¹ Moto ono aumoha,ekpoma na Kiria l'elue na wana elehe,ne undi nawosembo,eti ngo mangine,na waito kpa wanebeundi wosembo, ² lita li wosembo ene eisi esu naiyo,hema eliwela na liwela: ³ lita line,pasa,hai iwai isenga ni eleino isengeli aungu oloolo na kamu yesu moumisi,mona na ise,na wosembo,na kamu lohundo ! ⁴ Ne wai na wosepeli ooya boeni wana eleo boendi na wosembo,na olitelaka ngeleene ehili esu ngi ise. ⁵ Sikene, ne loba,Kyria, eti tenga bosio wobandi sikene, moto one ahila wobandi,toundane moto omoi na wasiha kamu. ⁶ Na lokundo eisi tenga woendi na ngele. Imo nde eisingeli ine esu to koka wendi nimo wobandi. ⁷ Lita line waito wabe ba fota na mokili,beeti limeseheli ine yesu moumisi enga liwa tenga moniho.Baito wane beti inola uyo beisi waito wabe na bee maela Christo. ⁸ Bapalengele enu mangine,lita line bata lumbe ifuma ilisala eleino,bohile nde bomoluwayeli. V 9 Moto kpa ene eyambo ola na kamu botiali na boinoli Kristo etisi na aungu o loola, moto one eisi na boinoli uyo ewai na ise namona. ¹⁰ A moto alua isengani eleo eti na boindi, ata moyambe na boyalo wayo, ota mopkamele kamu ine hema eti na tunga. ¹¹ A moto akpoma, hema eti na tunga! asangana na asala habe. ¹² Sominga ndenge eisi ngo na haongi ondje iosiheli enu, ndi undi okeli na lohoto na mosio, neundi boesi esengani elei no, na bokpomeli enu monua na monua, lita line bonangeli eleiso ewahe ondje. ¹³ Bana wa wasehenena leo elue bosengesa