^{1 2} 1.ಬೆಥಾನ್ಯಂನ ಲಜರಡನೋಡೋಕ್ಕಡುಅಸ್ವಸ್ಥಡೈಟಾಡು. 2.ಆದಿ ಮಾರ್ಥಳು ಮರಿಯಳು ಅನಾ ಅಕ್ಕತೊಡ್ಬುಟ್ಲು ಉಂಡ್ನಾ ಊರು.ಈ ಮರಿಯಳು ಸ್ವಾಮಿಗಿ ತೈಲಂನ್ನಿ ಪೂಸಿ ಆತುಡ ಪಾದಾಲ್ನಿ ತನ್ನ ತಲಎಂಟಗುಲ್ನಿಂಕ ತೂಡ್ಸಿoದ್ದಿ.ಇದಿಯು ತೊಮ್ಮುಡೈನಾ ಲಾಜರುಡೆ ಅಸ್ವಸ್ಥಡೈoಟಾಡು. ^{3 4} 3.ಇಟ್ಟುoಡಗ ಲಾಜರುಡೆ ವಾಡ ಅಕ್ಕಾಗಾಳು-ಸ್ವಾಮೀ,ನೀ ಪ್ರಿಯ ಮಿತ್ರುಡು ಅಸ್ವಸ್ಥಡೈನಾಡು ಅನ್ನೈ ಯೇಸುನ ದೇಗ್ಗರ್ಗಿ ಸೊಪ್ಪಿಅಂಪಿಚ್ನಾರು. 4.ಯೇಸು ದಾನ್ನಿ ಇನಿ-ಈ ರೋಗಮು ಮರಣನಗೈ ವಚ್ಚಿಂದಿಕಾದು;ದೀನ್ನಿಂಕ ದೇವಕುಮಾರುಡ್ಗಿ ಮಹಿಮೆ ಉಂಟೈಎಟ್ಲಾ ದೇವುಡ ಮಹಿಮೆಗೊಸ್ಕರಂ ವಚ್ಚಿಂದಿ ಅನ್ನಾಡು. ^{5 6 7} 5.ಮಾರ್ಥಳಾನ್ನು ದಾನ್ನ ತೊಡ್ಬುಟ್ಲಾನು ಲಾಜರುಡ್ಲಾನು ಯೇಸುವಿಗಿ ಪ್ರೀತಿ ಉಂಡೆ. 6.ಆಯ್ನೂ ಲಾಜರುಡು ಅಸ್ವಸ್ಥಡೈನಾಡನೀ ಆತುಡು ಇನಿನ ಪೈನ ರೊಂಡು ದಿನಂತಾನುಂಡ ಸ್ಥಳಂಲಾನೇ ನಿಲ್ಚಾಡು. 7.ಬಳಿಕ ಶಿಷ್ಯಲ್ಗಿ-ತಿರ್ಗಿ ಯೂದಾಯನ್ಗಿ ಪದಾಮು ಅನಿ ಸೋಪ್ನಾಡು. ^{8 9} 8.ಶಿಷ್ಯಾಲು-ಗುರುವೇ,ಯೆಹೂದ್ಯಲು ಅಪ್ದೆ ನಿನ್ನಿ ರಾಯಿಪಾರೆಸಿ ಸಂಪಾಲನ್ನಾರು;ತಿರ್ಗಿ ಆನ್ಗೆ ಪಾತಾವಾ? 9.ಅನಲು ಯೇಸು-ಪದ್ದುನ್ಗಿ ಪನ್ನೇoಡು ತಾಸು ಉಂದಿಕಾದೆ.ಒಕ್ಕಡು ಎಲ್ಗುಲ ತಿರುಗಾಡ್ತೆ ಈ ಲೋಕಂನ್ನ ಎಲ್ಗು ಕನ್ಬಿಚ್ಚೆದಾನ್ನಿoಕ ವಾಡು ಎಡವುಲೇದು; ^{10 11} 10.ರಾತ್ರಿಲಾ ತಿರುಗಾಡ್ತೆ ವಾಡ್ಗಿ ಎಲ್ಗುಲೆಗುನ್ನದಾನ್ನಿoಕ ಎಡವೆದಿ ಅನಿ ಉತ್ತರಂ ಇಚ್ನಾಡು. 11.