¹ Antinde yia Elimo ankumba Yezu na a wuma, nakwate Sumui anzologe. ² Antinde ³ yange nzaa bhabiti na enmone tuku mine, awoo ndo nzaa. En wowolo, pa esesia ebina nayi, ampaga: o oli Mi ma Kuunzi, paga na mabogo mobhe ade mampa. ⁴ Yezu ansisia: bhakomi ete: Moto kabhiki pa na mampa kongo, kasi na lekpeta laazu la apupa a Kuunzi enoo. ⁵ Sumui ankumba a gbata esantu, ankisa koogo ya ngbale Nzambe, ⁶ pe ampaga: o oli Mi ma Kuunzi, edheeta na se ; nakwate bhakomi: ampatonde motindo na bha modo koogo bhonge na kwa engoo; Pe bhokumbatonde a mabho, Nakwate etindi tengoo kasaage lebogo. ⁷ Yezu ampaga: bhakoli lokola: Konzologe Kumu ata bhole pekedhe te, Kuunzi mongoo. ⁸ Sumui ankumba goto a gunale gangale ye esi koogo, an wanisia bhalegoto laazu la dhoote pe lekumu lya, ⁹ pe ampaga: nopatonde bhasoe bhaye bhayaazu, o olopi modoo pe ologbumiagi. ¹⁰ Yezu ampaga: Tweya wo, Sumui! Nakwate bhakologi: Ongbumiagande Kumu , Kuunzi mongo, pe on zeleleande payi mamoti. ¹¹ Antinde yia Sumui an dho. Pe mondani, bhamodo koogo bhadoo ebina na Yezu pe bhan zelelea. ¹² Yezu, pa awoi ete bhan bhaandi Za, asia na Galilea. ¹³ An dho Nazalete, pe adoo epia a Kapalanaumo, ebina na Libha la enkwe, a dhoote ta Zabuloni pe ta Neftali, ¹⁴ nakwate angemeneage kwa yende plofeta Ezayi atangusiagi: ¹⁵ Bhhato bha Zabulo pe bha Neftali, Bho ebina na libha la enkwe, mokili mo ebii ta Yolodania, Pe bha Galilea ma Bhaato bhenza, ¹⁶ Bhaato bha, bhepiinde an edhidhi, Bhamenile enmone okpekpe; Pe agunanale bho bha dhoote pe elilimbi ta kuwa enmone apupile . ¹⁷ Bhanda edheli yo Yezu aponga a kpetea, pe apaga: Paasani enmeleme, nakwate legoto la engali adele ebina. ¹⁸ Ge ali agea ankpengbe ya libha la enkwe la Galilea, omeni bhami bhalo bhebhale bha lemama, Simoni, mo bhanmaa ete Petolo, pe Andele, mame, bhali bhadheta ekpia naa libha la enkwe; nakwate bhalinde bakango. ¹⁹ Opaga: Malegugani, namopaasa molobo bhaato. ²⁰ Pawo, bha dhoondo bhekpia, pe bhanguga. ²¹ Toyea wo pa agea na bhozogolo,omena bhami bhalo bhebhale bhalemama, Zaki mima Zebedea, pe Za, mame, bhalinde a ekolongba na Zebedea, ababhu, pe bhali bha bhongisiaga bhekpia bhongabhu. Omaa ndo, ²² pe mbala emoti wo bhadho ekolongba pe ababhu,pe bhanguga. ²³ Yezu ali ayanganaga a Galilea waazu, pa awanisiaga peesi a bhasinagogaa legoto,pe pa awuusa egoni taazu pe egopi taazu ankpoto ya bhato. ²⁴ Nalina lenge apanzeani a Silia waazu, pe bhali bhadoo biinge na bhato bhaazu bha egoni pe bho nzoe ali ongayea na ndenge yaazu, bhato bha biimo, bha epupuluga, bho bhabhunuagi; pe ali owuusa. ²⁵ Entutu wa bhato bhebua bhanguga, toyea a Galilea, a Decapole, a Yeluzaleme, a Yudea, pe n'ebii ta Yolodania.