ಅದ್ಯಯ 2
1
ಯೇಸು ಕ್ರಿಸ್ತು ಪೈದಹುಯೋಥೆ; ದೆವುನು ದೂತ ಇನ ಮಂದಚ್ಚರವಲನ ಮಲಮ್ಕರಯುಥೆ
2
ಯೋ ಕಾಲಮ್ಮ ರಾಜ್ಯಮ್ಕರು ಆದ್ಮಿ ಗಂಥ್ಹಿ ಹುನುಕರಿನ್ ವಥೆ ರಝ್ಹುಇರೊಥೆ ಅಗಸ್ತ ನಥಿ ಆಯು. ಕುರೆನ್ಯ ಸಿರಿಯಮ ಅದಿಪಥಿಹುಇರುಥು ಅ ಅಗಲ್ಲಿಯು ಆದ್ಮಿ ಗಂಥ್ಹಿಹುವನು ಚ್ಚಲಿಯೂ.
3
ತದೆ ಖ್ಹರು ಗನೈಳವನು ಲಿಕ್ಕೈಳವನ ಇವನ ಇವನ ಗಮ್ಮ ಗಯು.
4
ಯೋಸೇಪಬಿ ಯೊಬಿ ದಾವಿದನ ಗರ್ವಲೋ,
5
ಗೊತ್ಹ್ರವಲೋ ಹುಇರೊಸ್ಕಯೆನ ನಮ್ ಲಿಕ್ಕವನತೆಕೆ ಇನ ಖ್ಹಗೈ ಪಡಿಯಿಥೆ ಮರಿಯಲ್ನಿ ಜೋಡ್ಮ ಗಲಿಲಯ ಥಬರ್ಕನಿ ನಜರೆತ್ ಕರಿನ್ ಗಮ್ಮ ಜೈನ ಯುದಯಮಚ್ಚಥೆ ಬೆತ್ಲಹೆಮ್ ಕರಿನ್ ದವಿದನ ಗಮ್ಮ ಗಯು.
6
ಇವನೇ ಇಜ್ಗ ರಥಲಿ ಇನ ಕಾನಪು ದಂಭರಯು.
7
ಯೋ ಇನು ಅಗಲ್ಲೂ ಲಡಕನ ಪೈದಕರಿನ್ ಲುನ್ಗಡಮ ಲಪ್ಪಿಡಿನ್ ವರ್ಪಕ್ಮ್ಮ ಇವನ ಜಗೊಕೊಇನಿಥೆ ಕರಣಂ ಇವನ ದೊಡ್ಡಿಮ ಖ್ಹುಡಯೂ.
8
ಯೋ ಪ್ರಾಂಥಮ್ಮ ಮೆಂಡನಚ್ಚರವಳು ಖೆಥರ್ಮ್ಮ ರೈನ್ ರತ್ಹ್ಮ್ಮ ಇವನ ಮೆಂಡನ ಗುಪ್ಮ್ನ ಜಪಿರಥಲಿ
9
ದೆವುನು ದುಥಯೇಕ್ ಅಇನ್ ಇವನ ಖ್ಹಮೆ ವುಬಿರಯು. ದೆವುನು ವುಜಲು ಇವನ ಅಗೆಪಿಚೆ; ಪ್ರಕಾಶಂ ಹುಯು; ಇವನೇ ಗಣು ಡರಿಗಯು.
10
ಯೋ ದೇವದುಥ -<<ದರೋನಕೋ, ಖ್ಹಂಜೋ ; ಅದ್ಮಿನಖ್ಹರು ಗಣು ಸಂತೋಷ ಪಡನು ಅಚ್ಚಿವಥೆನಿ ಸಮಚರಂನಿ ವಥೆ ತುಮುನ ಮಲಮ್ಕರವುಸ್.
