¹ Yuda, mosali o Yesu Klistu, na moninga o nde Yakobo, na baya baema, iba bapalama na Njambe tata, na ba baneama a tina e Yesu Klistu : ² kina wa e Njambe, kimia na monganji edae enene ! ³ Bapalani, o boa napalaki mene bo nasoneni no a mokonja mo mohelo mo su basusu, na sa kei na lisengisi bo nakoe na tina e bolendisani bo ne etumba na tina e ejimeli epama na basenoke mbala emoti po seko. ⁴ a tina e bo bato bakina bakwei, i baba bokwejama ekomama eyou, bato ba mbindo, ba bongolaka ngolu e Njambe o su na bokabwani, na bawanganaka dea molakisi o su o moti Kumu Yesu Klisto. ⁵ Nadukaki nalejeni, ai no bajebi bopele mene ngando jisusu, bo Kumu ngongo e ehelo e batu a ekolo e Ejipito bakuaka janga ejimeli ; ⁶ a bo modeja a tina e jugema a busa bonene, e bolandeja seko na seko a tei e modidi, na banje i baba bai banea yongi e bo, kasi i baya balona bisika bi boda bibu mene ; ⁷ Kina bo Sodomo na Gomola na bingumba bi mbuti, basakapaka dea na ekobo na ngando ji bokeseni na ngondo, i pa mi ta ndakisa, bodia monongo mo mosa mo seko na seko. ⁸ Na bowa, na bato baya, batombama na iloti ji bu, ba bejakaka mini mi bu, botuka bokonji na bosinga kembo. ⁹ Nzokande, mwanze Mikayele, tango ye e welanaka bo na mongoli na mokuku mo Mose, bai koka bo mopa jugema e bosinga, kasi a bala bo : kina bo Kumu yo mene alimbisi ! ¹⁰ Bo, na bokeseni, ba balaka na lolenge e bosinga te na kite, na badaki bakana a tei ejebaki bo na bo moto mene na bosusu bo nde. ¹¹ Wa adi bo ! Tina bo balandi nzea e Kaina, basadumbaki a lifuti ji bobungea nzea e Balama, basa bungejai na botomboki bo Kole. ¹² Edi dongo epele ne dongo e be a tei bolingo bo bangene, babejakaka munu mo soti, bato bata yakeneja bo bene. Edi mapata ma pe madiba, malomami na mipepe, na mele mi yanga pe bobota mbuma, jigwake mbala ibae, bobikwa nginga ; ¹³ mbonge ji bobangeja bo mbu edumbaka mapuli ma bosoto bo yu, minzoto mi pe bobwana, iye modidi mopipo edikai tina e seko na seko. ¹⁴ Edi bo a tina emina Enoka, moto o sambo o Adama, a sakola mijo mi : Injaka, Kumu adoi na bobuke bo ba senoke ba nde, ¹⁵ a tina e boko jujema e bato basusu, na bopa mbano a bato ba mbindo a tei e bu na bikela bi bosoto, i koko bo na maloba masusu ma bosinga mai maimana bomotemela bakomeli o masumu ma mbindo. ¹⁶ edi bato ba himahimaka, ba sa tungejaka na mbano ji bu, badalaka ngongo e malulu ma bo, iba badi ta minoko mi bu maloba ma bosa tombea, iba bajimeaka bato na mo lifuti. ¹⁷ Kasi no, bapalani, lekeni leka lo balama boso na balomami ba Kumu osu Yesu Klisto. ¹⁸ Abalaka nanu bo ta bihole bisuka baseki badi boda, baboani bodala ndenge ji maluli mabe ji mbindo ; ¹⁹ baya bakase bakabwani, bato ba mokuku, bataki mwembo. ²⁰ Atina ewe, mopalani, sapani mene no bene atei e ejimeli esenoke, na anga na mwembo mosenoke, ²¹ peyanani ta bolingo atei e Njambe, nabombaka na wa ekumu osu Yesu Klistu atina e bomoi bo seko na seko. ²³ sa helejani bakina na boba dongeja ta mosa ; na tina e baya bakina, dani na mawa esangejami na bobanga, bohimaka tee na esenza ebejami na mbindo e mokuku. ²⁴ Nzokande, na iyo okoki bobanae so na bokwa bosusu na bo maeja we boso bo ngolu eyai ende ta sepi yena eno, ²⁵ adi Njambe yo mene, moheleja osu, na nzeya e Yesu Klistu Kumu osu, na yo ngolu, kembo, ngulu na nguya, a ebandela e bihole, na edeye, na bianga kama bisusu ! edae bowa !