Chapter 5
1
ಅನಾನಿಯಕರಿ ಏಕ್ ಆದ್ಮಿನೆ ಇನಿ ಆಸ್ತಿಮಾಥು ಏಕ್ ಭಾಗ್ ಏಚಿನ್
2
ಬಾಯ್ಕೋನಿ ವಾತಪರ್ ಪೈಶಾನ ತೋಡು ಲಪಾಡಿ ಥೋಡೂ ಪೈಶಾನ ಅಪೋಸ್ಥಲರ್ನ ಲ್ಯಾಯಿನ್ ದೇಸ್.
3
ತದೆ ಪೆತ್ರನೆ ಬೊಲ್ಯೊ ಅನಾನಿಯ ತಾರೀ ಆಸ್ತಿ ಏಚಿನ್ ಇನ್ಮಾಥು ತೋಡು ಲಪಾಡಿನ್ ದೇವ್ನ ವಂಚನೆ ಕರಾಖರಕು ಶೈತಾನ್ನ ಜಘೋ ಶೇದಿಧೋ.
4
ತಾರಿ ಆಸ್ತಿ ಪೈಶಾ ತಾರ ಹಾತ್ಮಾ ತೂನಿ ತಾರಾ ದಿಲ್ಮಾ ಆ ವಾತ್ನ ಪೈದಶಾನಕಾರ್ಯೋ ತು ಜ್ಹುಠಿ ದೇವ್ನ ಖಾಮಣೆ ಬೊಲ್ಯೊ.
5
ಆ ವಾತ್ ಖಂಜೀನ್ ಅನಾನಿಯನೆ ಜಾನ್ ಮಹೇಲಿದಿದೂ. ಖಾಂಜವಳಾನ ಘನೋ ಡರ್ ಪೈದಹುಯೋ.
6
ಇನಾ ಪಾಡಿಲೀಜಿನ್ ಸಮಾದಿ ಕರೀನಾಖ್ಯು.
7
ತೀನ್ ಘಂಟಾನ ಬಾದ್ ಇನಿ ಬಾಯ್ಕೋ ವಾತ್ ಬಾರೆಮ ಮಾಲುಮ್ ಪೆತ್ರಕನ ಆವಾಸ್
8
ಇನಾ ಪೆತ್ರನೆ ದೇಖಿನ್ ಬೋಲಾಸ್ ತುಮೆ ಜಮೀನ್ ಎಚಾತೆ ಅತ್ರಾನಾಸ್ ಕರಿ ಬೋಲಮ ಇನೇ ಎತ್ರನಸ್ ಕರಿ ಬೋಲಿ.
9
ತದೇ ಫೆತ್ರಾನೆ ಇನಾ ಬೊಲೋ ತುಮೆ ದೇವ್ನ ಆತ್ಮನ ಪರೀಕ್ಷೆ ಶೇ ಕರ್ಯ ತರಾ ಬಆವ್ರಿನ ಸಮಾಧಿ ಕರೀನ್ ವಾಳವಸ್ ತು ನಾಭಿ ಸಮಾಧಿ ಕಾರನ ಜಾಶೇ
10
ಅಮ್ ಬೊಲುಸ್ಕರ ಸಪೇರಾಬಿ ಮರಿಜಅಸ್ ತದೆ ಶಿಶ್ಯಾರ್ ಏನಾಬಿ ಪಾದಿಲೀಜಿ ಸಮಾಧಿ ಕರಿನಾಖ್ಯಾ
11
ಆ ವಾತ್ನ ಕಂಜೀನ್ ಅದ್ಮಿಮಾ ಡರ್ನಿ ವಾತ್ ಫೈಲಾಯ್ಗಿ.
