¹ Wa sowou kesumung rumuh watu pumuruntoh Kaisar Tiberius, watu Pontius Pilatus jaji gubono Yudea, Herodes jaji raja Galilea;Filatus abih remin Herodes jaji raja wilayah Iturea ngen Trakhonitis;Ngen Lisanias jaji raja Abilene, ² Hanas ngen Kayafas munjabet subagei imam agung, menuklah sonou Tompo'u ko' Yohanes, enak Zakaria, do ngenu nun tu,atn jukut. ³ Maka, ponulah Yohanes ko' seruruh daerah nun sekite Yordan ngen kunabe baptisan pertobatan unto' ngamput'ng dusa, ⁴ Nun do' tutulis nun wa kiteb Nabi Yesaya:"Ti'lah sonou nya do' megetn-megetn nun tu,atn jukut,'Senieplah jeretn bagi Tompo'u, nujoklah jeretn bagi-yuh. ⁵ Setiep parutn aken dek' untamutn, ngen derut ngen nguk aken dek' ngurata. Jeretn do' bulungko lio', aken dek' nujok, ngen setiep jeretn do' de' rata aken dongureseh. ⁶ Ngen, sumua nya aken ngerujuh keselamatan mesu Tompo'u!"' ⁷ Lalu, Yohanes busonou ngen nya kopa do menuk unto' dobaptis oleh yuh,"Hai mu' kuturutn nyupuh todukn! Esih do ngingetmu' unto' enkebu edu' mu' mesu murka do aken menuk? ⁸ Oleh kurena setn, ngasellah buwou-buwou do nuju pertobatanmu'.Eba' nyonou nengi owak,ngmu' wa dadup,'Abraham edulah oluk babuk emi!'Oku' nyonou ngen mu',semunu'ou mesu -batuh-batuh ti' Tompo'u pantes deket enak-enak bagi Abraham! ⁹ Bakan, mulai mesu ti' kapak meh dasetn nun wa wet koyuh. Setiep koyuh do de' ngasel buwou do paguh aken dek tebukn ngen do totn ko' wa opui." ¹⁰ Sina nya bepesik ko' Yohanes,"Kalou musetn, enih do arus emi noh'ou?" ¹¹ Yuh bujaweb, Setiep nya do biya duwuh bojuh, yuh arus degei ngen nya do de' bubojuh. ngen setiep nya do biya pemaketn, arus ngulaku hal do samoh." ¹² Kuduh ra,ng pengumpu pajak juga menuk unto' dobaptis. Dietn bupesik ko' Yohanes,"Guru, enih do arus emi' noh'ou?" ¹³ Yohanes da'atn ngen dietn,"Eba' narik pajak rebih mesu do meh denontu bagimu'." ¹⁴ Kuduh ra,ng kuntera bupesik ko' yuh,"Mungenih ngen emi'?Enih do arus emi' noh'ou?"Yohanes nyonou ngen dietn,"Eba' sungkou duwet mesu esihpun sucara pasa atou ngen penuduh pulosu. senukuplah edumu' ngen gajihmu." ¹⁵ Watu sumua nya dek ngarep pemenuk Mesias, dietn sumua bupesik-pesik wa asukn tenta,ng Yohanes, apakah yuh Kristus atou bukutn. ¹⁶ Yohanes junyaweb dietn ngen nyonou,"Oku' punamuhmu' ngen pi,itn. Aken tetapi, nya do rebih berkuasa mesu oku' aken menuk. unto' duka' terih solup'ou pun oku de' layak. Yuh aken punamuh mu' nengi Roh Kudus ngen opui. ¹⁷ Alet pungayep meh eduh nun tengen'ou unto' ngureseh rantei pengumpuh ngen unto' gunumpu ganup,ng do paguh ko' wa kaja'ng'ou. Aken tetapi, yuh aken tuntukn buda,ng ko' wa opui do de' aken purou." ¹⁸ Ngen muwou nasehat do bukutn, Yohanes nguraje Injil ko' nya kopa. ¹⁹ Aken tutapi, kurena Yohanes nogu Herodes, raja wilayah, ates hal do noh'ou ngen Herodias, osou abih remin Herodes, ngen kurena sumua hal bi'ak do meh dek noh'ou, ²⁰ maka Herodes namoh ti' ates sumua'ou ngen purut Yohanes ko' wa penjara. ²¹ Watu sumua nya dobaptis, Yesus juga dobaptis. Ngen, watu Yuh budua, rengit tubuka', ²² ngen Roh Kudus munga' ko' tunuh'ou ngerupa manuk merpati. Lalu, eduh suara menuk mesu rengit ngen nyonou,"mu' edulah enakku' do ku' kaseh.Ngen mu'-lah oku' berkenan." ²³ Watu Yesus memulai pelayanan'ou, Mu yuh kura-kura taruh puru' sowou. Nya bupundapet bawa Yesus edulah enak Yusuf. Yusuf enak Eli. ²⁴ Eli enak Matat. Matat enak Lewi. Lewi enak Malkhi. Malkhi enak Yanai. Yanai enak Yusuf. ²⁵ Yusuf enak Matica. Matica enak Amos. Amos enak Nahum. Nahum enak Hesli. Hesli enak Nagai. ²⁶ Nagai enak Maat. Maat enak Matica. Matica enak Simei. Simei enak Yosekh. Yosekh enak Yoda. ²⁷ Yoda edulah enak Yohanan. Yohanan enak Resa. Resa enak Zerubabel. Zerubabel enak Sealtiel. Sealtiel enak Neri. ²⁸ Neri enak Malkhi. Malkhi enak Adi. Adi enak Kosam. Kosam enak Elmadam. Elmadam enak ER. ²⁹ ER enak Yesua. Yesua enak Eliezer. Eliezer enak Yorim. Yorim enak Matat. Matat enak Lewi. ³⁰ Lewi edulah enak Simeon. Simeon enak Yehuda. Yehuda enak Yusuf. Yusuf enak Yonam. Yonam enak Elyakim. ³¹ Elyakim enak Melia. Melia enak Mina. Mina enak Matata. Matata enak Natan. Natan enak Daud. ³² Daud enak Isai. Isai enak Obed. Obed enak Boas. Boas enak Salmon. Salmon enak Nahason. ³³ Nahason edulah enak Aminadab. Aminadab enak Admin. Admin enak Arni. Arni enak Hezron. Hezron enak Peres. Peres enak Yehuda. ³⁴ Yehuda enak Yakub. Yakub enak Ishak. Ishak enak Abraham. Abraham enak Terah. Terah Enak Nahor. ³⁵ Nahor enak Serug. Serug enak Rehu. Rehu enak Peleg. Peleg enak Eber. Eber enak Salmon. ³⁶ Salmon edulah enak Kenan. Kenan enak Arpakhsad. Arpakhsad enak Sem. Sem enak Nuh. Nuh enak Lamekh. ³⁷ Lamekh enak Metusalah. Metusalah enak Henokh. Henokh enak Yared. Yared enak Mahalaleel. Mahalaleel enak Kenan. ³⁸ Kenan enak Enos. Enos enak Set. Set enak Adam. Adam edulah enak Tompo'u.