11
ಯೋ ಶಥ್ಕತ್ಹೋ, ಅ ದನ್ನೇ ತುಮರತೆಕೆ ದವಿದ್ನ್ನ ಗಮ್ಮ ಏಕ್ ರಕ್ಷಕ ಪೈದಹುಯೋ. ಯೋ ದೇವೂ ಹುಇರೋಸ್ಥೆ ಕ್ರಿಸ್ತು.
12
ಇನು ಖ್ಹನದ್ ಶಥ್ಕತ್ಹೋ - ಲುನ್ಗಡಮ ಲಪ್ದಿರಕಿಯುಥೆ ಏಕ್ ಲಡ್ಕ್ಹು ದೊಡ್ಡಿಮ ಖ್ಹುತುಥೆ ತುಮೆ ದೆಕ್ಶು >>ಕರಿನ್ ಬೋಲಿಯು .
13
ಥದೆಸ್ ಯೋ ದೇವದುಥನಿ ಜೋಡ್ಮ್ಮ ಪರಲೋಕಮ್ಮನಿ ಸೈನಂ ಖ್ಹರು ಏಕ್ ಮೋಟು ಗಂಪ್ ದೆಕಯು -
14
<<ಉಪ್ಪರ್ಲಾ ಲೋಕಮ್ಮ ದೆವುನ ಮಹಿಮೆ, ಬುಲೋಕಮ್ಮ ಅದ್ಮಿನಮೈ ಸಮದನಂ ದೇವೂ ಇವನ ಲೆಕ್ಕಕರ್ಷೆ >>ಕರಿನ್ ದೆವುನ ಖ್ಹುಸಿಪಡಿಸೈನ್ ಬೋಲಿಯು .
15
ದೇವದುಥ ಇವನಕಂತು ಪರಲೋಕಮ್ಮ ಚ್ಚಲಿಗಯು ತದೆ ಯೋ ಮೆಂದಚ್ಚರವಳು -<<ಹಮೆ ಹಕ್ಕೆಸ್ ಬೆಥ್ಲಹೆಮ್ಮ ಜೈನ ದೇವೂ ಹಮುನ ಮಲಮ್ಕರಯುಥೆ ಅ ಸಂಗಥಿನ ದೆಖ್ಹಿಯೇ ಚ್ಚಲೋ>>ಕರಿನ್ ಇವನ ಇವನ ಮ ವಥೆಬೋಲಿಳಿದು ಥದೆಸ್ ಜೈನ
16
ಮರಿಯಲ್ನ್ನ ಯೋಸೆಪ್ನ್ನ ದೊಡ್ಡಿಮ ಖ್ಹುತುಥೆ ಯೋ ಲಡಕನ ದುಂದಿಳಿದು.
17
ಇನ ದೆಕ್ಥಲಿ ಇವನೇ ಯೋ ಲಡ್ಕನ ವಿಷಯಮ್ಮ ದೇವದುಥ ಇವನ ಬೋಲ್ಯಥೆ ವಥೆನ ಇವನ ತಿಲಿಸಯು.
18
ಇನ ಖ್ಹಂಜಿಯುಥೆ ಖ್ಹರು ಮೆನ್ದಚರವಳು ಖ್ಹಂಜಿಯುಥೆ ವಥೆನ ಆಶ್ರಯ ಪಡಿಯು.
19
ತದೆ ಮರಿಯಲ್ ಯೋ ವಥೆಖ್ಹರಿ ಇನಿ ದಿಲ್ಮ್ಮ ರಕಿಲಿನ್ ಸೋಸುಕರ್ಥಿಥಿ.
20
ಮೆಂದಚರವಳು ಇವನ ದೇವದುತ್ತಿ ಬೋಲಿಯುಥಿಮ್ಮಸ್ ಖ್ಹರಿ ಸಂಗಥಿನ ಬೊಲಿನ್ ದೆಕಿನ್ ಯೋಖ್ಹರಣ ದೆವುನ ಗನಪಡಿಸೈನ್ ಸುತ್ಹಿಕರಿನ್ ಪಸುಪರಿನ್ ಗಯು. ಯೇಸುನು ಬಾಗ್ ದೇವಾನು ಬುಜು ಇನಬಿ ಮಂದಿರ್ಮ ದೆವುನ ಸಮರ್ಪಿಸಯು.