ಈ ಮಾಟಲ್ನಿ ಸೋಪ್ನಾ ಪೈನ ವಾಳ್ಗಿ-ಮಾ ಮಿತ್ರುಡೈನಾ ಲಾಜರುಡು ನಿದ್ರಂ ಸೇಸ್ತಾಡು;ನಾನು ವಾಡ್ನಿ ನಿದ್ರನ್ನಿಂಕ ಲೆಪಿಚ್ಚದಾನ್ಗೈ ಪಾತನು ಅನಿ ಸೋಪ್ನಡು. ^{12 13 14} 12.ದಾನ್ಗಿ ಶಿಷ್ಯಲು ಸ್ವಾಮಿ ವಾಡು ನಿದ್ರಂ ಸೇಸ್ತಾವುoಟ್ಟೆ ಸ್ವಸ್ಥಂಅಯ್ಯಾದಿ ಅನ್ನಾರು. 13.ಯೇಸು ವಾಡ ಮರಣoನ್ನಿ ಸೂಚಿಚ್ಚಿ ದಾನ್ನಿ ಸೋಪ್ನಾಡು.ಆಯ್ತೆ ವಾಳು ನಿದ್ರಂನ್ನ ವಿಶ್ರಾoತಿನ್ನಿ ಕುರ್ಚಿ ಸೋಪ್ತಾಡನೀ ನೆನಸ್ನಾರು. 14.ಆಪ್ದು ಯೇಸು ಸ್ಪಷ್ಟoಮೈಯ್ಯಿ ವಾಳ್ಗಿ ಲಾಜರುಡು ಸಚ್ಚಿಪೈನಾಡು. ^{15 16} 15.ಮಲಿ ನೀನು ಆನ ಲೆಗುಂಡ ಉಂಡೆದಾನ್ಗಿ ನೀ ನಿಮಿತ್ತಂಮೈಯ್ಯಿ ಸಂತೋಷo ಪೋಡ್ತಾನು ಯಂದ್ಗoಟ್ಟೆ ದಾನ್ನಿಂಕ ಮೀಳು ನಂಬೆದಾನ್ಗಿ ಮಾರ್ಗಂ ಆಯಾ. 16.ಆಯ್ತೆ ವಾಡ ದೇಗ್ಗರ್ಗಿ ಪದಾಮು ಅನಿ ಸೋಪ್ನಾಡು ಅಪ್ಡು ದಿದುಮಡನ ತೋಮುಡ ಜೊತ್ಲಾ ಶಿಷ್ಯಲ್ಗಿ ಮಾಮು ಸಹ ಪಾಯಿ ಆತುಡ್ಜೊತ್ಲಾ ಸತ್ತಮು ಅನಿ ಸೋಪ್ನಡು. ^{17 18 19 20} 17.ಯೇಸು ವಚ್ನಾಪ್ದು ಲಾಜರುಡ್ನಿ ಸಮಾಧಿಲಾ ಪೆಟ್ಟಿ ನಾಲ್ಗು ದಿವಸಂ ಆಯಾ ವಾಡ್ಗಿ ತಿಳ್ಚಿ ವಚ್ಚಿಂದಿ. 18.ಬೆಥಾನ್ಯಡು ಯೆರುಸಲೊಂಗಿ ಸಮೀಪಂಆಯಾ ದೀಂಗು ದಾನ್ಗು ಹೆಚ್ಚುಕಡ್ಮಿ ಒಕ್ಕ ಅರದಾವ ಹಂತರo. 19.ದಾನ್ನಿಂಕ ಯೆಹೂದ್ಯಲಾ ಅನೆಕುಲು ಮಾರ್ಥಳು ಮಲಿ ಮರಿಯಳ ದೇಗ್ಗರ್ಗಿ ವಾಲ್ನಿ ತೊಮ್ಮುಡವಿಷಯಂಲಾ ಸಂತೈಚ್ಚಾಲನಿ ವಚ್ಚುoಟಾರು. 20.ಇಟ್ಟುoಡಗ ಮಾರ್ಥಳು ಯೇಸು ವಸ್ತಾಡನೀ ಇನಿ ಆತುಡ್ನಿ ಎದುರ್ಗೋಲ್ಲೆದಂಗಿ ಪಾಯ್ದಿ ಆಯ್ತೆ ಮರಿಯಳು ಇಂಟ್ಲಾನೇ ಕುಚ್ಚೋಉಂಟಾದಿ. ^{21 22 23} 21.