3 ¹ يا إخواني الصالحين،اللي الله دعيكم، فكروا بيسوع المسيح الرسول الذي رسله الله عشان يكون رئيس الشيوخ ونؤمن فيبه. ² كان أمين مع الله بالمهمة اللي اختاره من شانها،مثلما كان موسى أمين بخدمته ببيت الله كله. ³ لكن يسوع يستحق كرامة أكثر من موسى، مثلما الذي يبني بيت له كرامة أكثر من البيت نفسه. ⁴ كل البيوت يبنونه البشر،لكن اللي يبني كل شيء هو الله. ⁵ وموسى كان أمين ومهتم بكل بيت الله لانه خادم.وبلغ الرسالة اللي كان لازم انه يبلغه. ⁶ أما المسيح،فهو أمين لانه ابن مسؤول على بيت الله. وهذا البيت هو نحنا المؤمنين، اذا تمسكنا بثباتنا والأمل اللي نفتخر فيبه للنهاية. ⁷ عشان كذا يقولنا الروح القدس:"اليوم، إسمعوا دعوة الله، ⁸ ولا تُقسُّوش قلوبكم مثلما حصل بالماضي، لما آبائكم أغضبوا الله، يوم الإختبار بالصحراء. ⁹ هناك اختبرونا وجربونا آبائكم،رغم انهم شافوا أعمالي أربعين سنة. ¹⁰ عشان كذا غضبتُ على هاذك الجيل،وقلتُ :انه قلوبهم دائماً على ضلال، وما يعرفوش طُرقي أبداً، ¹¹ وأقسمت بغضب إنهم ما يدخلوا لمكان راحتي."

¹² إنتبهوا تمام يا إخوة انه يكون أي واحد منكم قلبه شرير وعديم إيمان،يخلوه يرتد على الله الحيّ. ¹³ لكن شجعوا بعضكم بعض كل يوم، مادام الوقت اسمه اليوم، عشان ما تُقسيش الذنوب قلب أي واحد منكم. ¹⁴ نحنا كلنا شركاء مع المسيح،بشرط انه نتمسك للنهاية بالثقة اللي عندنا من البداية. ¹⁵ برضو التحذير موجه لنا مثلما قال الكتاب:" اليوم،اسمعوا دعوة الله،لا تُقسُّوش قلوبكم مثلما حصل بالماضي،يوم ما عصيتونا." ¹⁶ من هم اللي سمعوا دعوة الله وعصنوه؟ موش هم كل اللي خرجوا مصرمن بقيادة موسى؟ ¹⁷ وعلى من غضب الله أربعين سنة؟ على اللي أذنبوا ،وماتوا بالصحراء. ¹⁸ ومنهم اللي أقسم الله لهم إنهم ما يدخلوا مكان راحته أبداً؟ أكيد اللي عصوا أمره وما اطعُنوش. ¹⁹ نحنا نشوف انهم ماقدروش يدخلوا راحة الله بسبب إنهم موش مؤمنين.