12
ಅಮ್ಮಸ್ ಅಪೋಸ್ಟಲರ್ ಆದ್ಮಿನ ಮಧ್ಯಮ ಕೇತ್ರುಕಿ ಅದ್ಬುತ ಕಾರ್ಯ ಕರುಕಾರ್ಥಥ. ಖಾರು ಏಕ್ ಹುಯ್
ಸೋಲೊಮೋನ್ನೆ ಭಂದಯೋಥೆ ಮಂಟಪ್ಕನ ಆಯಿನ್ ಪ್ರಾರ್ಥನೆ ಕರ್ತುತೂ.
13
ತೋಡು ಆದ್ಮಿ ಇವ್ನಿ ಜೋದ್ಮ ರವಾನ ಡಾರ್ಯು ದೇವ್ನ ಮಹಿಮೆಕರ್ಯು.
14
ಆಪೋಕೇತ್ರುಕಿ ತೀರಿಯ ಪರ್ಖೋ ಪ್ರಾರ್ಥನೆ ಕರನಕಾಜೆ ಇವಣಾಮ ಮಾಲಿಜತ್ಹೂತು.
15
ರೋಗವಾಳನ ಡೊಲಿ ಪರ್ ಕಾಂಧಪರ್ ಡೊಯೇಲೀನ್ ಪೆತ್ರನಿ ಚಾಳಿನಕಾಜೇ ಇಂತಜಾರ್ ಕರ್ಥ್ಹುತು.
16
ಏರುಸಾಲೆಮ್ತೂಬಿ ಕೇತ್ರುಕಿ ರೋಗ್ವಾಳು ಶೈತಾನ್ರ್ಹವಾಳನ ಖಾರನಾ ಅಚ್ಚು ಹೋತ್ಹೂತು.
17
ಅಮ್ರ್ಹವಾಮ ಮಹಾಯಜಕ್ ಸದ್ದುಕಾಯ ಮೊಟ್ಟ ಅದ್ಮಿಯೇಮಳಿ
18
ಜಾತ್ ಪಾತ್ನಿ ವಿವಾದಮ ಚನ್ಡಾಲ್ತಿ ಅಪೋಸ್ಥಲರ್ನ ಜೈಲ್ಮಾ ಗ್ಹಲ್ಯಾ.
19
ದೇವ್ನೋ ದೂತ್ ರಾತ್ನಿ ವಕ್ತ್ ಜೈಲ್ನ ದರ್ವಾಜನ ತೋಡೀನ್ ಇವ್ನ ಭಾರ್ ಕಾಢಿನ್ ಇವ್ನ ಬೋಲಾಸ್
20
ತುಮೆ ಜಯ್ನ್ ದೇವ್ನಿ ಜಾನ್ದೇವಳಿ ವಾತ್ನ ದೇವ್ನಿ ಮಂದೀರ್ಮ ಜಯ್ನ್ ಬೊಲೋ ಕರಿ ದೂತ್ನೆ ಬೊಲ್ಯೊ ಅವ್ನೆ ಯೋಸ್ ಪ್ರಕಾರ್ ಮಂದೀರ್ಮ ಜಯ್ನ್ ಬೊಲ್ಯಾ
21
ಆ ವಾತ್ನ ಖಂಜೀನ್ ಮಹಾಯಜಕ್ ಇವಣಿ ಜ್ಯೋಡ್ಮ ರಹವಾಳ ಏಕ್ ಹುಯ್ ಮೋಟ್ಟಿ ಸಬೇನ ಇಸ್ರಾಯೇಲ್ ನ ಮೊಟ ಅದ್ಮಿ ಖಾರು ಏಕ್ ಹುಯ್ ಇವ್ನ ಬುಲಾವನ ಜೈಲ್ಕನ ಝಾಸ್.
22
ಟಪಾಲ್ವಾಳ ಝಯ್ನ್ ಇವ್ನ ಬಂಧಿ ಖಾನಮ ಕೋ ದೇಖಾಯುನೆತೆ ಪಾಚ್ಛ ಆಯಾ.
