1 ¹ نكتب عن كلمة الحياة اللي هي موجوده من البداية، اللي اِحنا سمعنه، اللي شفنه بعيوننا، وشهدنه، وبيداتنا لمسنه.

² وظهرت الحياة لنا قدامنا. ولما شفناها صح، شهدنا لها ذاحين. واِحنا الآن نقلكم بهذه الحياة الأبدية اللي كانت عند الآب وبعدا شفناها قدامنا. ³ واِحنا ذاحين، نقلكم باللي شفنه وسمعنه، عشان يكون معاكم شراكة معانا، وشراكتنا احنا مع الآب ومع ابنه يسوع المسيح. ⁴ واحنا كتبنا لكم عشان فرحتنا تتكمل. ⁵ وهذا الخبر اللي سمعنه من المسيح ونقوله لكم: الله نور وما فيش فيبه ظلام نهائياً. ⁶ ولو قُلنا انحنا معانا شراكة مع المسيح، واِحنا عايشين بالظلام، فاحنا كذابين وما نتبعش الحق. ⁷ ولو كنا صح عايشين بالنور، كما الله هله بالنور، فشتكون معانا شراكة بينتنا البين، والدم حق يسوع ابنه شيطهرنا من كُل ذنب.

⁸ ولو قلنا انحنا ما فيش فيبنا ولا ذنب، فاحنا نكذب على أنفسنا وما شيكونش الحق فيبنا. ⁹ ولو اعترفنا بالذنوب حقنا، فالله أمين وعدل، شيغفر الذنوب حقنا وشيطهرنا من كُل وساخة. ¹⁰ ولو قلنا انحنا ما فيش فيبنا ولا ذنب، فاحنا نخلي الله كذاب، وكلام الله مهلش بقلوبنا.