¹ Yezu, pa adhayi na ekolongba, azaba libha la enkwe, pe agea nange abgata. ² Pe mondani, bhaveleaga moto omoti abhunuagi ayangi a ebu. Yezu pa ameni bhoyambi bhongabhu, ampaga na moto mabhunuagi: Va nguyi, mimongame, mabe mongo bhasabolile. ³ Nakwayia, bhandombe bhaada bhapaga angabhun an'melema ete ale akpana. ⁴ Pe Yezu, pa ayiba laayi engabhu, apaga: nakwa ete male malaa bhakwa bhenene angbanu an'melema? ⁵ Nakwate, etee te ekudhu, page: bhone bhongo basabolile, to page: Yama, pe tanga? ⁶ Kasi, nakwate bhino mayibi ete Mi ma moto aale a dhodho na nguyi ete asabole bhone: Yama, apagando na moto ma abhunuagi, va ebuyi tengo, pe gea n'ango angbale. ⁷ Ayamando, pe asiya n'ange angbale. ⁸ N'edheli bhato bhebua bhameni yo, bhoo obhanda, pe bhapa lekumu na Kuunzi, mo opi bhato nguyi endenge elelia yo. ⁹ Pa atoyea wo agea mayi, Yezu amena moto omoti epii asoe bhafutisa peesi, pe lina lenge ali Mateyo. Ampaga: Leguga. Molo mo ayama, pe an'guga. ¹⁰ Ge Yezu alinde a mesa a ngbale, mondani, bhato bhaleta bhebua pe bhato bha bhakwa bhenene bhadoondo pe bhepia nayi pe na bhayekoli bhonge. ¹¹ Bha falizeo bhamena kwayia, pe bhapaga na bhayekoli bhonge: Nakwate molakisi mongbanu ayayea na bhato bha leta pe bhato bha bhakwa bhenene? ¹² Yezu awoo kwayo, opaga: kana bhato bho nzoe engabhu ale enza nde bhan'kabha monganga, kasi bhato bha egoni. ¹³ Toyeani, pe yibani kwaye: Nabha bhodogi, pe kana lekandi. Nakwate tedu nomaa bhato bha semba te, kasi bhato bha masumu. ¹⁴ antinde yia bhayekoli bha Za bhadoondo ebina na Yezu, pe bhampaga; Nakwate bhiso na bha falizeo takomo eyeli, kasi bhayekoli bhongo bhakome eyeli bhole pekedhe te? ¹⁵ Yezu osisia: nde bhapombode na molo bhaliato na bhodogi n'edhli molo aale nabhu soemoti? Biti aado ye molo odhondele, pe antideyia bhakomoondo eyeli. ¹⁶ Moto bhole pomoti te kasone eteni ta ngombe enzongo agunale ngombe endeele; nakwate agbuutato eteni ta ngombe yo, pe anoana esi asoo. ¹⁷ Bhadhui kongolo enzongo na ndukula endeele, kaligoote, ndukula awaleana, maana adhuana, pe ndukula abhebhile; kasi bhandhua maana menzongo na andukula enzongo, pe maana na ndukula epia bhedhe. ¹⁸ Pa n'edheli ali otangusiaga enzombi we, mondani, mogoto omoti ade, egbumaga embole enge , pe apaga; Mimongame monka akwile pa maguindane; kasi doo, ompoto na mabho, pe abhikato. ¹⁹ Yezu ayama, pe an'guga na bhayekoli bhonge. ²⁰ Pe mondani, enkaa omoti na egoni ta bhango ankea bhanda gala zumi na mibhale esesia antinde enge, pe apoto songe ya ngombe enge. ²¹ nakwate enkamo ali apaga nange an'melema: O napoti pa ngombe enge , nawoatonde. ²² Yezu epaasa, pe apaga, po ameni: Va nguyi mimongame,bhondimi bhongo nde bhowuusi. Pe enka mo awoa pa na saa yo. ²³ N'edheli Yezu ade a engi wa mogoto mo, pe omeni bhato bhan'boma fofolo pe bhato bhebua namakelele, ²⁴ opagando, Toyeani wo, nakwate minka mo kakui te, aale alala. Pe bhantebaando ²⁵ N'edheli bhato bhagbateani, ayingia, ava ebho ta minka, pe minka ayama. ²⁶ Sangi agbateana a mongime mo maazu. ²⁷ Pa atoyea wo, bhato bha bhazibe bhebhale bhanbengeyaga Yezu, bhalinde bhagamuaga: Ewolea bhodogi, mi ma Davidi! ²⁸ N'edheli ade angi, bhato bha bhazibe bhesesia ebina nayi, pe Yezu opaga: Malaato ete nakukato ete naze kwayo? Hein, Kumu , bhan'sisiando. ²⁹ antinde yia apoto miso mongabhu, apaga: Azanane na bhino ge mabhuyi. ³⁰ pe miso mongabhu awunana. Yezu opaga nakwa ekpekpe: Emondeleagani nakwate moto bhole pomoti kayibi te. ³¹ Kasi bhanda ge bhapupi wo, bhakpetea lina lenge bhabii bhayazu ³² Page bhali bhagea, mondani, bhan'veleaga Yezu moto ma biimo bhubhu. ³³ Pa biimo bhan'bheyi, bhubhu adhelando. Pe bhato bhebua oyema bhapagando: Ata biti emoti te taameni kwa elelia ye a Izalayele. ³⁴ Kasi bha falizeo bhapaga: Aale na mogoto ma bhabiimo nde obhea bhabiimo. ³⁵ Yezu ali ayanganaga a bhagbata pe mongime maazu, pa awanisa a bha sinagoga, akpetea sangi enza ya legoto, pe awuusa goni pe egopi taazu. ³⁶ Pa omena bhato bhebua, an'yemando yi na bhodogi nakwa engabhu, nakwate bade bhepetepete pe bhakodhogi, ge bhakandolo bho bhaale na sinzili bhole pomoti te. ³⁷ Nakwayia opagaando na bhayekoli bhonge: eyeli aleli tebua, kasi bhato bha ensale bhaale. ³⁸ Kongani na mangina matia otee bhato bha ensale na nge matia.