¹ Antinde wa sabato, na mbimbi ya esa ya biti ya ambola ya emposo, Malia ma Magdala pe Malia maada bhageando bhamonde kunda. ² Pe mondani, dhoote aningana nakwa esi; nakwate modokoogo omoti maKumu akia atusii koogo, adondo asekpa lebogo, epia agunalia. ³ Ngbata enge ali ge mangbe, pe bhangombe bhenge ali abhubha ge lebule. ⁴ Bhazamo bha bhanda bhalulumana na bhoo, pe bhade ge bhato bhakwi. ⁵ Kasi modokoogo awa enoo opaga na bhakabha: Nakwa engbanu, kaa mabhange te; nakwa nayiba to ete male mankabhaYezu monde bhan'bangi na a kuluse. ⁶ Kale bhole pekedhe te wane; azuzu to, ge apagindele. Dooni, mondani soe yende bhanyangisi aso, ⁷ geani bhegala-gala mopage na bhayekoli bhonge ete azuzule ankpoto ya bhato bhekwa. Pe mondani, yi agile ambola engbanu na a Galilea: wo nde mamenandele. Mondani, namopagi to. ⁸ Bhatoyea na bhogala-galamayi na kunda, na bhoo pe na edhengeleage, pe bhateteando lembango bhape sangi ye na bhayekoli. ⁹ pe mondani, Yezu adoo andongbana nabhu pe apaga: bhino kpone o. Bhesesiando ete bhampote a matindi, pe bhagbumaga ambola enge. ¹⁰ Antideyia opaga: Kaa mabhange te; geani mopage na bhamamabhame bhage na Galilea: wo nde bhalemena ndele. ¹¹ N'edheli bhu bhali pa apesi, bhato bhaada bha bhasinzili bhayingiando na a gbata pe bhatangusiaga na bhanganga Nzambe yaazu ge asoi. ¹² Bhobhe , antinde bhakongoleani na, bhato bhekpekpe pe bhadhelagi bhopindo bhasoda falanga ebuwa, ¹³ pa bhapaga: bhayekoli bhonge bhadu na biti bhanyibha n'edheli tali talala. ¹⁴ O bula matali awoi, tankisagato enmeleme, pe tamotusato a ngbanga. ¹⁵ Bhasoda bhavando falanga, pe bhagugando simbisi mo bhopibho. Sangi yo apanzeani bya bhayuda tii elo. ¹⁶ Bhayekoli zumi na moko bhageando na a Galilea, a gangale yende Yezu owanisiinde. ¹⁷ N'edheli bhanmeninde, bhagbumaga ambola enge. Kasi bhaada bhalinde na ndundu. ¹⁸ Yezu,esesia ebina nabhu adhela ge: Nguyi yaazu bhalepi a koogo pe a ase. ¹⁹ Geani, mopasani bhato bha mokili waazu bhayekoli, mopulagaa lina la abo, la Mi pe la Elimo-Santu, ²⁰ pe mowanisini bhagugi yaazu ye namowanisinde. Pe mondani, nale na bhino bhabiti yaazu, tii a sunge ya mokili.