¹ Ani nyungan sok lain da ba gatn Ananias ge' sautn a' da ba gatn Safira, nyual nyasantak tana' a', ² Ni' umos nyasantak patn uang panjualan (sautn a' pun pane), lalu ni' minsang bagian da lain a' ge' mana' a' ka kaja' rasul-rasul. ³ Tapi Petrus nyansana. "Ananias, nyai bah Amot menguasai atemu sampe ngalakar Roh Jabata nige' cara nahan nyasantak patn panjualan tana' dakoh ? ⁴ Waktu tinga gatn nyual, inyakah dakoh tetap milikmu' ? Pas ngalaka' gatn nyual, inyakah dakoh tetap ka sadatn penguasaanmu' ?Nyaimu' bapikir ladakoh ka sadatn atemu' ? Imu' inya ngalakar talino, tapi mu' ngalakar Jabata." ⁵ Waktu dangah saratn dakoh, jantuklah Ananias langsung kabis. ⁶ Lalu makin buutlah sa maan sok da dangah a'. Laka dakoh utuknglah sok-sok angot ngabungkus a' terus ayo a' minsakng a' kaluar lalu ngubur a'. ⁷ Kira-kira taru jam laka' dakoh, sautn a' utukng' tapi ni' ti' pane jai-jai da laka' terjadi. ⁸ Petrus muji' kini', "Muji'lah ka iko' nyaimu' nyual tana' dakoh untuk sejumlah diah." Mahu dakoh nyansana," Ai' sejumlah dakoh." ⁹ Laka' dakoh Petrus nyansana kini', "Nyaimu' badua sapakat untuk nguji Roh Jabata ? Milelah, kaja' patn ayo a' da laka' ngubur banunmu nga ani ka pintu dan ayo a' pun minsakngmu' kaluar uga'." ¹⁰ Mahu dakoh pun lansung jantuk', panghujung singat terakhir a' dan karah sok angot maruh ge' amput mahu dakoh kabis; ayo a' minsakng mahu dakoh kaluar ge' ngubur a' ka samping banun a'. ¹¹ Maka sa maan-maan sok jemaat pun jadi buut aso, ge' sa maan-maan sok da dangah tentang hal dakoh. ¹² Karah tanda ge' mujizat da laka' terjadi ka antara sok-sok melalui barekng-barekng rasul-rasul. Ayo a' samaan samu'-samu' ka Serambi Salomo. ¹³ Tapi kati' ani nyungan pun sok da brani bagabung ge' ayo a'; tapi ayo a' paling gatn sok hormati. ¹⁴ Maka samakin batambahlah sok-sok da pacaya ka Tuhan, baik are maupun mahu. ¹⁵ Bahkan ayo a' minsakng sok anatm ka pagala' ge' ngabarikng ayo a' ka tampat-tampat pa buus ge' tilam, supaya kalo Petrus lewat, bayangan a' bisa aboh ka sabagian patn ayo a'. ¹⁶ Ka dakoh uga' utukng' samu'-samu' sajumlah aso sok patn kota-kota ka sakitar Yerusalem, minsakng sok anatm ge' da kerasukan roh-roh jahe', ge' ayo a' samaan ahatn. ¹⁷ Tapi imam aso utukng samu'-samu' ayo a' da nganang a' (yaitu sekte Saduki); na ayo a' ngapanuhi rasa dangki, ¹⁸ lalu naap para rasul ge' nyise ayo a' ka sadatn panjara umum. ¹⁹ Waktu ano ngarum, utuknglah nyungan malaikat Jabata muka' pintu panjara ge minsakng ayo a' kaluar, wan a', ²⁰ "Anulah, agutnlah ka ramin Jabata ge mujilah ka maan sok tentang Firman Idup dakoh." ²¹ Waktu ayo a' dangah hal dakoh, ayo a' maruh ka sadatn ramin Jabata waktu ngakap ano ge' ngajar. Tapi imam aso utukng ge' sok da samu'-samu' ge' ini', lalu maba' anggota Dewan Agama, ge' samaan-maan pangama-pangama Israel, ge' ngutus ka panjara untuk nap para rasul. ²² Tapi patugas-patugas da anu kati' ani amput ayo a' ka sadatn panjara, akhir a' ayo