¹ Ngongo e sabata, ebubulu e busa bo yambo bo poso, Malia Magadala pe Malia otongo bakee bonza esemo. ² Pe inja, kpoto ikumana enene; te ngasa Anjelu o Kumu alonga adiko, alua bohokoja litai, pe adai diko dimina. ³ Elenge ende edaka olongo mokadikadi, pe esenja ende epu ninga ma mwe. ⁴ Bakengeli bahala na bobangi, pe ba imeya elenge bago. ⁵ kasi anjelu atombi meko, pe abadi na bali: pozi bino, he bobangani, te ngasa najebi bo olukakani Yesu o bakama a ekulusu. ⁶ Aditi iya naikina; asekoi eyele, elenge ebalaka yo. duani, injani esika edaki yo asambi, ⁷ Pe keni pelele obaleni na bayekoli bande bo asekoi ate bato bago. pe enjani anoi boso bonu a Galilayi: eho omunjaleni. injani naebaleini. ⁸ Ba kei bowu na epasako, nabo bangi pe na sepi enene, pe ba poti bopa bwendi adi ba yekoji. ⁹ Pe inja, Yesu adowa bosongana nabu, pe abali: napi inu epaeli. Ba sindi tina ebo pbanda mako mande, pe badai magbunda boso bonde. ¹⁰ Na bowa Yesu abali nabu: Pepe bo bangani te; keeni obaleni na ba yekoji bambi ba nooe ta Galilai: Edi ewo soko ba taneye mbi. ¹¹ Yena adakabo na njeya, bato bakina ba kengeli ba kweyi ta engumba, pe ba keyi bo bala adi ba nganga batumbeli ba mbeka iye eimeyaka. ¹² Ibabo, ngongo jibi sangana engbanga naba bange pe boda likita, ba paka naba soda makuta mike, ¹³ na bo bala: balani: Bayekoji bande ba doi na bulu bamo ibi, adakiso boweli. ¹⁴ e ekadabo mokonji aki, bomo paelaleya molema, pe bo dialea etumbu. ¹⁵ Ba soda batombi makuta, pe baki malako maba pakabo. Pe sango yena ekani atei ba yuda, kino ama swi mabobo. ¹⁶ Domi naba baye bakee ta Galilai, diko jimono mumu Yesu ab inejaka. ¹⁷ ewole enekebo Yesu, ba inda magbunda boso bonde. Kasi bakina ba duma na kite. ¹⁸ Yesu, a sindana yo abali nabu boo: Bokumumbosusu bopami na mbi adiko pe a kpoto. ¹⁹ Keeni, koni na bi tuka bisusu bayekoli , oba batiseni na kombe e tata , mwana, pe e mwembo mosenoke. ²⁰ pe bakojani bo ba jebe misusu mi komeaki mbi no. Pe injani, nadi nanu masu masusu, kino suka e ngondo.