21
ಯೋ ಲಡ್ಕನ ಪ್ರತಿಸ್ಟೆ ಕರನ ಜವಾನ ಅಟ್ ಧನ್ ಬರೈಗತ್ಹೋ ಉಪ್ಪಾರ್ ನೇಮಕ ಹುಯುಥೆ ಪ್ರಕರಂ ಯೇಸು ಕರಿನ್ ನಮ್ ಮೇಲಿಯೂ. ಲಡ್ಕು ಪೆಟ್ಮ್ಮ ಭ್ಹಂಧಉಂಕರ ತಿನ ಅಗಡಿ ದೇವದುಥ ಯೋಸ್ ನಮ್ ಮಲಮ್ಕರಿರಖಿಯುತು.
22
ತದೆ ಮೋಶೆನಿ ಧರ್ಮ್ಮಸತ್ರಂ ಪ್ರಕಾರ ಇನ ಕಿಲಿನ್ ಕರನು ದಂಖ್ಹರು ಬರವುಥಲಿ ಇವನೇ ಯೋ ಲಡ್ಕನ ಯೆರುಸಲೆಮ್ಮ ಪಡಿಲಿನ್ ಗಯು .
23
ಶೇಕತ್ಹೋ <<ಪಾಸ್ಟ್ ನು ಲಡಕು ದೆವುನ ಸಮರ್ಪನೆ ಕರ್ನೂ>> ಅಮ್ಕರಿನ್ ದೆವುನಿ ದರ್ಮಶಸ್ತ್ರಮ್ಮ ಲಿಕ್ಕರುಥಿಂ ಯೋ ದೆವುನ ಸಮರ್ಪಣೆ ಕರ್ನುತು.
24
ಅತ್ರೆಸ್ ಕಯೇಥೆ ದೆವುನ ದರ್ಮಶತ್ರಮ್ಮ ಬೋಲಿರಕಿಯುಥೆ ಇವನೇ <<ಏಕ ಜ್ಹೋಡು ಇಲೋಯ್ಹೆತ್ಹೊಬಿ ಬೆ ಪರೇವಾನಿ ಚೆಲ್ಕತ್ಹೊಬಿ>>ಬಲಿದೇನುಥೋ .
25
ಯೋ ಕಾಲಮ್ಮ ಯೆರುಸಲೆಮ್ಮ ಸಿಮೆಯೋನಕರಿನ್ ಏಕ್ ಅದ್ಮಿತು. ಯೋ ಆದ್ಮಿ ನಿಥಿವಳು ದೆವುನಿ ಭಕ್ಥಿವಳು ಹುಇರಿನ್ ಇಸ್ರಯೇಲ್ ಅದ್ಮಿನ ಸಹಾಯಕರವಳು ಕಾದೆ ಅವಶೇ ಕರಿನ್ ಅಖ್ಕರಿನ್ ತ್ಹು; ಉಜು ಯೋ ಪರಿಶುದ್ದಥ್ಮನಿ ಬರೈನಥು.
26
ಅಕಯೇಥೆ, ದೇವೂ ಬೋಲಿಮೊಕಲನ ಕ್ರಿಸ್ಥುನ ದೆಖನ ಅಗಡಿ ತು ಮರೀಶ್ ಕೊಇನಿಕರಿನ್ ಪರಿಶುದ್ದಥ್ಮನಿ ಗೋನಿ ಇವನ ವಥೆ ಬೋಲೈಗಿ.