23
ಬಂಧಿ ಖಾನಾನು ದರ್ವಾಝು ಬಂದೋಬಸ್ ಮುಚ್ಚಾಯ್ರಹುತು. ಇವ್ನೆ ಮಾತ್ರ ದೇಖಾಯು ಕೋಇನಿ. ಕರಿ ಬೊಲ್ಯಾ.
24
ದೇವಾಲಯನೊ ಮೋಟೋ ಮಹಾಯಾಜಾಕ್ ಅವ್ನೆ ಆ ವಾತ್ ಖಮ್ಜೀನ್ ಆಪ್ಣಾಪರ್ ಆ ವಾತ್ ಭಾರಿ ಪಡ್ಶೇ ಕರಿ ಘಬ್ರೈಗಾಯ.
25
ಯಾತ್ರಾಮ ಏಕ್ ಆದ್ಮಿ ಆಯಿನ್ ತುಮೇ ಬಂಧಿಕರಿರಾಖ್ಯಾತೆ ಆದ್ಮಿ ದೇವಾಲಯಮ್ಕ್ನ ದೇವ್ನಿ ವಾಖ್ಯಾ ಬೊಳುಕರಸ್ ಕರಿ ಬೊಲ್ಯಾ.
26
ತದೆ ಅಧಿಪತಿ ಟಪಾಲ್ ವಾಲಾನಿ ಜೋಡ್ಮ ಜಯ್ನ್ ಇವ್ನ ಬುಲಾಯ್ಲೀನ್ ಆಯೂ. ಅದ್ಮಿನಿ ಗಳಾಟೆಥಿ ಇವ್ನ ಶಿಕ್ಷೆ ದಿಧುಕೋಯ್ನಿ.
27
ಇವ್ನ ಮಹಾಯಜಕ್ನ ಖಾಮಣೆ ಲೀನಝಯ್ ಉಭಾರಖಾಡಮ ಮಹಾಯಾಜಕನೆ ಭೋಲ್ಯೊ
28
ತುಂನಾ ಯೋ ನಾಮ್ನಾ ಪ್ರಚಾರ ನೋಕೋ ಕರ್ಶು ಕರಿ ಕಂಡೀಷನ್ಥಿ ಅಪ್ಪಣೆ ದಿಧಾಥನಿ ತುಮೆ ಶಾತ್ ಕರುಕರಾಸ್. ಯೋ ಅದ್ಮೀನ ಲೊಯ್ಮ ಹಮೆ ಹೊಣೆ ಹೂವಾನ ತುಮಾರಿ ಪ್ರಯತ್ನ ಕರುಕರಾಸ್ ಕರಿ ಬೋಲಾಮ.
29
ಪೆತ್ರಾ ಇವ್ನೆ ಬೋಲ್ಯೂ ಹಮೆ ಆದ್ಮಿತೀಬಿ ದೇವ್ನ ಭಂಟ್ ಹುಯ್ರವಾನು ಅಚ್ಚುಕಾಹೇನ.
30
ತುಮೆ ಶಿಲುಬೆಪ್ಪರ್ ಮಾರ್ಯಾತೆ ಯೇಸುನ ಅಪ್ನೋ ಪಿತ್ರೌನೋ ದೇವ್ನೆ ಇನಾ ಮರಣಮ್ತ್ಹೋ ಉತ್ಹ್ಯದ್ಯೋ.
31
ಯೋ ಇನಾ ಇಸ್ರಾಯೇಲ್ ಅದ್ಮೀನ ಬಚಾವ. ರಕ್ಷಣೇನಾ ಉಜೂ ಇವ್ನ ದಿಲ್ನಾ ಬದ್ಲಾವನ ಇನಾ ಬಚಾಯ್ಲಿಧೋ
32
ಆ ವಾತ್ನ ಹಮೇಬಿ ಪರಿಶುದ್ಧಆತ್ಮಾಬಿ ಸಾಕ್ಷಿ ಚ್ಛಾ. ಕರಿ ಬೊಲ್ಯಾ.