ಮಲಿ ಮಾರ್ಥಳು ಯೇಸುಗಿ ಸ್ವಾಮೀ ನುವ್ವ ಇನೇ ಉಂಟಾವುoಟೆ ನಾ ತೊಮ್ಮಡು ಸಸ್ತಾವುoಡ್ಲೀ. 22.ಇಪ್ಪಡೈನಾನು ದೇವುಡ್ನೀ ಏಮಿ ಬೇಡ್ಗಂಟಾವು ದಾನ್ನಿ ದೇವುಡು ನೀಕಿ ಅನುಗ್ರಹಿಸ್ತಾಡನೀ ಗೊತ್ತು ಅನಿ ಸೋಪ್ಪಿಂದ್ದಿ. 23.ಯೇಸು ದಾನ್ಗಿ ನೀ ತೊಮ್ಮುಡು ಲೇಸಿ ವಸ್ತಾಡು ಅನಿ ಸೋಪ್ನಾಡು. ^{24 25 26} 24.ಮಾರ್ಥಳು ಸಚ್ಚಿನೋಳ್ಗಿ ಕೊನೆದಿನಂಲಾ ಪುನರ್ತಾನ ಅಯೆಪ್ದು ವಾಡು ಲೇಸಿ ವಸ್ತಾಡು ಅನಿ ನೀನು ತಿಳ್ಚುನಾನು ಅನ್ನಿಂದಿ. 25.ಯೇಸು ದಾನ್ಗಿ ನಾನೇ ಪುನರುತ್ತಾನಮು ಜೀಮಮು ಆಯ್ನಾನು ನನ್ನಿ ನಂಬೆವಾಡು ಸಚ್ಚಿನಾನು ಬದುಕ್ತಾರು. 6.ಮಲಿ ಬದುಕ್ತಾ ನನ್ನಿ ನಂಬೆ ಪ್ರತಿಯೋಕ್ಕಡು ಯಪ್ಪಡ್ಗು ಸಚ್ಚೆಲೇದು ದೀನಿ ನಂಬ್ತಾವ ಅನಿ ಸೋಪ್ನಾಡು. ^{27 28 29} 27.ಆದಿ ಹೌನು ಸ್ವಾಮೀ ಲೋಕನ್ಗಿ ವಚ್ಚಕಾಪೈನಾ ದೇವಕುಮಾರುಡೈನ ಕ್ರೀಸ್ತುಡು ನುವ್ವೇ ಅನಿ ನಂಬ್ನಾನು ಅನ್ನಿಂದಿ. 28.ದೀನ್ನಿ ಸೊಪ್ಪಿ ಅದಿ ಪಾಯಿ ತನ್ನ ತೊಡ್ಬುಟ್ಟು ಆಯ್ನ ಮರಿಯಳ್ನಿ ಗುಪ್ತಾoಗ ಪಿಲ್ಚಿ ಗುರುವು ವಚ್ನಾಡು,ನಿನ್ನಿ ಪಿಳುಸ್ತಾವುನ್ದಾಡು ಅನ್ನಿಂದಿ. 29.ಮರಿಯಳು ದೀನ್ನಿ ಇಂಟಾನೆ ತಟ್ಟನೆ ಲೇಸಿ ಆತುಡ ದೇಗ್ಗರ್ಗಿ ಪೈoದ್ದಿ. ^{30 31 32} 30.ಯೇಸು ಇನ್ಕ ಊರ್ಲೋಕಿ ವಚ್ಚೆಗುಂಡ ಆತುಡ್ಗಿ ಎದುರಂಗ ವಚ್ನಾ ಸ್ಥಳಂಲಾನೇ ಉಂಟಾಡು. 31.ಮರಿಯಳ ಸಹ ಇಂಟ್ಲಾನೇ ಉಂಡ್ಗಾನಿ ದಾನ್ನಿ ಸಂತೈಸ್ತಾವುoಡ ಯೆಹೂದ್ಯಲು ಆದಿ ತಟ್ಟನೆ ಲೇಸಿ ಆತರ್ಗಿ ಪಾಯೇದಾನ್ನಿ ಸೂಸಿ ಇದಿ ಎಡ್ಸದಾನ್ಗಿ ಆಯಿ ಸಮಾಧಿಗಿ ಪಾತಾದಿ ಅನಿ ನೆನ್ಸಿ ದಾನ್ನ ಯನ್ಕನೆ ಪೈನಾರು. 