¹ ಅನಾನಿಯಕರಿ ಏಕ್ ಆದ್ಮಿನೆ ಇನಿ ಆಸ್ತಿಮಾಥು ಏಕ್ ಭಾಗ್ ಏಚಿನ್ ² ಬಾಯ್ಕೋನಿ ವಾತಪರ್ ಪೈಶಾನ ತೋಡು ಲಪಾಡಿ ಥೋಡೂ ಪೈಶಾನ ಅಪೋಸ್ಥಲರ್ನ ಲ್ಯಾಯಿನ್ ದೇಸ್. ³ ತದೆ ಪೆತ್ರನೆ ಬೊಲ್ಯೊ ಅನಾನಿಯ ತಾರೀ ಆಸ್ತಿ ಏಚಿನ್ ಇನ್ಮಾಥು ತೋಡು ಲಪಾಡಿನ್ ದೇವ್ನ ವಂಚನೆ ಕರಾಖರಕು ಶೈತಾನ್ನ ಜಘೋ ಶೇದಿಧೋ. ⁴ ತಾರಿ ಆಸ್ತಿ ಪೈಶಾ ತಾರ ಹಾತ್ಮಾ ತೂನಿ ತಾರಾ ದಿಲ್ಮಾ ಆ ವಾತ್ನ ಪೈದಶಾನಕಾರ್ಯೋ ತು ಜ್ಹುಠಿ ದೇವ್ನ ಖಾಮಣೆ ಬೊಲ್ಯೊ. ⁵ ಆ ವಾತ್ ಖಂಜೀನ್ ಅನಾನಿಯನೆ ಜಾನ್ ಮಹೇಲಿದಿದೂ. ಖಾಂಜವಳಾನ ಘನೋ ಡರ್ ಪೈದಹುಯೋ. ⁶ ಇನಾ ಪಾಡಿಲೀಜಿನ್ ಸಮಾದಿ ಕರೀನಾಖ್ಯು. ⁷ ತೀನ್ ಘಂಟಾನ ಬಾದ್ ಇನಿ ಬಾಯ್ಕೋ ವಾತ್ ಬಾರೆಮ ಮಾಲುಮ್ ಪೆತ್ರಕನ ಆವಾಸ್ ⁸ ಇನಾ ಪೆತ್ರನೆ ದೇಖಿನ್ ಬೋಲಾಸ್ ತುಮೆ ಜಮೀನ್ ಎಚಾತೆ ಅತ್ರಾನಾಸ್ ಕರಿ ಬೋಲಮ ಇನೇ ಎತ್ರನಸ್ ಕರಿ ಬೋಲಿ. ⁹ ತದೇ ಫೆತ್ರಾನೆ ಇನಾ ಬೊಲೋ ತುಮೆ ದೇವ್ನ ಆತ್ಮನ ಪರೀಕ್ಷೆ ಶೇ ಕರ್ಯ ತರಾ ಬಆವ್ರಿನ ಸಮಾಧಿ ಕರೀನ್ ವಾಳವಸ್ ತು ನಾಭಿ ಸಮಾಧಿ ಕಾರನ ಜಾಶೇ ¹⁰ ಅಮ್ ಬೊಲುಸ್ಕರ ಸಪೇರಾಬಿ ಮರಿಜಅಸ್ ತದೆ ಶಿಶ್ಯಾರ್ ಏನಾಬಿ ಪಾದಿಲೀಜಿ ಸಮಾಧಿ ಕರಿನಾಖ್ಯಾ ¹¹ ಆ ವಾತ್ನ ಕಂಜೀನ್ ಅದ್ಮಿಮಾ ಡರ್ನಿ ವಾತ್ ಫೈಲಾಯ್ಗಿ. ¹² ಅಮ್ಮಸ್ ಅಪೋಸ್ಟಲರ್ ಆದ್ಮಿನ ಮಧ್ಯಮ ಕೇತ್ರುಕಿ ಅದ್ಬುತ ಕಾರ್ಯ ಕರುಕಾರ್ಥಥ. ಖಾರು ಏಕ್ ಹುಯ್ ಸೋಲೊಮೋನ್ನೆ ಭಂದಯೋಥೆ ಮಂಟಪ್ಕನ ಆಯಿನ್ ಪ್ರಾರ್ಥನೆ ಕರ್ತುತೂ. ¹³ ತೋಡು ಆದ್ಮಿ ಇವ್ನಿ ಜೋದ್ಮ ರವಾನ ಡಾರ್ಯು ದೇವ್ನ ಮಹಿಮೆಕರ್ಯು. ¹⁴ ಆಪೋಕೇತ್ರುಕಿ ತೀರಿಯ ಪರ್ಖೋ ಪ್ರಾರ್ಥನೆ ಕರನಕಾಜೆ ಇವಣಾಮ ಮಾಲಿಜತ್ಹೂತು. ¹⁵ ರೋಗವಾಳನ ಡೊಲಿ ಪರ್ ಕಾಂಧಪರ್ ಡೊಯೇಲೀನ್ ಪೆತ್ರನಿ ಚಾಳಿನಕಾಜೇ ಇಂತಜಾರ್ ಕರ್ಥ್ಹುತು. ¹⁶ ಏರುಸಾಲೆಮ್ತೂಬಿ ಕೇತ್ರುಕಿ ರೋಗ್ವಾಳು ಶೈತಾನ್ರ್ಹವಾಳನ ಖಾರನಾ ಅಚ್ಚು ಹೋತ್ಹೂತು. ¹⁷ ಅಮ್ರ್ಹವಾಮ ಮಹಾಯಜಕ್ ಸದ್ದುಕಾಯ ಮೊಟ್ಟ ಅದ್ಮಿಯೇಮಳಿ ¹⁸ ಜಾತ್ ಪಾತ್ನಿ ವಿವಾದಮ ಚನ್ಡಾಲ್ತಿ ಅಪೋಸ್ಥಲರ್ನ ಜೈಲ್ಮಾ ಗ್ಹಲ್ಯಾ. ¹⁹ ದೇವ್ನೋ ದೂತ್ ರಾತ್ನಿ ವಕ್ತ್ ಜೈಲ್ನ ದರ್ವಾಜನ ತೋಡೀನ್ ಇವ್ನ ಭಾರ್ ಕಾಢಿನ್ ಇವ್ನ ಬೋಲಾಸ್ ²⁰ ತುಮೆ ಜಯ್ನ್ ದೇವ್ನಿ ಜಾನ್ದೇವಳಿ ವಾತ್ನ ದೇವ್ನಿ ಮಂದೀರ್ಮ ಜಯ್ನ್ ಬೊಲೋ ಕರಿ ದೂತ್ನೆ ಬೊಲ್ಯೊ ಅವ್ನೆ ಯೋಸ್ ಪ್ರಕಾರ್ ಮಂದೀರ್ಮ ಜಯ್ನ್ ಬೊಲ್ಯಾ ²¹ ಆ ವಾತ್ನ ಖಂಜೀನ್ ಮಹಾಯಜಕ್ ಇವಣಿ ಜ್ಯೋಡ್ಮ ರಹವಾಳ ಏಕ್ ಹುಯ್ ಮೋಟ್ಟಿ ಸಬೇನ ಇಸ್ರಾಯೇಲ್ ನ ಮೊಟ ಅದ್ಮಿ ಖಾರು ಏಕ್ ಹುಯ್ ಇವ್ನ ಬುಲಾವನ ಜೈಲ್ಕನ ಝಾಸ್. ²² ಟಪಾಲ್ವಾಳ ಝಯ್ನ್ ಇವ್ನ ಬಂಧಿ ಖಾನಮ ಕೋ ದೇಖಾಯುನೆತೆ ಪಾಚ್ಛ ಆಯಾ. ²³ ಬಂಧಿ ಖಾನಾನು ದರ್ವಾಝು ಬಂದೋಬಸ್ ಮುಚ್ಚಾಯ್ರಹುತು. ಇವ್ನೆ ಮಾತ್ರ ದೇಖಾಯು ಕೋಇನಿ. ಕರಿ ಬೊಲ್ಯಾ. ²⁴ ದೇವಾಲಯನೊ ಮೋಟೋ ಮಹಾಯಾಜಾಕ್ ಅವ್ನೆ ಆ ವಾತ್ ಖಮ್ಜೀನ್ ಆಪ್ಣಾಪರ್ ಆ ವಾತ್ ಭಾರಿ ಪಡ್ಶೇ ಕರಿ ಘಬ್ರೈಗಾಯ. ²⁵ ಯಾತ್ರಾಮ ಏಕ್ ಆದ್ಮಿ ಆಯಿನ್ ತುಮೇ ಬಂಧಿಕರಿರಾಖ್ಯಾತೆ ಆದ್ಮಿ ದೇವಾಲಯಮ್ಕ್ನ ದೇವ್ನಿ ವಾಖ್ಯಾ ಬೊಳುಕರಸ್ ಕರಿ ಬೊಲ್ಯಾ. ²⁶ ತದೆ ಅಧಿಪತಿ ಟಪಾಲ್ ವಾಲಾನಿ ಜೋಡ್ಮ ಜಯ್ನ್ ಇವ್ನ ಬುಲಾಯ್ಲೀನ್ ಆಯೂ. ಅದ್ಮಿನಿ ಗಳಾಟೆಥಿ ಇವ್ನ ಶಿಕ್ಷೆ ದಿಧುಕೋಯ್ನಿ. ²⁷ ಇವ್ನ ಮಹಾಯಜಕ್ನ ಖಾಮಣೆ ಲೀನಝಯ್ ಉಭಾರಖಾಡಮ ಮಹಾಯಾಜಕನೆ ಭೋಲ್ಯೊ ²⁸ ತುಂನಾ ಯೋ ನಾಮ್ನಾ ಪ್ರಚಾರ ನೋಕೋ ಕರ್ಶು ಕರಿ ಕಂಡೀಷನ್ಥಿ ಅಪ್ಪಣೆ ದಿಧಾಥನಿ ತುಮೆ ಶಾತ್ ಕರುಕರಾಸ್. ಯೋ ಅದ್ಮೀನ ಲೊಯ್ಮ ಹಮೆ ಹೊಣೆ ಹೂವಾನ ತುಮಾರಿ ಪ್ರಯತ್ನ ಕರುಕರಾಸ್ ಕರಿ ಬೋಲಾಮ. ²⁹ ಪೆತ್ರಾ ಇವ್ನೆ ಬೋಲ್ಯೂ ಹಮೆ ಆದ್ಮಿತೀಬಿ ದೇವ್ನ ಭಂಟ್ ಹುಯ್ರವಾನು ಅಚ್ಚುಕಾಹೇನ. ³⁰ ತುಮೆ ಶಿಲುಬೆಪ್ಪರ್ ಮಾರ್ಯಾತೆ ಯೇಸುನ ಅಪ್ನೋ ಪಿತ್ರೌನೋ ದೇವ್ನೆ ಇನಾ ಮರಣಮ್ತ್ಹೋ ಉತ್ಹ್ಯದ್ಯೋ. ³¹ ಯೋ ಇನಾ ಇಸ್ರಾಯೇಲ್ ಅದ್ಮೀನ ಬಚಾವ. ರಕ್ಷಣೇನಾ ಉಜೂ ಇವ್ನ ದಿಲ್ನಾ ಬದ್ಲಾವನ ಇನಾ ಬಚಾಯ್ಲಿಧೋ ³² ಆ ವಾತ್ನ ಹಮೇಬಿ ಪರಿಶುದ್ಧಆತ್ಮಾಬಿ ಸಾಕ್ಷಿ ಚ್ಛಾ. ಕರಿ ಬೊಲ್ಯಾ. ³³ ಸಭೆವಾಳ ಆ ವಾತ್ನಾ ಖಂಜೀನ್ ಗುಖ್ಹೋ ಹುಯ್ ಇವ್ನ ಮಾರ್ವಾವನುಕರಿ ಆಲೋಚನೆ ಕರ್ಯಾ. ³⁴ ಇಜ್ಜತ್ವಾಳೊ. ಧರ್ಮಶಾಸ್ತ್ರವಾಲೊ ಹುಯ್ರೋತೆ ಏಕ್ ಪರಿಸಾಯನಿ ಜಾಥ್ವಾಳು ಹುಯ್ರೂತೆ ಗಮಲಿಯೇಲನೆ ಉಟೀನ್ ಮೊಟಿ ಸಬೇಮಾತೋ ಇವಣಾ ಜರೆ ಬಹಾರ್ ಜವಾನಿ ಅಪ್ಪಣೆ ದೇಸ್. ³⁵ ಸಭೆವಾಳನ ಬೋಲಾಸ್ ಇಸ್ರಾಯೇಲ್ನ ಅದ್ಮಿಯೇ ಅವ್ನಿ ಬಾರೆಮ ಶಾತ್ ಕರ್ನುಕರಿ ಚ್ಹಾಕಿ ಹುಷಾರ್ಥಿ ರಃವೋ ³⁶ ಫೈಲೇಬಿ ಥೈಧಾನೆಬಿ ಮೇ ಮೋಟೋಕರಿ ಬೋಲಾಮ ಚಾರ್ಖೋ ಆದ್ಮಿ ಇನಾಭಣಿ ಹೋತ ಖತರ್ ಇನಾ ಮಾರಿನಾಖ್ಯಾ. ³⁷ ಏಕ್ ವಖತ್ ಯೂದಬಿ ಅಮ್ಮಸ್ ಊಟಿತು ಯೋಬಿ ಮರಿಗಯೋ ಇನಾ ನಂಬಿ ಹುಯೂ ಎಕ್ಕಸ್ ಏಕ್ ಹುಯ್ ಗಾಯೂ. ³⁸ ಅಮ್ಮಸ್ ರಹಿತೋ ಮೇ ತುಮ್ನ ಬೋಲುಸ್ ತುಮೆ ಇವ್ನ ಚಂದೇ ಜವೋ ನಕೋ ಯೋ ಆಲೋಚನೆ ಯೋ ಕಾಮ್ ಆದ್ಮಿನ ತರಪ್ತು ಉಷೆತೊ ಇವನೆಸ್ ಖರಾಬ್ ಹುಯ್ಜಾಶೇ. ³⁹ ಯೋ ಕಾಮ್ ದೇವ್ನು ಹುಯ್ರೈತೋ ಕೋಣ್ಬಿ ಶಾತ್ಬಿಕರಾನ ಕೋಹುಶೆನಿ. ದೇವ್ನ ವಿರುದ್ದ ಕಾಮ್ ನೋಕೋ ಕರ್ಷ್ಯೂ ಕರಿ ಬೊಲ್ಯೊ. ⁴⁰ ಇವ್ನೆ ಇನಿ ವಾತಪರ್ ಅಪೋಸ್ಥಲರ್ನ ಬುಲಾಯಿ ಶಿಕ್ಷೆ ದೀನ್ ಏಸುನು ನಾಮ್ನಿ ವಾತೆ ನಾ ಬೋಲ್ನು ಕರಿ ಅಪ್ಪನೆದೀನ್ ಮಹೇಳಿಧಿದು. ⁴¹ ಇವ್ನೆ ಏಸುನಾ ನಾಮಥ್ಹಿ ಶರಮ್ ಕಡಾವನ ಅಪ್ನೆ ಲಾಯಕ್ ಹುಯ್ಗಾಯ ಕರಿ ಖುಷಿ ಹುಯಾ ⁴² ಇವ್ನೆ ಪ್ರತಿ ದನ್. ಘರ್ ಘರ್ ಸುವಾರ್ತೆ ಬೊಲುಕರ್ತಾತ್ಹಾ.