33
ಸಭೆವಾಳ ಆ ವಾತ್ನಾ ಖಂಜೀನ್ ಗುಖ್ಹೋ ಹುಯ್ ಇವ್ನ ಮಾರ್ವಾವನುಕರಿ ಆಲೋಚನೆ ಕರ್ಯಾ.
34
ಇಜ್ಜತ್ವಾಳೊ. ಧರ್ಮಶಾಸ್ತ್ರವಾಲೊ ಹುಯ್ರೋತೆ ಏಕ್ ಪರಿಸಾಯನಿ ಜಾಥ್ವಾಳು ಹುಯ್ರೂತೆ ಗಮಲಿಯೇಲನೆ ಉಟೀನ್ ಮೊಟಿ ಸಬೇಮಾತೋ ಇವಣಾ ಜರೆ ಬಹಾರ್ ಜವಾನಿ ಅಪ್ಪಣೆ ದೇಸ್.
35
ಸಭೆವಾಳನ ಬೋಲಾಸ್ ಇಸ್ರಾಯೇಲ್ನ ಅದ್ಮಿಯೇ ಅವ್ನಿ ಬಾರೆಮ ಶಾತ್ ಕರ್ನುಕರಿ ಚ್ಹಾಕಿ ಹುಷಾರ್ಥಿ ರಃವೋ
36
ಫೈಲೇಬಿ ಥೈಧಾನೆಬಿ ಮೇ ಮೋಟೋಕರಿ ಬೋಲಾಮ ಚಾರ್ಖೋ ಆದ್ಮಿ ಇನಾಭಣಿ ಹೋತ ಖತರ್ ಇನಾ ಮಾರಿನಾಖ್ಯಾ.
37
ಏಕ್ ವಖತ್ ಯೂದಬಿ ಅಮ್ಮಸ್ ಊಟಿತು ಯೋಬಿ ಮರಿಗಯೋ ಇನಾ ನಂಬಿ ಹುಯೂ ಎಕ್ಕಸ್ ಏಕ್ ಹುಯ್ ಗಾಯೂ.
38
ಅಮ್ಮಸ್ ರಹಿತೋ ಮೇ ತುಮ್ನ ಬೋಲುಸ್ ತುಮೆ ಇವ್ನ ಚಂದೇ ಜವೋ ನಕೋ ಯೋ ಆಲೋಚನೆ ಯೋ ಕಾಮ್ ಆದ್ಮಿನ ತರಪ್ತು ಉಷೆತೊ ಇವನೆಸ್ ಖರಾಬ್ ಹುಯ್ಜಾಶೇ.
39
ಯೋ ಕಾಮ್ ದೇವ್ನು ಹುಯ್ರೈತೋ ಕೋಣ್ಬಿ ಶಾತ್ಬಿಕರಾನ ಕೋಹುಶೆನಿ. ದೇವ್ನ ವಿರುದ್ದ ಕಾಮ್ ನೋಕೋ ಕರ್ಷ್ಯೂ ಕರಿ ಬೊಲ್ಯೊ.
40
ಇವ್ನೆ ಇನಿ ವಾತಪರ್ ಅಪೋಸ್ಥಲರ್ನ ಬುಲಾಯಿ ಶಿಕ್ಷೆ ದೀನ್ ಏಸುನು ನಾಮ್ನಿ ವಾತೆ ನಾ ಬೋಲ್ನು ಕರಿ ಅಪ್ಪನೆದೀನ್ ಮಹೇಳಿಧಿದು.
41
ಇವ್ನೆ ಏಸುನಾ ನಾಮಥ್ಹಿ ಶರಮ್ ಕಡಾವನ ಅಪ್ನೆ ಲಾಯಕ್ ಹುಯ್ಗಾಯ ಕರಿ ಖುಷಿ ಹುಯಾ
42
ಇವ್ನೆ ಪ್ರತಿ ದನ್. ಘರ್ ಘರ್ ಸುವಾರ್ತೆ ಬೊಲುಕರ್ತಾತ್ಹಾ.