32.ಮರಿಯಳು ಯೇಸು ಉಂಡ ದೇಗ್ಗರ್ಗೆ ವಚ್ಚಿ ಆತುಡ್ನಿ ಸೂಸಿ ಆತುಡ ಪಾದಾಲ್ನ್ಗಿ ಪೊಡಿ ಸ್ವಾಮೀ ನುವ್ವ ಈನ ಉಂಟಾವುoಟೆ ನಾ ತೊಮ್ಮುಡು ಸಸ್ತಾವುoಟಾವುoಡ್ಲೆ. ^{33 34 35} 33.ಅದಿ ಗೋಳಾದಾನ್ನಿ ದಾನ್ನ ಸಂಗಡಂ ವಚ್ನಾ ಯೆಹೂದ್ಯಾಲು ಗೋಳಾಡದಾನ್ನಿ ಯೇಸು ಸೂಸ್ನಾಪ್ದು ಆತ್ಮoಲಾ ನಪ್ಪಸೇಸ್ಗಾನಿ ತತ್ತರಿಚ್ಚಿ- 34.ವಾಡ್ನಿ ಯಾನ ಪೆಟ್ನಾರು ಅನಿ ಅಡ್ಗನಾರು ವಾಳು ಸ್ವಾಮೀ ವಚ್ಚಿ ಸೂಡಿ ಅನ್ನಾರು. 35.ಯೇಸು ಕಣ್ಣಿಳು ಉಡ್ಸನಾಡು ಯೆಹೂದ್ಯಲು ಸೂಸಿ - ^{36 37} 36.ಆಹಾ ಇತುಡ ವಾಡ ಪೈನಾ ಎಂತೋ ಮಮತೆ ಪೆಟ್ನಾಡು ಅನ್ಗಾನ್ನಾರು. 37.ವಲ್ಲ ಕೆಲವ್ಳು ಈತುಡು ಆ ಗುಡ್ದೋಳ್ಗಿ ಕಂಡ್ಲು ಇಚ್ನಾಡುಕದ ಈ ಮನುಷ್ಯಾಡ್ನೀ ಸಾಯೇಗುನ್ನತ್ಲಾ ಉಂಡಾಡೆ?ಅನ್ನಾರು. ^{38 39 40} 38.ಯೇಸು ತಂನ್ಲ ತಿರ್ಗಿ ನಪ್ಪಿ ಸೇಸ್ಗoಟ್ಟ ಸಾಮಾಧಿಯದೇಗ್ಗರ್ಗಿ ವಚ್ನಾಡು. 39.ಆದಿ ಗವಿ ಆಯ್ದೇ ಅಯ್ತೆ ನೋಟ್ಗಿ ಒಕ್ಕ ರಾಯಿ ಅನ್ಬಿಚಚೆ ಯೇಸು ಆ ರಾಯಿನಿ ತಿಸಿ ಎಯ್ಯoಡ್ಡಿ ಅನ್ನಲು ತಿರ್ಪೈನೋಡ ಅಕ್ಕೈನ ಮರ್ಥಳು ಸ್ವಾಮೀ ವಾಡು ಸಚ್ಚಿ ನಾಲ್ಗು ದಿವಸಂ ಆಯಿಂದಿ ಇಪ್ದು ನಾತಂ ಪುಟ್ಟಿoದ್ದಿ ಆನ್ನಿಂದಿ. 40.ಯೇಸು ದಾನ್ಗಿ ನುವ್ವ ನಂಬ್ತೆ ಮಹಿಮೆನ್ನಿ ಕಂಠವು. ^{41 42} 41.ಅನಿ ನಾನು ಮೀಕಿ ಸೋಪ್ಲೆದೆ ಅನಿ ಉತ್ತರಂ ಇಚ್ನಾರು.ಅಪ್ಡು ರಾಯಿನ್ನಿ ತಿಸಿ ಎಸ್ನಾರು.