a' ure' ge' ngalapor, ²³ "Kai mile panjara dakoh takunci rapat ge' pangawal-pangawal bajaga ka pintu, tapi waktu kai muka' pintu, kai kati ani amput nyungan pun sok da ka sadatn a'." ²⁴ Waktu katua ramin Jabata ge' imam-imam katua dangah hal diah, ayo a' bingung pakse tentang da jai da laka' terjadi ka para rasul. ²⁵ Laka' dakoh utukng nyungan sok ge' muji ka ayo a', "sok-sok da gatn mu' manjara agi' agutn ka ramin Jabata ge' agi' ngajar sok karah." ²⁶ Lalu katua ramin Jabata anu samu'-samu' patugas-patugas a' untuk minsakng para rasul malik, tapi kati' ngiak kakarasan, barang ayo a' buut sok-sok munu' ayo a' ge' batu'. ²⁷ Laka' minsakng para rasul, ayo a' menghadapkan rasul-rasul ka depan anggota dewan. Imam aso mansikatn para rasul, ²⁸ wan a', "Kai mingat karas imu ngajar sadatn gatn diah, tapi imu' laka' nampanhu ge' pangajaranmu', ge' nanggong daya' sok diah ka samo kai." ²⁹ Tapi Petrus ge' Yohanes naham, "kai harus lebih taat ka Jabata daripada ka talino. ³⁰ Jabata nenek moyang kai ngalaka' nangkidup Yesus da laka' gatn imu' ngamis nige cara ngantung A' ka kayu salib. ³¹ Jabata laka' ngangkat nyamo Ini' ka sebelah kanan A' ge' mas A' Pamimpin ge' Juruslamat, untuk mangkatn pertobatan ka Israel, ge' pangampunan duse-duse. ³² Kailah saksi patn samaan diah, ladiah uga' ge' Roh Kudus, da Jabata laka' mangkatn ka asi pun da mentaati Ini'." ³³ Waktu para anggota dewan dangah diah, ayo a' baji' pakse ge' ngate ngamis para rasul. ³⁴ Tapi nyungan Farisi da ba gatn Gamaliel, nya ungan pangajar Taurat, da gatn hormati oleh samaan sok, ini' bangkit agutn ge' mamarintah para rasul untuk minsakng kaluar untuk samantara waktu. ³⁵ Lalu ini' nyansana ka ayo a', "Sok-sok Israel, milelah ge' sungguh-sungguh jai da gatn imu ngate maas ka sok-sok diah. ³⁶ Karna babarapa waktu da idu', Teudas bangkit ngako' adup a' istimewa, ge' samu-samu sekitar ampat ratus ungan, bagabung ge' a'. Ini' gatn ngamis, ge' samaan da laka' nganang a' bapisah-pisah ge' kati' ani katn jai-jai. ³⁷ Laka' sok dakoh, Yudas patn Galilea muncul pada saat ano sensus penduduk ge' minsakng sejumlah sok samu-samu a'. Ini' uga' binasa, ge' samaan da nganang a' bapisah-pisah. ³⁸ Mati' ikitn nyansana ka imu', ngajauhlah patn sok-sok diah ge' biarlah ayo a' ba adup, karna kalo rancana diah atau karaje diah patn talino, maka diah akan gatn matatn. ³⁹ Tapi kalo dakoh patn Jabata, imu' kati' abak' ngalahkan ayo a'; bahkan imu' akan menyadari bahwa imu' sedang malawan Jabata." Maka ayo a' gatn yakinkan. ⁴⁰ Lalu ayo a' maba' para rasul maruh, ge' mukol ayo a' lalu mamarintah ayo a' untuk kati' nyansana ka sadatn gatn Yesus, lalu mambiar ayo a' anu. ⁴¹ Laka' dakoh para rasul nangalatn para anggota Dewan Agama nige ripo karna ayo a' gatn nganggap layak sangsara hinaan karna Gatn dakoh. ⁴² Laka' kejadian dakoh, tiap ano, ka sadatn ramin Jabata ge' patn ramin ka ramin, ayo a' terus-menerus ngajar ge' memberitakan Yesus sebagai Kristus.