¹ Ani beberapa are da utukng patn Yudea ge' ngajar age-age ka dakoh, nyansana "Kalo imu' kati' gatn nyunat sesuai ge' adat istiadat Musa, imu' ti' gatn nyalamatkan." ² Akhir a' Paulus ge' Barnabas pas ngadapi pertentangan ge' badebat ge' ayo a', age-age ka dakoh ngamutuskan Paulus, Barnabas, ge' beberapa sok laitn untuk anu ka para rasul ge' penatua ka Yerusalem untuk mansikatn tentang hal diah. ³ Ayo a' gatn ngutus jemaat dakohpun anu melalui Fenisia ge' Samaria ge' mile pertobatan sok-sok patn bangsa-bangsa laitn. Hal dakoh pakse ngambirakan samaan age ka dakoh. ⁴ Pas ayo a' sampe ka Yerusalem, ayo a' gatn nyambut jemaat ge' para rasul ge' penatua, ge ayo a' muji' samaan hal da Jabata laka' maas. ⁵ Tapi beberapa sok da pacaya, da brasal patn golongan Farusi, agutn ge' muji', "Diah penting untuk nyunat ayo a' ge mamarintah ayo a' supaya bisa mamatuhi Hukum Musa." ⁶ Karna dakoh para rasul ge' panatua bakumpul untuk ngabicarakan hal dia. ⁷ Ngalaka' patn karah pardebatan, Petrus agutn ge' nyansana ka ayo a' , "Age-age, imu' ngapane bahwa beberapa waktu da idu' Jabata laka' ngamilih ka antara imu', supaya ge' parantara baba' ko' sok-sok patn bangsa laitn dangah pakataan injil, ge pacaya. ⁸ Jabata, da ngabal ate talino laka' basaksi ka ayo a' ge' ngacurahkan Roh Kudus, samu ge' da laka' Ini' maas ka ite'; ⁹ ge' Ini' kati' ngadakan pabedaan ka antara ite' ge' laka' nyucikan ate' ayo a' ge' iman. ¹⁰ Jadi' mati' nyai imu' mencobai Jabata, ge' mana' kuk ka samo tengkuk para murud-murud da kati' gatn maha baik nenek moyang ite' maupun ite' adup ? ¹¹ Tapi ite' pacaya bahwa ite' gatn nyalamatkan karna kasih Jabata Yesus, samu' ge' ayo a." ¹² Sok karah tunguh-tunguh sementara ayo a' dangah Barnabas ge' Paulus da ngalapor tanda-tanda ajaib ge' mujizat-mujizat da Jabata laka' ngaraje ka antara bangsa-bangsa laitn melalui ayo a'. ¹³ Laka' ayo a' ngalaka nyansana, Yakobus naham, "Age-age, dangahlah iko'. ¹⁴ Simon laka' nyarita langkina Jabata sejak awal ngalaka' nunjuk anugrah dalam nolong bangsa-bangsa laitn supaya ngangkat patn suatu umat untuk gatn A". ¹⁵ Saratn-saratn para nabi cucok ge' hal diah, seperti da laja' gatn nulis, ¹⁶ Ngalaka' hal-hal diah,Iko akan malik, ge' Ikitn akan mantagutn agi' kemah Daud da laka' roboh; Iko' akan ngabangun ge ngamulihkan karuntuhan a' agi', ¹⁷ supaya sok-sok da basisa akan bajo Jabata, tamasuk bangsa-bangsa laitn damaba' gatn Ko'. ¹⁸ Diahlah dalaka' gatn muji' Jabata, da laka' maas hal-hal diah da laka' gatn pane sejak patn zaman da idu'. ¹⁹ Karna dakoh, menurut pandapatko', ite' kati' perlu ngaco bangsa-bangsa laitn da ngate babalik ka Jabata; ²⁰ tapi da ite' nyampekan ka ayo a' adalah bahwa ayo a' harus ngajauh adup patn bahala-bahala, patn duse pacabulan, ge' patn daya' banatang gatn kabis takajet. ²¹ Sejak patn zaman idu' ani sok-sok ka stiap kota da ngajarkan ge ngamaca Hukum Musa ka sinagoge stiap ano Sabat." ²² Lalu nampak a' baik untuk para rasul ge' panatua, samu'-samu' ge' samaan jemaat, untuk milih Yudas da gatn muji' Barnabas, ge' Silas da adalah pamimpin-pamimpin Gareja, untuk gatn ngutus ka Antiokhia samu'-samu' Paulus ge' Barnabas. ²³ Ayo a' nulis hal diah, "Salam patn para rasul, para panatua, ka age-age patn bangsa-bangsa laitn ka Antiokhia, Siria, ge Kilikia. ²⁴ Ite' ngalaka' dangah bahwa beberapa sok datentu kati' gatn mangkatn hukum dakoh, nangalatn kai ge' nyusahkan imu' nige' pangajaran da ngalisahkan ate imu'. ²⁵ Sahingga diah baik untuk ite' supaya sapakat untuk milih sok-sok ge' ngutus ayo a ka imu' samu'-samu' ge' Barnabas ge' Paulus da ite' gatn mase, ²⁶ da adalah sok-sok da laka' ngataruhkan nyawa a' untuk gatn Tuhan ite', Yesus Kristus. ²⁷ Karna dakoh ite' laka' ngutus Yudas ge' Silas, da uga' akan nyampekan hal-hal da samu'. ²⁸ Karna hal diah gatn mile lamus untuk Roh Kudus maupun untuk kai, supaya kati' ngabebani imu' ge' hal-hal da kati' perlu; ²⁹ malainkan supaya imu' ngajauhkan adup patn panyembahan bahala, daya', banatang-banatang da kabis takacet, ge' uga' patn duse pacabulan. Kalo imu' ngajauhkan adup patn hal-hal diah, diah akan lamus pakse untuk imu'. Salamat bapisah." ³⁰ Pas ayo a' bapamitan, ayo a' brangkat ka Antiokhia; ge' ngalaka' ayo a' ngumpul sok karah, ayo a' nyarahkan surat dakoh. ³¹ Pas ayo a' slesai maca a', ayo a' gambira pakse ge tahibur. ³² Lalu Yudas ge' Silas, ge' uga' para nabi, nyurong age-age ge' karah satatn-saratn ge da menguatkan ayo a'. ³³ Ngalaka' ayo a' nangkabas nyamani ano, ayo a' gatn ngutus sadatn damei patn age-age ka ayo a' da laka' ngutus ayo a'. ³⁴ (Tapi Silas ngamutuskan untuk madi' ka dakoh.) ³⁵ Tapi Paulus ge' Barnabas madi' ka Antiokhia samu'-samu' ge' da laitn a', ge' ayo a' ngajarkan ge' ngabritakan Firman Tuhan ³⁶ Nyamani ano laka' dakoh, Paulus nyansana ka Barnabas, " Kaeh ite' malik mati' ge' ngunjung age-age ite' ka stiap kota tampat ite' da laka' ngabritakan Firman Tuhan , untuk mile' kaadaan ayo a'. ³⁷ Barnabas uga' ngate ngajak basamu' ge' ayo a' Yohanes da uga' gatn muji' Markus. ³⁸ Tapi Paulus bapikir kati ba manfaat minsak Markus, da nga pernah nagalat a yo yam ka Pamfilia ge tigi ani nabat ayo yam ka palayanan koh. ³⁹ Lalu ani ba beda pandapat da tajam antara ayo yam badua, sehingga ayo yam harus bapisah; Barnabas ngajak Markus nganang yam balayar ka Siprus. ⁴⁰ Tapi Paulus milih Silas lalu ayo yam ano, lakakoh paradi yam menyerahkan ayo yam ka anugrah Nyabata. ⁴¹ Lalu yam barangkat naru Siria ge Kilikia, ya menguatkan jemaat-jemaat ke tet.