¹ ባርያሳ ቃበካ ኢየሱስ ክርስቶስሣ ኤርጎ ኤድ ወዴካናንቴ ግስጰዳ ጳውሎ ወንደሣ ከሶቴንስቤ ካውሊ፡፡ ² ቆሮንቶስ ግደር ደና ባርያ አኖንገዶና ኢየሱስ ክርስቶስሣ ጫራግሸጵና ኬዎቤሣ ጌጰሐንጰያ ኢየሱስ ክርስቶስሣ ናብካ ሐማንቴ ራቅና ውሊግደር ካ ኬግስምናም ፋይለውሊላማካም ፃሊኖ ከዴሐማንቴ ግስጰደና ካም፡፡ ³ ባርያ ወንካቤ ጌጰዎሣ ኢየሱስ ክርስቶስሣ ናሽማኖካም ወለማ ኪንካ ኮዴ፡፡ ⁴ ኢየሱስ ክርስቶስናንቴ የም እንጰደንታካ ናሽማኖ ኪሣ ሮሮውሊ ግደር የናንቴ ሐማንቴ ባርያም እጎሸደ፡፡ ⁵ ሐያንቴካም የሣ የርውሊግደር ካ ሐሣዎን ግደርካም ፋይለ የሣ ሜቴን ቃቦንካካም የም ጌጵሣና እጌጵሣዶ፡፡ ⁶ ኢየሱ ክርስቶካ ሐማንቴ ማምምን ዶናንቴ የውታደናካም የንካሐማንቴ ወይድና፡፡ ⁷ አጋታካ ጌጰ ኢየሱ ክርስቶስሣ ሐፋንጰኪሣም ካላንቴ ዎደካካ ባርያሣ ካንታካ እንጰደኖ የራ ፋይለ የካለን ጀግማሞ፡፡ ⁸ ጌጰዎሳ ኢየሱስ ክርስቶ የራ የርካለካም ከሐምማ የኔኤካናንቴ ኖሆ የም ከሣተንሰንዛራካም የምካ ካለናኪካለደዶ፡፡ ⁹ ናሳ ኪሣ ጌጳ ኢየሱስ ክርስቶስሣ የዘራ ግስጰአና እግና ባርያሣ ቻጰደናና እግና፡፡ ¹⁰ እናናቶ ባኪሮ የሣቃቦ ዘርቦ ደንኮጋሬ ወይለም የሣቤቃቦየሣቤ ካለከዴ ኪምካም ናሽቴ ጌጰ ኢየሱስ ክርስቶስ ናንካ ውት የም ጎሽድና፡፡ ¹¹ እናናቶ ባኪሮ የሣ ዜርማኖ ከደን ከቀሎጌ ኤናካለ እንታ ኤሣርድና፡፡ ¹² ሐሣዎስካም ዶንታ ሐማቴና ሐንጰደ ሐያንቴካም የሣ ካለ እንታ ጳውሎና ሐማንቴ ኪጌዶና ዎካ ፉር እንታ ጳውሎገንትና ኬሐማዶ ሐያቴካም ፉራ ቃካም እንታ የኬፈ ገንትናና ማንቴ ኪጌያዶ ሐያንቴ ፉ ዎሀ ይጌይ እንታ ኢየሱስ ክርስቶ ገንትና ኪያማደ ¹³ ይንታ ከደናካም ኢየሱስ ክርስቶ ዎናንቴ ከሸጲደው ጳውሎ ዎናንቴ ዝታጰደው ምሆ ጳውሎ ናብንካ ይት ሸደጲቴ የደ፡፡ ¹⁴ ከቀርስጰስቤ ከጋዶዮስቤሣ አባራ የግደርካ ካለካም ትንቆካ ሸይጰደ ቆሊማም አጋታካ ባርያናንቴ ጎሽኖ ከዴና እያማዶ፡፡ ¹⁵ አገታካ ናብ እስካ ኑንቅካ ሸይጰደ ኤድካለካ ቆሊማሞ፡፡ ¹⁶ ጎንጴ ሊኪካ እስጢፋኖስሣ ኤድ አንታ ሸያንቴ ጴስድና አጋታካ ኢግናሣ አብ እሸያደ እካለማዶ ትማም፡፡ ¹⁷ ኢየሱስ ክርስቶ ዶናንቴ እም ኪንሣደኖ ሐሣዎን ኪሣም ኤናናንቴ ሐንጲና ኤድ እሽየካናንቴ ትማም