27
ಯೋ ಪರಿಶುದ್ದಥ್ಮ್ಮನಿ ಸಹಾಯಥಿ ಮಂದಿರ್ಮ ಆಯೋ ; ತದೆ ಬಾ ಆಯಾಖ್ಹರು ಯೇಸುಕರಿನ್ ಲಾಡ್ಕಣ ದರ್ಮಶಥ್ರಮ್ಮ ಬೋಲಿರಕಿಯುಥೆ ಪದ್ದಥಿನಿ ಗೋಣಿ ಚಲ್ನುಕರಿನ್ ಲಡ್ಕನ ಮೈ ಲಯಿನ್
28
ಇವನೇ ಯೋ ಲಡ್ಕನಾ ಇನ ಹತ್ಹ್ಮ್ ಪಡಿಲಿನ್ ದೆವುನ ಗಪಡಿಸೈನ್ -
29
<<ದೇವೂ ತಾರಿ ವಥೆ ಬರೋಬಾರ್ ಹುಇ; ಹಂಖೆ ಸಮದನಖ್ಹು ಝಾವನ ತಾರ ದಾಸ್ನ ಅಪ್ಪಣೆ ಹುಇ .
30
ತು ನೇಮಕ ಕರಿಯೋಥೆ ರಕ್ಷಕನ ಮೇ ಡೋಲತ್ಹಿ ದೆಕಿಯೋ.
31
ಖ್ಹಾರಅದ್ಮಿನ ಯೋ ಪ್ರತ್ಯಕ್ಷಂ ಹುವಾದ ಕರಿನ್ ಇನ ಓದಗಿಸಯೋ .
32
ಯೋ ಆಲದ ದೆಖ್ಹ್ವಲನ ಜ್ಞಾನಮ್ನಿ ವುಜಲು, ಥರ ಅದ್ಮಿವುನ ಇಸ್ರಯೇಲ್ನ ಗನಥೆ>> ಹುವಾದ.
33
ಯೋ ಲಡ್ಕನ ವಿಷಯಮ್ತಿ ಬೋಲಿಯ್ಥೆ ಅ ವಥೆನ ಇನ ಬಾ ಅಯಬಿ ಆಶ್ಚರ್ಯ ಪಡಿಯ
34
ಸಿಮೆಯೋನ ಇವನಬಿ ಅಶಿರ್ವದಿದೀನ್ ಅಯಹುಇರಿಥೆ ಮರಿಯಲ್ನ್ -<<ದೇಕ್ ಅ ಇಸ್ರಯೇಲ್ ಅದ್ಮಿಮ ಅನೇಕ ಬಡಿಜವನ, ಅನೇಕ ವುಟನ ಕರನಹುಇರಶೆ; ಉಜು ಆದ್ಮಿ ವಿರೋದ ಕರಿನ್ ವಥೆಬೋಳನಬಿ ಗುರ್ತು ಹುಇಜಷೆ ;
35
ಅಮ್ ಗನಾದ್ಮಿನಿ ದಿಲ್ ಆಲೋಚನೆ ಖ್ಹರು ಬಹಿರಂಗ ಹುಜಷೆ; ಅ ಕರನಥಿ ಅ ಪೈದಹುಯುಥೆ. ಅಕಯೇಥೆ ತರು ಸ್ವಂತ ಮನಸುನಿ ವೇದನ ಶುರು ವುಷೆ >>ಕರಿನ್ ಬೋಲಿಯು.
36
ಅಕಯೇಥೆ ಆಶೆರನ ಜಥ್ವಳು ಪನುವೆಲನ ಚ್ಹೊಗ್ರಿ ಹುಇರಿಥೆ ಅನ್ನಕರಿನ್ ಏಕ್ ಪ್ರವಾದಿ ತ್ಹಿ . ಯೋ ಗಣಿ ಬುಡಿಯಹುಇರಿಥಿ; ಯೋ ಇನಿ ಕಾವರಿನು ರೂಪಂ ಝಾಥಲಿ ತದೆ ವಗ್ರಿಬಿ ಖ್ಹಾಥ್ ವರಖ್ಹ್ ಜಿವಿನ್
37
ಚರಿಖ್ಹ್ ಪರ್ಚರ್ ವರಖ್ಹ್ ಮುಂಡಮೊಪಿ ಹುಇರಿಥ್ಹಿ. ಯೋ ಮಂದಿರಂನ ಮೆಂದಿನ್ ಗೈಕೊಇನಿ ಉಪವಾಸವಿಜ್ಞಾಪನೆತ್ಹಿ ರತ್ ದನ್ ದೆವುನ ಆರದನೆ ಕರುಕರ್ಥ್ಹಿಥ್ಹಿ.
38
ಯೋ
ಯೋಸ್ ಸಮಯಮ್ಮ ಕನ್ನೆ ಅಇನ್ ದೆವುಥ್ಹಿ ಹುವ್ವಥೆ ಉಪಕರಮ್ನ ಖ್ಹಯಲ್ಕರಿನ್ ಗಣಪಡಿಸೈ ಯೇತ್ರಸ್ ಕಯೇಥೆ ಯೆರುಸಲೆಮ್ಮ ಬಿಡುಗಡೆ ಹುಇಥೆ ಖ್ಹುಸಿಪಡುಕರಸ್ಥೆ ಖ್ಹರು ಜ್ಹೊದ್ಮಮ ಇನಿ ವಿಷಯಂತ್ಹಿ ವಥೆಬೊಲವಲಿಹುಇ.
39
ರಾಯು ತದೆ ಇವನೇ ದರ್ಮ್ಮಶತ್ರಮ್ಮ ಬೋಲಿಯುಥೆ ಕರ್ಯಮ್ ಖ್ಹರಿ ಬರೋಬಾರ್ ಕರಿಯುತದೆ ಗಲಿಲಯಮ ಸೇರಿಯೂಥೇ ನಜರೆತ್ ಕರಿ ಇನ ಗಮ್ಮ ಪಸುಗಯು.
40
ಯೋ ಲಡಕು ಮೋಟೋಹುಇನ್ ಬಲಂಹೊಂದೀನ್ ಜ್ಞಾನಮ್ಥ್ಹಿ ಬರೈಗಯು; ಉಜು ಇನ ಉಪ್ಪಾರ್ ದೆವುನಿ ದಯೆ ತ್ಹಿ. ಯೇಸು ಬರವರಖ್ನೋ ಹುಯೋತದೆ ಯೆರುಸಲೆಮ್ಮ ಗಯೋ ಜೈನ್ ಮಂದಿರ್ಮ್ಮ ಪಡಿಹುಯಾನಿ ಜ್ಹೋದ್ಮ ಸಂಭಾಷಣೆ ಕರಿಯೋಥೇ.
41
ಯೇಸುನ ಬಾ ಆಯಾ ಖ್ಹರು ಪ್ರಥಿಯೇಕ್ ವರಖ್ಹ್ ಪಾಸ್ಕ ಪುಜ್ಹ್ಹಾಮ ಜತ್ರನ ಯೆರುಸಲೆಮ್ನ ಝ್ಹತುತು.
42
ಅಮ್ರವನು ಸಮಯಮ್ಮ ಯೋ ಬರವರಖ್ಹ್ನೋ ಹುಇರೋತ್ಹೋ ಇವನೇ ಪದಥಿಪ್ರಕರಂ ಇಝಾಗ ಗಯು.
