¹ Ngo Yuda moya mo Yesu Kristo,kamu moenganena o Zaki,natoma lohoto ane ngi wane betani na Aungu,wane biunda Mungu kaka,kamu wane wekomanyani na Yesu Kristo. ² Emesia ine hohua, hai,kamu lundo luawe nenu owoya pendja. ³ Baundani awa,nengawa nakamo owoya lita li hosiheli enu na ine iliti wume wone buisi esu naho lisanga. neni ine isi natina ofi litene ne sihele enu lita ine ne lendesenu, lita wonane lita liwinoliine kali Mungu nawasatu mbala emoi lita li wela. ⁴ Naiyo, waito wasiha bafota nandenge eweli hate ahaino, waito wane hetumbu iyawo isihani to ohala, bisi waitowane betiokwa hanaho ha Mungu, be kiola pasa e Mungu ohoiso lita ine bawe na lokumu lowokeli haita habe,lita ine bakotole Yesu Kristo,Kumi kpo emoi kamu kolo ohoiso. ⁵ Ata bwaliwa haita hane ohatuhu,kasi niundi ine neluhanele enu, litene Kolo ekosi baito awahe na Egypito, kamu mbuse ewoli banebetitewa na winoli. ⁶ Kamu ba Zelu bane betekomanya bopaka boKumu owawo, naiyo betiani tosinga otawo: Aungu itiwo isinga ingundu na meniololo me libela lita li wosambisami na wose otungu bofi. ⁷ Ndenge emoi kamu lita liwaito wa Sodomo,Gomore, kamu waito wa mwenge me mwamba betongi ndenge enete tonga Bazelu,betongi hasesiakamu hahua habe, Kamu bisi ndenge emoi ingiwane wane bena mundu mo itumbu iyohe yaliwela na liwela. ⁸ Ndenge emoi kamu lita li waito awo:haluhania ahawo hetoma ine basengisi ndoto yawo,be ola bokonzi bo Aungu kamu bese bikelamu isi diolo. ⁹ Sikene Mikaeli,kumu owa Andjelu, tango isi tenga na Sitani na ine iliti ndoto i Mose,etiongoli omoli haohi ha oseki sitani,kasi ekpomi kpo: imesia Mungu amosamele ohe! ¹⁰ Sikene waitowane beseka bilulu ine biti lembeheli wo,kamu bilulu wine beti limbeheliwo nandenge lewo ehomoto hia nama ine ilumbi weli, yonde iwolambo wo. ¹¹ Hohua nawo! naiyo betuta ndole ene etetutaya Kaina,beya hese na wobe wo Balani lita liobwi okpoheli,bete hua lita beta angowa hia Kore. ¹² waito wamelo besengesia bingunda iwino i lundo,belenenu isinga imoi soo nitemia, kpamu bekpana bo wangine bahulutele , bisi hia hapata hane helumbi haye,ine litola lifofela,bisi hia mete mene meti wota,behua mbala iyele kamu befuheli kamunyo. ¹³ Bisi hia bitombo bifi ine li haye ine ihusa hahulu na haisiso hamelo,bisi hia totofi ine etaeta, Aungu iteli wo wotiho hofi lita li libela ¹⁴ Ndenge emoi nawo, Enoka,koko mbaitwele mbuse Adama, ekpomi lita ilawo:lita, kumi alua na waito wane bengei koto na koto. ¹⁵ Lita atene haita ha waito kpa, ekaliambo etumbu na waito befeti Aungu o lowola lita liwobe owawo,ndenge efetiwo omotemi na haohi habe ahawo. ¹⁶ waito wamelo bewai waito befindi na wokpomakpomi kamu na wolelaleli lita li wume owawo,betutaya kamwa iyawo mbe menua emawo mefindi na haohi ha mofeto,be kpoma haohi ha lehelehe ingi waito lita ine babwe akpohelia. ¹⁷ Ayenu sikene,baundani awa boluhani hahohi hane hekpomi ba Postolu awaiso wa Yesu Kristo bete kpoma wo felo. ¹⁸ Be kpomeli enu : nahekekani hetunga, wane wesekambo bewambo,bane betutayambo kamo iyaho bolumbi otemi linaho li Aungu. ¹⁹ bisi waito wane befotisa wosehani, betutaya haluhani ahawo ha ndoto, kamu beti na mwenda. ²⁰ Enu sikene,baundani boyatonge enu wangine djiolo li winoli owaino ine ilotoli ngia. ²¹ Boyakomani nalundo lo Aungu, heta ewai enu wambeli hohua ho kumi ohuiso Yesu, lita li wume boti na tunga. ²² Bane bisi nanga bokwelewo hohua; ²³ Bolute waito wasiha towelo na iyohe kamu bumesi wo, bokwele wasiha hohua, nao wangi, nayo bofine tulu iyaho ini itindjali nakamo elewo endoto. ²⁴ Na ono isi na lusa lo okomani enu ine bota hele lita li oneseli enu felo ngbende elehe, na woluli hobe kamu na monangia omofi,. ²⁵ Na Aungu omoi kaka, moumesi omaiso, emesia ine ngbende , hesisi,luili,bokumu bwawe nahe,na ndole i Yesu Kristo moumesi, felo bikekani wiyokpa sikene liwela na liwela Ame.