ್ ಖಾತ್ರೆರ್ ಸೊಸೇ ರ್ ನ್ಯೆ ಚಾಲಾನ್ ತಮಾಮಾ ಬೇದಾಘಲ್ ಸಕಚ. ²⁰ ಪಣ್ ಮಾರ್ ದೋಸ್ತಿದಾರೋ ತಮಾರ್ ವಿಶ್ವಸೇಮಾ ತಮ್ ಪವಿತ್ಹರೇರ ನ್ಯೆ ವದತೆ ರೋ; ಪವಿತ್ಹರ್ ಅತ್ಹ್ಮಾರ್ ಜ್ಯೋರೆತಿ ಅರಜ್ ಕರೋ ಪ್ರಭು ಯೇಸು ಕ್ರಿಸ್ತು ಓರ್ ದಯಾತಿ ತಮೆನ ಶಾಶಿವತ ಜೀವೋ ದಚಕನ್ , ²¹ ತಮ್ ವಾಟ್ದೇಕೆಥರೋ . ದೇವೆರ್ ಪ್ರೇಮಾಮಾ ತೇರನ್ ರೋ . ²² ಆನುಮಾನ್ ಪಡೆರೆಜೆಪರ್ ದಯಾ ದಕಾಳೋ ಅಮಗಾರೆ ಮಾಯಿತಿ ಉನೇನ್ ಭಾರ್ ಖೇಚನ್ ಜತನ್ ಕರೋ. ²³ ಥೋದೆಕೆನ್ ಥಾಕೇ ತಿ ಭಾರಾನ್ ದಯಾ ದಕಾಳೋ ಮಾಂದೋ ಚಾಲಣಿತಿ ವಲಾರಿಜಕೋ ಉನೆರ್ ಲತ್ಹಾನ್ ಇಮ್ಕರ್ ಕರೋ ²⁴ ಆಡಕನ್ ಪಡೆನಿಜು ತಮೆನ್ ರಕ್ವಳಿ ಕರೆಸಾರು ಓರ್ ಮಹಿಮೆರೋ ಅಂಗನೇಮಾ ತಮೆನ ಬನಾ ದೋಷಿ ರ್ ಕರನ್ ಖಷಿತಿ ಹುಬ್ರಕಾಡೆನನ್. ²⁵ ಜ್ಜೊ ರೆವಾಳೋ ಅಪನ್ ರಕ್ವಳಿ ಕರೆವಾಳೋ ಯೇಸು ಎಕೊಜ್ ದೇವನ, ಅಪಣ್ ಪ್ರಭು ಯೇಸು ಕ್ರಿಸ್ತುವರ್ ಡಿತಿ ಮಹಿಮಾ ಮೋಟ ಪಾನ್ , ಪಾಲನ್ ಕರೇರ್ ಹಾಕಮ್ ಸೇ ದಾಡೆತಿ ಆಂಗ್ ವೇಟ ಪಾನ್ ಅಬ್ಬಿ ಹಮೆಷ ರೆಡ್ . ಅಮೆನ್ .