43
ಪುಜ್ಹನು ದನಖ್ಹರು ಮುಕ್ಸೈಲಿನ್ ಪಸುಪರಿನ್ ಅವನಿಸಮಯಮ್ಮ ಲಡುಕು ಹುಇರೋಥೆ ಯೇಸು ಯೆರುಸಲೆಮ್ಮಸ್ ರಹಿಗಯು. ಇನ ಬಾ ಆಯಾ ಖ್ಹರು ಯೋ ಮಲಮ್ಕರಿಯುಕೊಇನಿ
44
ಯೋ ಜವವಳನಿ ಗುಂಪಮ ಸೆರಿಗಯೂಶೆಕರಿನ್ ಸೋಸಿನ್ ಏಕ್ ಧನ್ ಪ್ರಯನಂಕರಿನ್ ಬಂದುಗಲಬಂದುಗಲ್ಮ್ಮ ಪರಿಚಯಂ ಅದ್ಮಿಮ
46
ಇನ ದುಂದೀನ್ ದೆಖ್ಹಯುಕೊಇನಿ ಬುಜುಪಸು ಯೆರುಸಲೆಮ್ಮ ದೊಂತೊಹಿನ್ ಗಯು.
45
ಥಿನ್ ದನ್ನ ಬದ್ಮ ಇನ ಮಂದಿರ್ಮ್ಮ ದೆಕಿಯು. ಯೋ ಬೋದನೆಕರವಳನಿ ಜ್ಹೊದ್ಮ ಬೇಸಿನ್ ಇವನ ಉಪದೆಶಮ್ನ ಖ್ಹಂಜಿನ್ ಪ್ರೆಶ್ನೆದೀನ್ ತ್ಹು.
47
ಯೋ ಬೋಲಿಯುಥೆ ವಥೆನ ಖ್ಹಂಜಿಯುಥೆ ಖ್ಹರು ಇನ ಬುದ್ದಿನ ಉತ್ಹ್ಹರನಬಿ ಅಶ್ಹರ್ಯಂಪಡಿಯು.
48
ಬಾ ಆಯಾಖ್ಹರು ಇನ ದೆಖಿನ್ ಅದ್ರಿಗಯು; ಉಜು ಇನಿ ಆಯಾಬಿ -<<ಖ್ಹಮ್ಮ, ತು ಮನ ಅಮ್ಷೆಕರಿಯುಥೆ ? ತರೋ ಬಾಬಿ ಮೆಬಿ ಕೆತ್ರೆಕಿ ಗಬ್ರೈಗಯನಿ ತುನ ಧುನ್ದೀನ್ ಆಯಾನಿ >>ಕರಿನ್ ಬೋಲ್ಥಲಿನ್
49
ಯೋ ಇವನ-<< ತುಮೆ ಮನ ಡುಂಡಿಯಷೆ? ಮೇ ಮಾರೋ ಬಾನ ಗರ್ಮ್ಮರವವಲೋ ಕರಿನ್ ತುನ ಮಲಮ್ಕೊಇನಿನ ?>> ಕರಿನ್ ಉತ್ಹ್ಹರಂ ದಿದು.
50
ಕತ್ಹೋ ಯೋ ಬೋಲಿಯೋಥೆ ವಥೆನಿ ಅರ್ಥಂ ಇವನ ಮಲಮ್ಕೊಇನಿ.
51
ತದೆ ಯೋ ಇವನ ಜೋಡ್ಮ್ ನಜರೆತ್ನ ಅಇನ್ ಇವನ ಥಗ್ಗಿಸೈಲ್ದು. ಇನಿ ಅಯಬಿ ಅ ಸಂಗತಿಖ್ಹರಿ ಇನಿ ದಿಲ್ಮ್ಮ
52
ರಕಿಲಿದಿ.ಯೇಸು ಜ್ಞಾನಮ್ಮಬಿ ಅಂಗ್ನಿ ಬಳಮಖ್ಹುಬಿ ಮೋಟುಹುಇನ್ ಆಯು; ಅತ್ರೆಸ್ ಕಯೇಥೆ ದೆವುನ ಬುಜು ಅದ್ಮಿನ ದಯೆಬಿ ಇನ ಉಪ್ಪಾರ್ ಗಣುಗನು ಆಯು.