¹ Polo, moya lita li Yesu kristo,na mwenga Timote,na Filemo mwenga o hoiso o lundo. ² Na mosesia Afia,na Arsipo mwengenga ohoiso olisala lita li kristo waitopka wetumana na ngaho. ³ Na pasa na hai ya kowa ngi Aungu olowola kaka kumu Yesu Kristo! ⁴ Ne lomba wose na wose ngi Aungo olowola lita line naolombi oha. ⁵ Nokwa lundo line lisiohe lita liwinoli ngi kumu Yesu kristu na waito wane welwa ngaho wakpa wasatu. ⁶ Nemelomba lita li lundolaho ndenge eleho elisala lita li Kristu nandenge ounola ohe hasala hane hekela esu hali. ⁷ Nisi na henangela na wofefi lita li lundo,litailaho,monganela,metema me wasatu miatua hai. ⁸ Ine nisi na wosomi lita li Kristu nameka hosihini haita haali. ⁹ Neliwingo lundulaho nalina nelomba lita ilaho nandenge ewaingo.Polo, koko motowayaka lita li Yesu kristo. ¹⁰ Nemolomba lita limona, ono nemowotingo na wayaka,Onezime. ¹¹ Felo etiwainatina,sikene ewai natina ngaho na ngwa. ¹² Nemotomela he, ewai motema oma. ¹³ Newai nakamu atiale ngwa,asale lisala isengani iyaho line newai ngo na monyololo lita limboli ndjali. ¹⁴ Ndikeli na holombi luusa ngaho,lita lundo laho itawe ine nafila,soo na lundo laho. ¹⁵ Esehani na ohe na hekeka,botumane liwelanaliwela. ¹⁶ So lisihia hia moya,sikene ohene moona o Aungu ono eisi na bokpamu na moniho na haita kpa. ¹⁷ Aya ohile ngo hia mambinaho,hila hiango mangine. ¹⁸ Ambeke etemokela lita libe,ambeke na mopulu isa longo la. ¹⁹ Ngo Polo, nasiha nalifindila,nefutambo,lita otakpome na oyakeleli ohe mangine na ngo. ²⁰ Eisiwiyo moundani oma,eisiyo wiyo moto hoi,pasa felo ehaiso hamona o Aungu; isa motema ngi Kristo. ²¹ Nawisi haluhania na wotosi owaho nemosihela,liwa ine okelambo wolotoli hane hekpomengo. ²² Mbala emoi, kpalelengo mbele, neluhania wolui elo,pasa na halombi. ²³ Epafrasi,mambinango owayaka lita li Yesu Kristo,amokalia bopalia, ²⁴ Na Malako,Aristarke,Demasi,Luka, wambinawa walisala. ²⁵ Ine pasa e Kumi Yesu Kristo Yawe na moenda omaino!