ኢየሱስ ክርስቶስሳ መስቀንሎ ሱን ደን ከገሬ ሐማንቴና ኤና ቃበንካ እንታ ሐሣውማም ሐማንቴ ኤገያደ፡፡ ¹⁸ መስቀሊንሣ ሐሣዎኖ ኮካደና አጎኖ ማሊግነታምና ከደይ ዎናንቴ ሐርናቴታ ባርያሣ ካንታኖ ፃሊ ኮዴ፡፡ ¹⁹ ይንታ ሐማንቴ ጳፋጰንታካ ሐሚናሣካም ሐማም ኮደሣና እካደሣይ ውት ጌጵና ሐማይና ሣካ ቃቦ ኬሣም ሱን ጎሮ ሐያና እያየደ፡፡ ²⁰ ሐማምኖ ሐንታ ኮዴ ኤፋኖካ ሐንታ ኮዴ ቃደን ኮሣ ሐሣዎን ኤና ሐንታ ዴዴ ባርያሣ ፌን ኮም ሐማምካና እየደይ ዴንጰምካ እንታ አሽኪማሞ፡፡ ²¹ ባርያሣ ሐመምንካ ሐማንቴ ፌኖ ኮኖ ሐማም ዶሣካ ሐማንቴ ባርያም ጴሣናቴ ኬደንደያድምንታካ ምስከን ማሊግንታምን ጋይና ቻደና ፋሽና ኬፉሻይ ሐንጰንታካ ባርያሣ ኬሊሽኖ ፃሊኖ ማትድና፡፡ ²² ሐቴ አይሁና የርፃሊ ሐፋናንቴ ኬዛጌ ግርክና ኤና ሐንጰይና ሐማን ዶሣም ፃሊና ኬሼደደ፡፡ ²³ ውትሐያቴ ኢየሱስ ክርስቶስ ወናናቴ ዝታጳደም ምስካነዎ ምስካደ አጎኖካም አይውድናናንቴ የርዘርበና ባርያም ቻደድምናናንቴ ካም ማሊግንታምና ኮማታደ፡፡ ²⁴ ባርያሣ ግደጰደናይትካም አይሁ ኤድ የደናካም ግርክ ኤድ የደናካም ኢየሱ ክርስቶስ ባርያሣ ካንታካም ባርያሣ ሐምካምና ኖሆ፡፡ ²⁵ ይንታካሞ ኮደካካም ኤድሦሣ ሐማምሣ ሣግ ባርያሣ ማሊግንታምኖ ቆቃናከደይ ኤድ ናሦሣ ፓካሊማምንሣ ሣግ ባርያሣ ቃጀምኖ ፃሊና ኮደደ፡፡ ²⁶ እናናቶ የም ግስንጰደ ዎደስካ ዴንታ ሐስሐማ የደን ዶንደቃባ ማቴ ኤድ ናሦሣ ቃቦካ የሳ ዎን ጴፋካ ጌጵካም ቆሊማም ቃንካም ጴፋካ ፉር ብትካ ቅሊማም ዎንካም ፉርጴፉካምሮ ጌጵባራካ አጵድማም፡፡ ²⁷ የርካለካም ፉር ሐያንቴ ባርያሣ ሐምናም ከቦኪንሣካ ሐማንቴ ፌንከሣ በሊግንታምን ኬቻደ ባርያሣ ፋካለናም ከቦኪንሣንካ ሐማንቴ ፌንኮሣ የርንዛርቦን ኬቻደ፡፡ ²⁸ ባርያ ጎሸጰደም የር አብግያ ሼደናንቴ ፌንከሮ ደርኪን ደናቤ የራ በውጰኳ ደናቤ ናንቴ ደንናንቴ ራቅን አንጰድምን የርን ቻደና፡፡ ²⁹ ሐያንቴካም ኤድ ካለካም ዎትሮ ኪሣ እንታዶንታና ሐማንቴ ጌያ ከጋሬ፡፡ ³⁰ ኢየሱስ ክርስቶስ ማታናንቴ ይጥየስካደና ኪንካ ሐማንቴ ከደን ኖሆ ባርያካ ሐማንቴ ሐማም ዎሣቤ ጫዎ ምንቤ ዎሣም ዎናንቴ ማትድና፡፡ ³¹ ሐያንቴ ካምዶንታ ሐማንቴ ፃፉ ጳንታካ እንታ ደንታና ሐማያ ቾባራና ኪዳደ፡፡