5 ¹ كل رئيس كهنة يختارونه من بين الناس، ويختارونه عشان يكون وكيل عنهم أمام الله،ويقدم لله قرابين وأضاحي يكفروا عن ذنوبهم. ² ولانه هو نفسُه بشر ضعيف، يقدر انه يكون رحيم بالجهال والضالين. ³ وبسبب ضعفه كان من واجبه كمان انه يقدم ذبيحة يكفر فيبه عن ذنوبه،مثلما كان يكفر عن ذنوب الناس.

⁴ وما احد كان يوظف نفسُه بهذا الوظيفة الشريفة،إنما كانت تجي بدعوة من الله، مثلما حصل مع هارون. ⁵ برضوا المسيح ما رفعش نفسُه عشان يكون رئيس كهنة،لكن الله هو الذي له:"أنت ابني، وانا اليوم ولدتك." ⁶ وقال له بمكان ثاني من الكتاب:" أنت كاهن للأبد مثل الملك صادق."

⁷ والمسيح، وقت ما كان موجود على الأرض بصورة إنسان،قدّم صلوات دعي الله بصوت قوي جداً ودموع لله القادر انه ينقذه من الموت، فالله استجاب له لانه تقي. ⁸ ورغم انه كان ابن، تعلم الطاعة من الآلآم اللي عاني منها. ⁹ وبعد ما كمّل عمله، رجع مصدر للنجاة الأبدية لكل اللي يطيعونُه. ¹⁰ لإن الله اختاره رئيس كهنة مثل الملك صادق. ¹¹ وعندي كلام كثير أشتي اتكلم فيبه عشان هذا الموضوع،لكن شرحه صعب إنكم تفهمونه، لانكم بلداء ما تفهموش. ¹² المفروض الآن انكم معلمين، لكن مكانكم تشتوا من يعلمكم من جديد أساسيات كلام الله. رجعتم من مثل الأطفال تشتوا حليب ، بدل الأكل القوي. ¹³ فاللي يتغذي على اللبن الحليب، هو طفل رضيع معندوش خِبرة بالتعليم الصحيح. ¹⁴ أما اللي هم بالغين روحياً، قادرين يأكلوا أكل قوي :لانه حواسهم مدربة بطريقة عملية ويميزوا بين الخير والشر.