¹ Antinde Yezu ammasi enzobi wo, atwea a Galilea, pe agea na engi wa Yudea, ebii ta Yolodani. ² Bhato bhebua bhan'gugindo, pe wo owuusa bhato bha egoni. ³ Bha falizeo bhanyamisa na kwate bhankengee: Bhampito molo pesi ete anbhea enkale atine kwa emoti? ⁴ Osisia: Maatanginde ete mozalisi, ambola, an'zi molo na enka ⁵ pe apaga: Kwayia nde molo an'dhondele abee pe amee, ekandeleagandele na enkale, pe bhu bhebhale badendele nzoe pa emoti? ⁶ Go nde bhaale goto bhebhale te kasi bhadele eswi temoti. Kaale moto kagbaage te ye Kuunzi akandi. ⁷ Kwasina ndo, bhampaga yi, Moze a kologiete bhampe enka mokanda ma movele pe bhee enka? ⁸ Osisia: Ali nakwa enmeleme okpekpe ongabhu nde Mmoze amopi peesi ete mobhea bhakabha bhongbanu; ambola kalindendle go te. ⁹ Ksi anamopagale et moto manabhea enkale, tatuusi pakwa yange na molo maada, pe an'va enka maada, azile ndomo. ¹⁰ Bhayekoli bhonge bhampagaando yi: nde alia mol,o go na kwa enka, kaale na tina te etee molo an've enka. ¹¹ Osisia ndo bhu: Bhaazu bhanyibi enzombi wo te. ¹² Nakwate, bhato bhaada bhetu a mangale bhanda a sopo ya bhamabhu, bhadani bhade go pa na kwa bhato; pe bhaadani bhedesi bhu bhamangana, nakwa legoto la engali. Mabhayi yibe ayibi. ¹³ Ban'veleagando bhami bhekeke, nakwate obisii ebho angabhu anmoe pe asambelee nakwa engabhu. Kasi bhayekoli bhosekpando. ¹⁴ Pe Yezu apaga: Odhoni bhali bhekek, kaa mookangee te ete bhadu bii engame; nakwate legoto la engali ale nakwa bhato bho bhamanana nabhu. ¹⁵ Obisilia mabhoo pe atwea wo. ¹⁶ Pe mondani, moto omoti esesia, pe ampaga na Yezu: Molakisi, abhongi ete naze kwasina enza na kwate nade na bhomoyi bhobhaa na sunge? ¹⁷ Ansisia : Kwasina olomosia na kwa enza aso ? o obhayi ete oyingii na bhomoyi, ontosa mobeko. ¹⁸ Mo sina? anmosia yi. Pe Yezu ansisiaa: Kaa komondele moto bhole pomoti te; kaa koyangendele n a enka ma moto bhole pekedhe te; kaa kolindele na kubhaa bhoe pekedhe te; kaa kopage ndaa nalina la moto bhole pekedhe te; ¹⁹ ompa motuwa na abaa pe amaa; on'bhaa daa ge we mamoti ²⁰ Palanga mo apaga: natosi bhakwa bhayo bhayaazu; esina te alezangi goto? ²¹ Yezu ampaga: o obhayi ete ongemisagi bhakwa bhayaazu, gea, wengea tomate taazu toli natu, opa na bhato bha bhozangi, pe odndele na lekete la mosolo koogo. ²² Antinde awoi enzombi wo, palanga mo agea na bhodogi bhaazu; nakwate alinde na mosolo obua. ²³ Yezu opaga nabhayekoli bhonge: Nale namopaga kwa ya soolo; mozui ayingiandele na matata a legoto la engali. ²⁴ Namopagale goto, ale kwa ekedhe pamba nakwa te Kamela ayingii a lepepeta la embigo ge mozui ayingii na alegoto la engali. ²⁵ Bhayekoli, o bhawoi kwayo, oyema bhu nakwa ekpekpe, pe bhapaga: Kane makuki awoandele? ²⁶ Yezu omondando, pe opaga: bya bhatokakukite, kasi bya Kuunzi kwa yaazu ale akokana. ²⁷ Petolo, pa ava enzombi, ampaga: Mondani, bhiso nadhi bhasoe bhayaazu, pe toguga we; aliandele esisina na bhiso? ²⁸ Yezu osisia bhu: nale namopaga kwa ya soolo, n'edheli Mi ma moto, a bhonzongono ya bhakwa bhayazu, epiandele a legbangba la kembo,bhino bho malegugi, mepiandele lokola alegbengbe zumi na mibhale, pe matenandele ngbaka ya mapiga zumi na mibhale ya Izalayele. ²⁹ Pe moto waazu ma adhi, nakwa lina lengame, bhammebhe bhalo, to bhamamebhe bhakabha, to abee, to amee, to enkale, to bhamanabhe, to dhoote tenge, to ngbale enge, azuzuandele mbala enkama pe bhomoi bhale na sunge te. ³⁰ Bhebua bhambola bhadendele bha sunga.