¹ Bha falizeo na bha saduseo bhan'bengeleaga Yezu pe, akwate bhankengee,bhamowasu elembo temoti atusia koogo. ² Yezu osisia bhu: Na gogoye, mapaga ete: Yio enmone abhata bhenza, nakwate lola ale agbama; ³ pe n'esa; mbuwa alooto elo, nakwate lola ale apuwa na bhogbama. Mangemato yibe langi ya lola, pe mangeme yibe te elembo ta bhasangaa. ⁴ Lekopo la bhato bhene pe bha ndomo bhakonga kwa eyema; bhamopandele pa kwa eyema ya Yonasi. Antindeyia odho, pe agea enge. ⁵ Bhayekoli, pa bhaza na ebii taada, bhabhusiando ve mampa. ⁶ Yezu opaga: Emondeleagani na dege ma bha falizeo pe bha saduseo. ⁷ bhayekoli bhabhanda bhemosiaga kati-kati engabhu,pe bhapaga: Nakwate taan'vi mampa. ⁸ Yezu, pa ayibi, apaga: Kwasina mamosiana kati-kati engbanu, bhato bha bhoyambi bhokedhe, nakwate maan'vi mampa? ⁹ Maale goto na mayele te, pe malaale goto mampa metano na bhato enkoto metano pe bhembe bhenga makubinde, ¹⁰ ata mampa sabha na bhato enkoto mine pe bhembe bhenga makumba? ¹¹ Ndenge esisina mayibi goto te kaale nakwa mampa nde nadheli te? Emondeleagani na dege ma bha falizeo pe bha saduseo. ¹² Antinde yia nde bhayibando ete kali nakwa dege ma mampa nde apaginde ete bhemondeleage, kasi nakwa wanisie peesi ya bha falizeo pe bha saduseo. ¹³ Yezu, pa ade a mokili ma Sezareo ma Filipo, omosia bhayekoli bhonge:Bhaga ete menaale kane, me Mi ma moto? ¹⁴ Bhansisiando: Bhaada bhapaga ete we nde Za Mobhatisi, bhadani Elia, bhadani Yelemia, to omoti ma bhaplofeta. ¹⁵ Pe bhino, opagando na bhu, mapaga ete me naale kane? ¹⁶ Simoni Petolo asisia: We Klisto, Mi ma Kuunzi ma bhomoyi. ¹⁷ Yezu, pa ava enzombi ampaga: We edhengeleage, Simo, mi ma Yonasi; nakwate kaale eswi te pe bhango te nde owanisii kwayo, kasi Abame ma ali a engali. ¹⁸ Pe me, n'opaga ete we Petolo, pe agunale lebogo le nde napiandele Lingomba lengame, pe bhedhiya ta engii wa kuwa ka konzendele bhole pekedhe te agunalia ¹⁹ Nopatondele mafungu ma legoto la engali: ye okandeleagandele ase akandeanaga a koogo. ²⁰ Antinde yia opaga na bhayekoli kaa bhapage na moto te ete yi nde Klisto. ²¹ Bhanda wo Yezu abhanda awanisia na bhayekoli bhonge ete akongale ete yi age na Yeluzaleme, awoo empasi obuwa bya bhato bhendeele , bhangangaNzambe pe bhandombe, bhamoo, pe azuzuwibiti ya misato. ²² Petolo, o an'vi na enkpengbe, abhanda an'gbogomeaga, pe apaga: Ka Kuunzi kabhaa, Kumu! Kwayo kakadendele te. ²³ Kasi Yezu pa epaasa, ampaga Petolo: N'angame antinda, Sumui! odele legboma bii engame; nakwate ye olaale kale ye Kuunzi alaale, kasi ya bhato. ²⁴ Ge kwayia ali Yezu apaga na bhayekoli bhonge: O moto abhayi ete alegugi, edhete yi-mamoti, abendee kuluse enge, pee alegugi. ²⁵ Nakwate moto ma abhaandele ete awuusi bhomoyi bhonge awumisaando, kasi mawumisa nakwa engame atananeantondele bhu. ²⁶ Entine sina moto owuusi bhato bhaazu, o yi awumisimolimo monge? to, tomate sina moto apa nakwate awengee molimo monge? ²⁷ Nakwate Mi ma moto akonga ete adu a lekumu la Abee, na bhamodo koogo bhonge; antinde yia nde ampandele moto na moto na ndenge ya ensale onge. ²⁸ Naale namopaga na soolo, bhato bhaada bho bhali wane bhakwindele bhole pekedhe te, nde bhamene Mi ma moto adoo na legoto lenge.