¹ Yesu, a konda yo atei e bwato, bo kateja luwa, a kei ta engumba emoti. ² Pe inja, bamo lwei moto mobukeneke diko ji bwako. Yesu, boinja edimeli ebu, a bali na mo ndoke: Sa pingeja, mwana ombai, ma sumu mawe ma limbami. ³ Ataina emina, boko ba komeli ba balani atei ebu: Moto iyo a singaka. ⁴ Pe Yesu, bo jeba ma kanisi ma bu, abali: Tina boni odini na ma kanisi mabe atei enu? ⁵ Tengasa, moto ndani iyo odi bopele, ebo bala: masumu mawe ma limbami, to abale bo: ango pe landa? ⁶ Njokande, Tina bo ojebeni bo mwana o moto adi na pipo ebo limbisa ma sumu iya ta ngondo: Angoo, abali na mo ndooke andowa mbeto ewe, pe kee ta ndako ewe. ⁷ Pe angoi, pe akei ta ndako ende. ⁸ Anee bato buke bowa, ba luma na bobanga, pe ba kumeji Njambe, iyo opi na bato pipo ndenge yena. ⁹ Banda yana akei bowali, Yesu ai moto adai ta esika ebo futa, pe iyo obeyamaka Matai. A bali na nde: Susa mbi. Moto yona, pe amolandi. ¹⁰ Elenge Yesu ada yo ta mesa andako, inja, bato bke ba mibeko pe bato ba bo moi bobe baani ayaka ta meza nande pe esika emoti na ba yekoli bande. ¹¹ Ba falizayo baani bowa, pe ba bala na ba yekoli bande; Tina boni mokonji onu ayakaka engbanga na bato ba bo moi bobe? ¹² Yesu aka yo bowa, abala bo: batto ba mokuku bopele teba lukake monganga, kasi bato ba konoke. ¹³ Keeni, akowani tina emina: nakake sepi atei emawa, kasi te atei e mbeka te. Tengasa na doiti bato sembo pepe, kasi bato bama sumu. ¹⁴ Na bowa baye li ba Yoane ba doi mboti na Yesu, pe ba bali: Tina boni iso na ba yekji ba Yoane bokiyaka miya,bongo ba yekoji bawe teba kiyaka koko? ¹⁵ Yesu aba sombeji: Ba palani ba momi bakoki ba bwani boda na wa leliye edi momi nabu amoti? Masu madi boduwa imabo momi adongabi ati ebu, ngongo ba bwani bo kia miya. ¹⁶ Moto abwaniti bo sangeja etato eyeine esika emoti na etato eyou; zambi etombalea ekina esenja, pe bo leya bodalea bopipo. ¹⁷ Teba sangeje mana mayeine atei ema kina koko; elenge ekina, makina mabeyaka, mana ma nangoi pe makina ma bungi, kasi teba isake mana mayeine atei emana mayeine, eda mana pe bokina bo baneami. ¹⁸ holngo edayo boba baleya maloba maya, inja, mokonji omti amei, a indi magbunda boso bonde, pe abali; Mwana mwali ombi agwi enoi mwa ngonga; kasi duwa, mobakeya momo,pe ayelalea. ¹⁹ Yesu angoi, pe amo susi engbanga na ba yekoji bande. ²⁰ Pe inja, mwali omoti na yano emakiya eyele mbuwa domi na ba baye a sindi angongo, pe a boli songo ji esenja ende. ²¹ Tengasa abalaka atei ende: Na imeya koko bopeya esenja ende, nayelalea. ²² Yesu ayekoji boso, pe abali, nabo moinja: dia ngulu, mwana mwali ombai, edimeli ewe e yeleji we. Pe mwali yona a yela koko na mbala yena. ²³ Lediye eimeya Yesu andako e mokonji, pe anii ba bomi ba mindule pe bato bike ba sepa, ²⁴ A ba balei somboni ngongo ; zambi,mwenga mwali a gwiti pepe,kasi awei. Pe ba bandi bo seke yo. ²⁵ eyengeme bato, adoi akweya, a tombi eboo e mwana mwali, pe mwenga mwali a ngoi. ²⁶ Sango epanjani ta engumba esusu. ²⁷ A kina yo yana, Yesu a susanami na bato ba baye ba miso ma gwake, iba ba gamaka: akeyaso waa mwana o Davidi! ²⁸ Aimeya yo andako, ba miso ma gwake ba sindani mbuti na nde pe Yesu a bali nabu: odi bi dima boo na koye? ii, kumu, ba sombeji na Yesu. ²⁹ Pe bowa a peyi miso mabu, na bo bala: ekome nanu ndenge emoti na edimeli enu. ³⁰ Pe miso mabu ma lipiwa. Yesu aba pii mobeko mopipo imu: Baneyani bo moto pepe bojeba. ³¹ Kasi, leji eimana bu, ba panji sango ende ta ekolo esusu. ³² Elenge ekeebo, inja, ba lwei i Yesu jabulu o etate. ³³ A benganabo ba jabulu, etate a bala. Pe bato bike ba kamoi ba bali: Makambo elenge mabo mainene ta Isalayele. ³⁴ Kasi ba falizai ba bala: Edi nde na njea e bokonji bo bajabulu soko abenganaka ba jabulu. ³⁵ Yesu adala ta bi ngumba bi susu naba ngando ji susu,boteyaka sango epele ebo kumu, pe ayelejaka pasi ji susu pe bi bukabuka ji susu. ³⁶ A njeni bato jike, adumi na wa atina ebu, zambi ba heleke pe ba banyokoloko, olongo bata ba janga mo baneyi. ³⁷ Nabowa abali na ba yekoji bande : Gbiye edi enene, kasi basali badi ba gooti. ³⁸ Bondoni mo konji o gbiye a lome ba sali ta gbiye.