¹ Nabiyo jene noweni amati o bubibi nguba beno, ² no kyendako jene amati o bubibi nguba nani,akpataniya no musasa so dodo,no kpataniya no angu ngiyo uhu,no angu ngiyo mutima wota bibi nguwa wakiya teya bubunu amati o mwana o abii. ³ Isu babomu ,tokiyo jene ta amati ebo,tokiyo jene ta amati o musasa so ndutu,ako kpataka musasa Ndutu no itunguyo iye yango,no tokiyo jene naingwa a mupnganiya bana bo mutima wota bibi,kundi bange... ⁴ Ku bani Asobee,iya amuja ako nipaakiya,ako bukunda bota buja uba ati kunda nabo, ⁵ isu uba tawo amati o bubibi,a tinjo buheya iho no Kilisito(Naheya jene ta akuu o bukunda); ⁶ ati fufukisa babomu,no ati woliso iho nayo aki akuu nogbe,amati o Yeso-Kilisito, ⁷ do i pananiso ako mago nguka sina anika bo bulo no bukunda ngubo Asobee bangomu no mupipiyo akuu o isu uba tamu baya Yeso-Kilisito. ⁸ Do na heya ta ako yaka yo bukunda,ingbaa ako baya.Sokomu ako angu iya eno,ya bukunda bo Asobee. ⁹ Sokomu ako mukyananakiya wotolo nguweno,do mombi ati bibana komu, ¹⁰ to ta likyemu lango,ati tuwo amati o Yeso-Kilisito a mukyananakiya wotolo,uwa Asobee atambanaka jene,do tiwu kyananakiya. ¹¹ Ku bani,Inu nguba nabiyo jene ba pagano ano ndutu,bombi nguba babu kiyo iguni bani soko bo nano lavolo,bano ndutu a likondo lo bombi,tunguweni ¹² nabiyo jene ako angbinga ngiya nani sokomu no Kilisito,boko toni baya komu amati o buma iyo Isalaeli,babika ako maguni uka sina anika,sokomu no baya now sokomu no Asobee amati dodo. ¹³ Itakitaki ngiye,amati o Yeso-Kilisito,nabiyo lu,neka tinene nayo ako ingbaa yo menike ko Kilisito. ¹⁴ Do a majiyo keso,iyo ngiya ako bepini akiya mengana,iya a natuwa ukuta nguwa wa ati o nagbonyonoko, ¹⁵ bukunda bowa ano ndutu upanu nguwo nagbonyonoko,do wikiya amati ango ibo bapini mombi mungana iyo itakitaki,anuto majiyo, ¹⁶ nabo ako pataniso iyo nayo bika ndutu mengana,iho no Asobee ingbaa ako bangbangba,ako niwa bukunda bo ndutu. ¹⁷ Eka no isawu yo majiyo ako inu nguba nabiyo jene lu,no ako uba tinene; ¹⁸ do ingbaa ako iyo isu isu no Inu tano ingbaa anisa ati Abaa,amati o mutima mungana. ¹⁹ Ku bani,Nangomu bata babika,ama bombi bo bei,natiya Baja bo ikumbu iho no ba malaika,bana bo ikumbu ngiye Asobee. ²⁰ Bani paniya jene yaka ngiyo mati akuu o bakpata no ba gugu,Yeso-Kilisito iyo mumbinyongo ikopi iyo indu. ²¹ Amati ango ikaa ya tubonokiyo ilo do yabiyo suwo basa ata tu amati o muheiso. ²² Amati ango banenu ako paniya ako biyo ikaa yo Asobee a mutima.