¹ Ngo,Polo, mosaleli mo Aungu kamu moyekoli mo Yesu mowumesi Aungu eminole ngo kamu etomi ngo ne sunge winoli bo waito wone weminolihe kamu nendesiwo na ndole ewoliwi haita hasolo,hane netela na watemi hoohi ha Aungu. ² Wundi kamu holiwi wane woyale djolo na helekia na wume wo libela wume wone Aunguono ete na moloho,etikali esu hesemba,to hola,felo ewobandi wo hekekani. ³ Kamu hekekani hene hesihe hema hene hetisahe hia mona enesi liohi ilahe na ndole e hanaho hane hekaliwo,na hotoma ho Aungu mumesi. ⁴ Natoma lohota lone na Tito,mona ohoi lundo hate hawindi wonoiwone wisi esu nawo: emisi pasa kamu hai hakowa ingi Aungu kaka kamu na mowumesi Yesu Yawe nohe. ⁵ Lita line limotianingo krete itewa nde woemalenesi haita hane hetiali lita liwo sesani, kamu wise mewange hate ha mwengenomoi nomoi,hia eenganotonongo. V 6 Mowange molinginda,ilombi awe moto ono engei,awaheiumoni bawe wainoli kamu batawe wana wane we koka waito okpoma kpomi lita ilawo,heta wisi wana wa hehela kamu wana welumbu itemia. ⁷ Soo pamba,ilombi ine mosali molinginda atawe obe,litalilihwa li Aungu o lowola isi djoloeleho.Nayo ilombi atawe mote o nofeto moto ono etiangowa kala,moto ono eti wiana kamu moto ono eti ekbala obwi howoyo na ndolembe. ⁸ Nayo,unani awe moto ono eyamba waito wali,moto ono iundi haita hali,moto o weli moto owosumbo,eti na wobe, mpe ono eliwi oya komani. ⁹ Ilombi abwe liohi lisolo na wokpamu line limonakiwo, litane asundi ofalisi waito wasiha nandole ehanaho hasolo,kamu otungesi wane mbisa Ingo na iyo. ¹⁰ Lita ine, waito owa yewisi hehela,waito wa wokpomakpomi kamu bisi na moloho,waye kamu,wane bewai na linginda line liteniwo ndoto. ¹¹ Ilambi wandesiwo menua,lita ine bewai waito wesengesia hai ho ohaye na ndole ewanani haita hone hetiumani o nahi, kamu wekela woyo nandole ewobwi miomboyo na ndole ehaisiso. ¹² Moto omoi na hate ha wasakoli ingi waito wa Krete wekpomi:waito wa krete bewa wikekani fee waito wa moloho,bewai na ma mbe pendja, waito wa huiba kamu waitowelembi. ¹³ Haita he kpamihe hisi woye naiyo,semesia wo owoya, leta ine bawe ngia hate hate hawinole. ¹⁴ Kamu batabwane na hasesu hawa Yuda,kamu na ngele ine ewaito wane wofeti haita baliwele. ¹⁵ Nawane wengei,wilulu fee wingei, moyo hema sohomoi heti ngei na wane wisi na lindikamu belumbi winoli, litaine,haluhani ahawo,lita ine haluhani ahawo na metema emawo misi na lindi. ¹⁶ We koma ene beliwi Aungu,kasiwe mokotola na ndole ene ekelawo. bewai waito wabe waito welumbi itemia,kamu beti na hakoki ha wokeli lita somi nga limoi eyali.