¹ ኧኛቭ ኑእ ወግ ኢኸርካ መርኸት በሳቫይ አሸሁ፤ኢኢ በኧጅሁኗ ሳቭአት እፋድ ኧጠቦጩዋ ሳቭቭአት መላአይካ አሸሁ ፤ኢኢ ኧዋሪዮም ሁዳ ኧጎይታ ማአት ኢቫአካ ሁዳ በሁዳ ኧኸረዴ። ² ትእሳድ ኧትራኧራኧረ ኧቭርጭቆ ባር ኢቨስርካአር አሸሁ፤በቫር ሁዳ ምዬ ፥አአዊ ሁዳ፣ምስርሞኋዪ ኧሹውሞኋይ ሙዝር ኤኤሞዊቭ ሁኗ በትሸኮውዋ ኤኤዲ አሸሁ፤ ሁኖም ጎይታ አቨኗ በገና ጠቦጩታ ³ ኧጎይታአአር ኧኸረ ኧውሴዪ መዝሙርቪ ኧጣይቭ ሁዳይ መዝሙር ዋኸ ቧርም ኢዘሙርዋ ባነደ፣« እንእአአር ኢኸነኸዳ ጎይቶ፣ኧዘቨር እንእ ንኩሶ፣መያኸ ጥርርናአር፣ፍጥርቭ ኤኖዳናአር. ⁴ አኸሁ አይፈያአር ሹውኳኸ አያኸብዳአር ማንተን?እማት አኸ ሙጭርንሀአር።ጥርር ሜናኸ ኧትሄሬ ኧኸሬ ሰቭ እንእ አሄ ኢቫአኴ፤ ቢኢፍትማሄ ኢሰግድኴ። ⁵ ተህም ቀጥወ ሀአሁ ኧቭስክር ድኳም ኧኸረ ቤተ መቅደስ በሳቫይ በትከፈዴ አሽሁ፤ ⁶ ሳቭአቸ እፋድ ኧጠቦቹዋ ሳቭአቸ መላአይካ ተቬተ መቅደስ ሁዳ ዎኦም፤ ሁኖም ተታልባ ኧግር ኤፐዊ ብርጭ ብርጭ ይካ ጓድ ሁጅር ተሆተርምታ፣ናቫሞሁኗ ቦወርቅ ቀበቶ ታአኮጁም ባነደ። ⁷ ተህም ቀጠወ ታርቭአቸ ፍጥረት አት ሁዳ ዘላለም ቢረቭርካ ጎይታይ ማአት ኧዌንኧዮዋ ሳቭአት ኧወርቅ ጥዋ ኧሳቭአቸ መላአይካ አቨኖም። ⁸ ቤተ መቅደስቭ ሁዳ ተጎይታ ክብርቪ ፣ተጦናሞኋ ቢዋአካ ተን ሜንአ፤ኧሳቭአቸ መላአይካ ሳቭአት እፋድሁኗ ኤኤቶውዋ ቲጀፑሩዋ ስን አትሰቭ ኧቬተ መቅደስ ከሲ ኢጋአይ አኸረነዳ።