ಮಲಿಯೇಸು ಕಂಡ್ಲೆತ್ತಿ ಪೈಕ್ಕಿ ಸೂಸಿ ನುವ್ವ ನಾ ಪ್ರಾರ್ಥನೆನ್ನಿ ಇನಿಂದಾಂಗು ನಿನ್ನಿ ಕೊಂಡಾಡ್ತಾನು; 42.ನುವ್ವ ಯಪ್ಪುಡು ನಾ ಪ್ರಾರ್ಥನಾನ್ನಿ ಇನೇವಾಡೈನಾವು ಅನಿ ನಾಕಿಗೊತ್ತೇ ಉಂದಿ;ಆಯ್ನೂ ನುವ್ವೇ ನನ್ನಿ ಅಂಪಿಚ್ಚಿಸ್ತಿ ಅನಿ ಸುತ್ಲು ನಿಲ್ಚುoಡ ಜನಾಲು ನಂಬೆಟ್ಟ ವಾಲ್ಗೊಸ್ಕರಂ ಈ ಮಾಟಲ್ನಾಡ್ತಿಅನಿ ಸೋಪ್ನಾಡು. ^{43 44} 43.ದಾನ್ನಿ ಸೋಪ್ನಾ ಪೈನಾ ಪೆದ್ದ ಶಬ್ದಂನ್ನಿಂಕ-ಲಾಜರುಡೆ,ಆತರ್ಗಿ ರಾ ಅನಿ ಕೂಸ್ನಾಡು. 44.ಸಚ್ಚುoಡವಾಡು ಆತರ್ಗಿ ವಚ್ನಾಡು;ವಾಡ ಸೈಕಾಳ್ಳು ಬಟ್ಟಲ್ನಿಂಕ ಕಟ್ನಾವಿ,ವಾಡ ಮೊಖಮು ಸೈಪಾವುಡಂನ್ನಿಂಕ ಸುತ್ತುoಡೆ.ಯೇಸು ವಾಲ್ಗೀ-ವಾಡ್ನಿ ಇಂಪಡ್ಡಿ,ಪೋನಿ ಅನಿ ಸೋಪ್ನಾಡು. ^{45 46} 45.ಮರಿಯಳ ದೇಗ್ಗರ್ಗಿ ವಚ್ನಾ ಯೆಹೂದ್ಯಲ್ಲೂ ಆತುಡು ಸೇಸ್ನಾ ಕಾರ್ಯಮ್ನ್ನಿ ಸೂಸ್ನಾಪ್ದು ವಾಲ್ಲ ಅನೇಕುಲು ಆತುಡ್ನಿ ನoಬ್ನಾರು; 46.ಆಯೇ ಕೆಲವುಲು ಫರಿಸಾಯಲ ದೇಗ್ಗರ್ಗಿ ಪಾಯಿ ಯೇಸು ಸೇಸ್ನಾದಾನ್ನಿ ವಾಳ್ಗಿ ತಿಳ್ಬಚ್ನಾರು. ^{47 48} 47.ಅಪ್ಡು ಮಹಾಯಜಕುಲು ಫರಿಸಾಯಲು ಹಿರೀಸಭಾನ್ನಿ ಕೂಡ್ಬಿಚ್ಚಿ-ಮಾಮು ಸೆಸೇದಿ ಇದೆಮೋ?ಈ ಮನುಷ್ಯಾಡು ನಿಂಡ ಸೂಚಕಕಾರ್ಯಾಲ್ನಿ ಸೇಸ್ತಾಡುಕದ; 48.ಮಾಮು ವಾಡ್ನಿ ಇಟ್ಟೆಯೇ ಉಡ್ಸುತೇ ಅಂದ್ರೂ ವಾಡ್ನಿ ನಂಬಾಳು;ಮಲಿ ರೋಮ್ ರಾಜ್ಯಮೋಳು ವಚ್ಚಿ ಮಾ ಸ್ಥಾನಂನ್ನಿ ಜನಂನ್ನಿ ಸೇಳಗನ್ನಾಳು ಅನ್ನ್ನಾರು. ^{49 50} 49.ಆಯ್ತೆ ವಾಳಾ ಕಾಯಫಡನಡೋಕ್ಕಡು ಆ ವರುಷಾಂಗಿ ಮಹಾಯಾಜಕುಡೈoಡ್ಡಿ ವಾಳ್ಗಿ-ಮೀಕೆಮೋ ತಿಳ್ಸೆಲೇದು; 50.