¹ ಮಾರ್ ಬಾಯಿವೋ , ಅಪ್ನೆರ್ ಮಹಿಮಾರೋ ಪ್ರಭು ಯೇಸುಕ್ರಿಸ್ತುಪರೆರ್ ವಿಶ್ವಸಮೆಮಾ ಕಪಟ್ ಚೆನಿಜು ರೋ. ² ಕಿಮ್ ಕತೋ ಸೋನೇರ್ ವಿಂತಿನ್ ಪಾಟರ್ ಲತ್ತಾ ಪೆರ್ಮಲೋಜಕೋ ಎಕ್ ಮನಕ್ಯನ್ ಘಟೋ ಲತ್ತಾ ಪೆರ್ಮೆಲೋಜಕೋ ಎಕ್ ಗರಿಜ್ ತಮಾರ್ ದೇವಲೆನ ಅವಜನಾ. ³ ಪಾಟೆರ್ ಲತ್ತಾ ಪೆಮೆಲೋಜ್ಞ ಮಾನೆತಿ ಡೆಕನ್ ತು ಈ ಅಚೋ ಜಾಗೆಮಾ ಬೆಸ್ಕಣನ್ ಉ ಗರಿಬೇನ ಡೆಕನ್ ತು ವತ್ತ ಹುಬರ್ ಕೊನಿಕತೋ ಅತ್ತ ಮಾರ್ ಪೇಜರ್ ಧಾಂಯಿ ಬೇಸ್ಕಾಕನ್ ತಮ್ ಕೇವತೋ, ⁴ ತಮಾರ್ ಮಾಮ್ಯಿ ತೆದಾತಿನ್ ಮಂದ್ ಸೋಸೇತಿ ನೇವ್ ಕರೆವಾಳ್ ವೋಚೋ ಕೊನಿಕ? ⁵ ಮಾರ್ ಪ್ರೆಮೆರ್ ಭಾಯಿ ಯೇ ಸಾಮಲೋ; ದೇವ್ ಈ ಧರತಿಮಾರ್ ಗರಿಬೇನ ವಿಶ್ವಸಮೆಮಾ ಸವೌಕಾರ್ ಓನ್ ಪ್ರೇಮ್ ಕರಜೆನ ಉ ವಚನ್ ದಿನೋಜಕೋ ರಾಜ್ಯಮೆನ ವಾರಸ್ರ್ ವೆನ ತಾಳ್ಲಿದೊ ಛ ಕೊನಿಕ? ⁶ ಪಂ ತಮ್ ಗರಿಬೇರ್ ಎಜ್ಜತ್ ಕಾದೊಚೋ; ಸಾವೂಕಾರಾಜ್ ತಮೆನ ಗೊಬೋ ಪಾದ್ರೆಚ ಕೋನಿ?ತಮೇನ ನೇವೆರೋ ಪಿತಿಮೇರ್ ಅಂಗ ಖೆಚೆಜಾಯೇವಾಲ್ ಓಜ್ ಕೋನಿಕ? ⁷ ತಮೇನ ಮಲೋಜಕೊಅಚೋ ನಾಮೆನ್ ಓಜ್ ಭುಮ್ದೊಕರೆಚ ಕೊನಿಕ? ⁸ ತೋನ ತು ಪ್ರೇಮ್ ಕರಸಾಜು ಬಗಲೆವಾಲೆನಿ ಪ್ರೇಮ್ ಕರನುಕ್ನ್ ಪವಿತರ್ ಗ್ರಾಂಥೆಮಾರ್ ಶೆಸ್ತ ಆಜ್ಞಾನ ತಮ್ ಪುರೋಕರತೋ ಭಲಾಯಿನ ಕರಾಚ. ⁹ ಸೋಮ್ಗೆವಾಲರ್ ನ್ಯೆರತೋ ಪಾಪ್ಕರನ್ ಲ್ಮ್ಗೆಜೆರ್ ನ್ಯೆ ಧರಮ್ಶಾಸ್ತ್ರೆತಿ ಪಾಪಿ ವೋಚೋ. ¹⁰ ಕಿಮ್ ಕತ್ಹೋ ಎಕ್ ಧರಂಶಸ್ತ್ರೆನ ಪುರೋಮಾಣನ್ ಎಕ್ಕೆಮಾ ಚೂಟತೊಯಿಸೋಲಿ ಅಜ್ನ್ಯಮಾ ದೊಶಿರೋ ವಚ್ಚ . ¹¹ ಕಸೇನ ಕತೋ ವದಾಲೋ ಕರನುಕೊನಿಕನ್ ಕೊಜಕೊಜ್ ನರಹತ್ಯಯಿ ಕರಾರೆತಿ ನೇವ್ ವೆಜಾವಜೆನ ಛಾಜಾಜು ವಾತೇಕರನ್ ಓರ್ ನ್ಯೆ ಕರೋ. ¹² ಸ್ವಾತಂತ್ರೆರ್ ಕರಾರೇತಿ ನೇವ್ ವೆಜಾವಜೆನ ಛಾಜಜು ವಾತೇಕರನ್ ಓರ್ ನ್ಯೆಕರೋ . ¹³ ಕಸೆನಕತೋ ದಯಾ ದಕಾಲೆನಿಜೆನ ದಯ ಚೆನಿಜಕೋ ನೇವ್ ಮಲಚ; ನೆವರ್ ಅಂಗ ದಯಾಜ್ ಜಿತಚ. ¹⁴ ಮಾರ್ ಭಾಯಿಯೇ ಏಕ್ ಓನ ವಿಶ್ವಾಸ ಚಕನ್ ಕೆನ್ ಉ ಕಾಂ ಕರೆನಿತೋ ಓನ ಕಾಂಯಿ ಪಾಯಿದೋ; ಉ ವಿಶ್ವಸ್ ಓನ ರಕ್ಷಣ್ ಕರಿಯೇಕ? ¹⁵ ಏಕ್ ಭಾಯಿಕೋ ಭೇನ್ ಕೋ ಲತ್ತಾಛೆನಿಜು ದಾಡೆರ್ ಬಾಟಿ ಚೆನಿಜು ರಾಜನಾ , ¹⁶ ತಮೇಮಾ ಏಕ್ ಉಮ್ದೆನ ಡೆಕನ್ ತಮ್ ಶಾಂತಿತಿ ಜಾವೂ; ಸಿ ತಾಪೇನ್ ಭುಕ್ ಹಾತಾಲೋ ಕನ್ ಕೆನ್ ಜೀವದಾನ ಚಾವಜೆನ ಉಮ್ದೆನ ದೆನಿಕೋ ಕಾಯಿ ಒಅಯಿದೋ? ¹⁷ ಹನುಜ್ ವಿಶ್ವಸ್ ಕಾಂ ಕರೆನಿಕೋ ಓರ್ ಮಾಯಿ ಉಜ್ ಮಗೊಜೆರ್ ನ್ಯೆ ಛ. ¹⁸ ಎಕ್ ಮನಕ್ಯಾ ತೋನ ವಿಶ್ವಸ್ ಛ; ಮಣ್ಣ ಕಾಂ ಛ, ಕಾಂ ಕನೆನಿಜು ತಾರ್ ವಿಶ್ವಸೆನಮನ್ನದಕಾಲ್ ಮ್ ಮಾರ್ ವಿಶ್ವಸೇನ ಮಾರ್ ಕಾಮೆತಿ ತೋನ ದಕಾಳುಚು ಕನ್ ಕಿಯೇಕೊನಿಕ? ¹⁹ .ದೇವ್ ಎಕೊಜ್ ಕನ್ ವಿಶ್ವಸ್ ಕರನ್ ಚಕ್ನ್ನ್ ಧೂಜಛ. ²⁰ ಕಾಮೆನಿಜಕೋ ಮನಕ್ಯಾ ಕಾಂ ಕರನಿಕೋ ವಿಶ್ವಸ್ ಮಗೊಕಕಜೆನ ಸಾಟ್ತಾ ಚಾನುಕ? ²¹ ಅಪ್ನೆರ್ ಭಾಪ್ ಅಬ್ರಹಾಮ್ ಓರ್ ಬೇಟಾ ಇಸಕೆನ ಭುಕನೆರ್ ಪಿತಾಪರ್ ಚದಾಯೇಜನಾ ಕಾಮೆತಿಜ್ ನಿಯುತೇದಾರ್ ವೋಕೊನಿಕ ? ²² ಓರ್ ವಿಶ್ವಾಸ ಕಾಮೇರ್ ಸಾತ್ ಕಾಂ ಕರನ್ ಕಾಮೆತಿ ವಿಶ್ವಾಸ ಪೋರೋವೊಜೆನ ದೆಕೆಚಿ . ²³ ಹನುಜ್ ಅಬ್ರಾಹಾಂ ದೆವೆನ ವಿಶ್ವಾಸ ಕಿದೋ; ಓನ ಉ ನಿಯತ್ ವೋಕನ್ ಕಜಕೋ ಪವಿತರ್ ಗ್ರಥೆರ್ ವಾತ್ ಪುರೋವಿಚ; ಉ ದೆವೆರೋ ದೊಸ್ಥಿಕನ್ ಕೆರಾಲೋ. ²⁴ ಜೇಟಿ ಮನಕ್ಯ ವಿಶ್ವಸೆತಿಜ್ ಕೊನಿಪನ್ ; ಕಾಮೆತಿ ಸದಾ ನಿಯತೆದಾರ್ ವಚ್ಚಕನ್ ತಮ್ ದೆಕೊಚೋ. ²⁵ ಓರ್ ನ್ಯೆಜ್ ರಾಹಾಬ್ ಚನಾಲಿ, ಸೋಜಾನ ಧಾಂಯಿಕರನ್ ದುಸರೋ ವಾತೆನ ಮೇಲಿಡಿ ನಿಜೆ ಕಾಮೆತಿಜ್ ನಿಯತೆದಾನಿ ವೆಗಿಚ ಕೊನಿಕ? ²⁶ ದಮ್ ಚೆನಿಜಕೋ ಜೀವಡಾ ಕಿಮ್ ಮಗೊಚಕೋ, ಹನುಜ್ ಕಾಂ ಕರೆನಿಜಕೋ ವಿಶ್ವಸಮಿ ಮಗೊಚ.