5 ¹ وهذه نصيحتي للشيوخ اللي بينكم، وانا شيخ مثلكم، وشاهد لاِوجاع المسيح، ومعي نصيب بالمجد اللي بيجي. ² اِرعوا رعية الله اللي بينكم، واحرسوهم مثلما يشتي الله، موش بالغصب وإنما برضاكم، وموش طمع منكم تتربحوا، وإنما برغبة منكم تخدموا. ³ ما تتحكموش باللي جابهم الله لعندكم أمانة بين إيديكم، خليكم قدوة لهم. ⁴ ولما يجي راعي الرعاة، شتحصلوا إكليل المجد اللي ما ينتهيش.

⁵ وأنتم يا شباب، استمعوا للشيوخ. وخليكم كُلكم متواضعين بينكم البين، فالله يقف ضد الناس اللي تتكبر، ولاكن يجيب للناس المتواضعين نعمة. ⁶ فخليكم متواضعين تحت يد الله القوية، عشان يَرفعكم لما يجي الوقت المناسب. ⁷ اِبعدوا كُل همومكم علوه، فهو اللي شيجبر خاطركم.

⁸ خليكم منتبهين وعاقلين. فالشيطان عدوكم مثل أسد زائر جالس يدور واحد يأكله. ⁹ فقاوموه وأنتم ماسكين بإيمانكم. والمشاكل اللي تواجهكم هي نفس المشاكل اللي مع اِخوانكم الموجودين بالعالم.

¹⁰ ولاكن الله بيصلح أحوالكم ويثبتكم ويقويكم ويساعدكم بعد المشاكل بوقت قليل، فالله هو اللي يجيب كُل نعمة، وهو اللي دعي لكم إلى مجد المسيح اللي ما ينتهيش. ¹¹ له القوة والمجد للنهاية. آمين. ¹² انا رسلتلكم الرسالة هذه القصيرة بيد سلوانس الأخ الأمين. وهدفي اشجعكم واشهد لكم أنوه النعمة اللي أنتم فيبها هي نعمة الله الحقيقية، فخليكم ثابتين فيبها.

¹³ واللتي في بابل تسلم عليكم، اللي الله اختاره نفسكم. وكمان ابني مرقس يسلم علوكم.

¹⁴ كُل واحد يسلم على الثاني ببوسة المحبة. وسلام لكم كُلكم أنتم اللي تتبعوا المسيح.