ಜನಲಂದ್ರು ನಾಶಂ ಆಯ್ಯೇದಾನ್ಗಿoತ ಒಕ್ಕ ಮನ್ನುಷ್ಯಡು ಜನಾಲ್ಗೋಸ್ಕರಮಂ ಸಚ್ಚೇದಿ ಮೀಕಿ ಹಿತಮನಿ ಮೀಳು ಆಲೋಚಿಚ್ಚೆದುಲೇದು ಅನಿ ಅನ್ನೈ ಸೋಪ್ನಾಡು. ^{51 52 53} 51.ದೀನ್ನಿ ವಾಡು ತನ್ನನಿಗೆ ತಾನೇ ಸೋಪ್ಲೆದು;ಆಯ್ತೆ ತಾನು ಆ ವರುಷಂನ್ನ ಮಹಾಯಜಕಡೈಯುoಡದಾನ್ನಿಂಕ ದೇವಪ್ರೇರಣೆನ್ನಿಂಕ ಮಾಟಾಡಿ. ಯೇಸು ಆ ಜನಾಲ್ಗೊಸ್ಕರಂ ಮಾತ್ರಂಕಾಗ್ನೆ ಸಚ್ಚೆದಾನ್ಗುoಡಾಡನೀ ಸೋಪ್ನಡು. 52.ಯೇಸು ಆ ಜನಾಲ್ಗೋಸ್ಕರಂ ಮಾತ್ರಕ್ಕಾಗ್ನೆ ಚದರುoಡ ದೇವುಡ ಬಿಡ್ಡಲ್ನಿ ಒಟ್ಟುಗೂಡ್ಪೆದಾನ್ಗಿ ಸಹ ಸಚ್ಚೆದಾನ್ಗುoಡಾನು. 53.ಆ ದಿನಂನ್ನಿಂಕ ಆತುಡ್ನಿ ಸಂಪೆದಾನ್ಗಿ ಆಲೋಚಿಚ್ನಾರು. ^{54 55} 54.ಇಟ್ಟುoಡಗ ಯೇಸು ಇಂಕ ಯೆಹೂದ್ಯಲೊಗ ಬಹಿರಂಗಮೈ ತಿರುಗಾಡ್ಗುoಡ ಆನ್ನಿಂಕ ಅಡವಿಯ ದೇಗ್ಗರಂನ ಪ್ರದೆಶಾನ್ಗಿ ಪಾಯಿ ಎಫ್ರಾಯಿಂ ಅನಾ ಊರ್ಲಾ ಶಿಷ್ಯಾಲ ಸಂಗಡಂ ಉಂಟಾಡು. 55.ಅಪ್ಡು ಯೆಹೂದ್ಯಲ ಪಸ್ಕಪಂಡ್ಗ ದೇಗ್ಗರುಂಡಲಾಗ ನಿಂಡಜಾನಾಲು ತಮ್ಮನ್ನಿ ಶುದ್ದಿಸೇಸ್ಗಾನಕ್ಕಿ ಆಯಿ ಪಂಡ್ಕಿಂತ ಮೊದ್ಲೇ ಹಳ್ಳಿಲ್ನಿಂಕ ಯೆರುಸಲೇoಗಿ ವಚ್ನಾರು. ^{56 57} 56.ವಾಳು ಯೇಸುನ್ನಿ ಹುಡುಕ್ತಾ ದೇವಾಲಯಂಲಾ ನಿಲ್ಚಗನಿ-ವಾಡು ಪಂಡ್ಕ್ಕಿ ರಾಗುಂಡ ಉಂಡಾಡೋ?ಮೀಕಿ ಎಟ್ಟ ಕನ್ಬಿಸ್ತಾದಿ ಅನಿ ವಾಳಾನ್ನೆ ಮಾಟಾಡ್ಗಂಟಾ ಉಂಟಾರು. 57.ಆಯ್ತೆ ಮಹಾಯಜಕುಲು ಫರಿಸಾಯರ್ಲು ಆತುಡ್ನಿ ಪೊಟ್ತಿಚ್ಚಾಲನಿ ಯೋಚಿಚ್ಚಿ-ವಾಡುoಡ ಸ್ಥಳoಮು ಯವ್ವಳಿಗೈನಾನು ತಿಳುಸ್ತೆ ದಾನ್ನಿ ತಮ್ಗೆ ತಿಳ್ಬಿಚ್ಚಾಲನಿ ಅಪ್ಪಣೆಇಚ್ನಾರು.