ጃር ተሪ ፈደያዅዲ፡ ጨዓትድ እንታኽታዅዲ ግን።

ጃር እን ኒዓዶሩሲ ፈደይሰኵሎም፣ ኒኣፋይት ዳግል ኰዶ ኒሕርቕርቖትሲ ነቕሰኵ።

ኰዶ ኵሪተው ወረፍ ናትክሲ ኢዲሰኵሎም።

ባሳንዲ ቀርሜሎስዲ ሰዋሰይስኑዅ፣

ዕምባባ ሊባኖስሩኽር ከፍከፍሱዅ።

እን ተባዅ ኒሓርቕርቖትሲ ምዅርዶ ገረሳዃ አውንኒ?

እን ኒጨዓት ለኺሰና ቡቝተኵ፣

ሸሽ ኰዶ ኒጃብል በጥጥጚሩዅ።

ኰዶ ጨገም ወክትድ መሐገይ ግን።

እን ኒድ እምነውሲ መጝገደኵሎም፣

ኒ፡ ድሂስሮሉ ግን፣

ኰዶ ሓዲስድ ጅርበት ኣኽሮ ኣኽላ።

“እን ሒለቱ ገሪው ድኳ ኣከነ፣ ቀረጭስድኖኽር ድድኖኽር ግን።

ዎ ይሁዳ! ንጃብክ ኣን ጨነቕዳኽር ድኳ ኣከን፣

ንደምቢ ደአም ጨነቕደሊካ።

“ኵስⶖሲ ጕደው ሞላድ አርቶ ኣኽላ፣

እን ልጝን እንታ ጣቖትዅል ህምበው ስእሊትዲ

ናንድ ከደምሰው ጣቖትዲት ዲሂስየሎም ግን፣

ምቝላ ኣኽረውድ፡ አርብ ከደምየልካ ግን።”

ኪሰሪ ድሪሰውዱ ጊታ ዳግል፣

ዎ ይሁዳ! ኵበዓላትሲ ከበርዲ፣ ኵመብጽዓስኻ ተመምዲ፣

ንድ ደምብክ፡ እን ምቝላ ወረርዶካ ኣኽላ፣

ናውክ ድድኖ ኣኽነውድ።