¹ A ewole yena, ba yekoji ba sindi na Yesu, pe ba bali: Moto odi monene bo dolowa a bokumu bo diko ndani? ² Yesu, a beyi mwana mokeke, amo mayeji a ndanda ebu, ³ pe a bali na bali nanu soti, eka dabo osombitini pe oyombaneni elenge e biyenge ba keke, okweyabitini te abo kumu bo diko. ⁴ Na tina emina, moto yona osa mejabi bwembu elenge emwana mokeke adabi monene a bokumu bo diko. ⁵ Pe iyo opalabi na kombe embi yeng mokeke elenge iyo oyambka mbi mene. ⁶ Kasi, eka dabo moto aka tutanisa omoti o biyenge iba ba dimaka mbi, enoi bopele tina ende bamo kwekene mokoli a loli na litai, pe bamodumbe andinda e duwa. ⁷ Wa na ngondo atina ebo tutaneja! Zambi edi na litomba bo mabaku maduwe; kasi wa namoto iyo na njeya ende libaku liduaka! ⁸ ekada ebo ewe to eko ewe edi adiwe tina ebo tuteja libaku, lena yo pe odumbe bo hali na we; edi opele adi we okweye na bomoi bo ndoke to ebosono, a esika boo odiye mako ma baye to mabo ma baye pe odumbame a mosa mo seko. ⁹ Pe ekadabo liso liwe idii, njeya ebo kwaka, idongeja pe o ji dumbe bohali na we; edi opele tina ewe bo kweya a bomoi, boda na liso ji moti na esika eboda na miso ma baye pe olumbame ta mosa mo gehena. ¹⁰ Sa baneyani natina ebo neke ngasa omoti obenge baya; te ngasa na bali nanu bo banjelu babubadi ta diko ba neke biwole bisusu boso bo tata ombi iyo odi diko. ¹¹ Te ngasa mwana omoto a duwa bo yeleja oyo ebungaka. ¹² Kina boo ino esika emoti? eka dabo moto omoti adi na bata kama emoti, pe omto obu abungi, te akinake tuku libuwa na libuwa bakina diko di mono, natina ebo keke iyo omoti ota bunga? ¹³ Pe, amaka mo taneya, na bali nanu soti, emo koko sepi enene bonoo tuku libuwa na libuwa bata he pe bobunga. ¹⁴ Elenge emoti, editi posa e tata onu iyo odi ta diko boa bungeje omoti obenge baya. ¹⁵ Ekada bo ngene owe akoi isumu, ke pe omo pamele ateyi ewe pe yo mene amaka keya, olongi ngene owe. ¹⁶ Kasi, amiti keya we, tomba nawe moto omoti to babaye, natina ebo ikambo lisusu libongejame na litatoli li bato ba baye to ba sato. ¹⁷ Amaka lona bo bakeya, tondo a etonga; pe amaka lona bo keya etonga, adae adi we elenge emopagano to mokongoli pako. ¹⁸ Na bali nanu soti, esusu iye etingeabi no iya ta kpoto etingeama lea ta diko, pe iye esusu eloja lea no ta kpoto elojama lea a diko. ¹⁹ Na bali nanu na ikina bo, eka da ba baye atei enu ba baakani tina ebo wojo eka emoti bowa, eba pama nabu na kombe etata ombi odi diko. ²⁰ Te ngasa esika adai bato ba baye to ba sato basangani na kombe embi, nadi atei ebu. ²¹ Na bowaPetelo asindani na nde, pe abali: Kumu, mbala boni na bwani olimbisa ngene ombi, amaka koo ibunga nambi? Ebwani boda mbala sambo? ²² Yesu abali na nde: Na baliti nawe tee mbala sambo, kasi tee mbala tuku sambo na sambo. ²³ Na tina emina, bo kumu bo diko bodi elenge emoti na mokonji iyo oduka afutiye ba sali bande. ²⁴ Ewole ebanda yo bo langa, bamo lweyi omoti obwanaka aduwe na pata koto domi. ²⁵ Ndenge aidaka na eka ebo futa, kumu onde apii mobeko bo bamo kete, yo, mwali onde, bana bande, pe leka bosusu bo daki nande, pe na nyongo eduwa siya. ²⁶ Mo sali, asa lumbi a kpoto, a indi ma gbunda boso bonde, pe abali: Kumu diya molema moyayi adi mbai, pe nadi ofuta bosusu. ²⁷ A lumi na wa, kumu oba sali amo kini akeyi, pe amo kinei nyongo. ²⁸ Ngongo aimana yo,mosali yona asongani na omoti oba dalani bande iyo abwanaki amo peye pata kama emoti. amo peyi pe amo kwekeni ta doli, na bo bala: Futa iye ebwani we opwe mbi. ²⁹ Mwaninga onde, asa dumbi a kpoto, asa bondi, abali:Daa na molema moyayi alimbi, pe na futalea. ³⁰ Kasi okina aipala te, pe akei bomo dumba aboloko, kino bo afuta nyongo ebwana yo bo pa. ³¹ Ba ninga baande, anekebo iye e imeya, ba luma mene na waa , pe ba keyi bo bala adi kumu mi susu minoomo. ³² Na bowa kumu abeyi mosali yona, pe abali nande: Mosali okele, naekiyaka nyongo esusu, te ngasa obondoko mbi; ³³ obwaniti bo diya koko waa e mina owe te, elenge ediya mbi waa ewe ? ³⁴ Pe kumu onde, na kele, amo pii ta mabo ma ba kengeli ba boloko, kino boo a fute esusu ebwanayo bo futa. ³⁵ Edi elenge emoti tata ombi a diko akokobi nanu, eka dabo omoti onu a weyiti bo limbisa ngene onde na molema monde mosusu.