¹ Pada watu setn, sewatu Yesus gi ngaje'e nya kopa nun Remin Tompou ngen senanpei berita Injil, imem-imem kepala ngen ali-ali Taurat besamoh ngen nya entu'uh menug kok-Yuh. ² Dietn nyonou kok-Yuh, " Nyonou lah kok emi'g nengi kuasa enih ummu'g ngelaku hol-hol ti'i? Atau, esih do jugotn-Mu'g kuasa ti'i?" ³ Jenaweb Yesus kok dietn," Eku'g juga'g aken mesik eduh do aken ku'g pesik kok mu'g. Jenaweblah ⁴ Eku'g, mesu epih asol pabtisan Yohanes? Mesu suruga atau mesu manusia?" ⁵ Dietn ngerunding hol setn ngen sesamoh etn ngen nyonou, "Jika toug jenaweb,'mesu suruga,' Yuh aken Nyonou,' kalau misetn, menih mu'g dek picayou kok Yohanes?' ⁶ Aken tapi, jika toug nyonou,' mesu manusia,' semua nya aken nongkot toug sampei kebeis kerena dietn yakitn bawa Yohanes adalah seurakng nabi." ⁷ Jaji, dietn pun jenaweb bawa dietn nyak puotn mesu epih asol baptisan setn. ⁸ Rimpes setn, Yesus nyonou kok dietn, " kalau minsetn eku'g gi dek aken da'an kok mu'g nengi kuasa enihkah Eku'g ngelaku hol-hol ti'i." ⁹ Lalu, Yesus ngerita perumpama ti'i kok nya kepa, "Eduh nya do puruh angu'r lalu senewa kok petani, dan penu kek negeri do jou'g untok watu do tuwei. ¹⁰ watu musipm ngetupm, yuh budou jungos'og nukok petani-petani setn supaya dietn jugotn dedeg kokyuh mesu hasel kebotn angu'r setn. Aken tapi, para petani setn nyagou jungos setn ngen nencak'og bu ngen yak tebetn enih-enih. ¹¹ Rimpes setn yuh kiripm jungos do bukutn, tapi petani-petani setn gi nyagou jungos setn ngen ngelaku'og ngen hina, lalu nencak'og bu ngen yak tebetn enih-enih. ¹² Lalu, nya do umpu'g kebotn angu'r setn nutus jungos do ketaruh kok para petani setn, tapi petani-petani set gi engketakng jungos do nig ti'i ngen nencak'og ruwoh. ¹³ Nya do umpug kebotn setn nyonou,' Enih do arus eku'g ngelaku? Eku aken kiripm ennakku'g do ku'g kenaseh, mungkin dietn aken ngeromet'og.' ¹⁴ Watu para petani setn ngerijuh ennak nya do umpu'g kebotn, dietn berundikng nig ngen nya do bukutn,' Yuh adalah ali waris nya do umpu'g kebotn angu'r ti'i, beh touk nebeis yuh supaya warisan yuh jaji touk do umpu'g!' ¹⁵ Rimpes setn, dietn pun butetn ennak setn ruwoh mesu kebotn angu'r ngen nebeis'og. Lalu enih do aken ngelaku oleh nya do umpu'g kebotn angu'r setn kok dietn? Yuh aken ¹⁶ binasa petani-petani setn, lalu senewa kebotn kok nya do bukutn." Watu nya kerungoh perumpama ti'i, dietn nyonou," usohlah hol ti'i sampei jaji!" ¹⁷ Aken tapi, Yesus perati dietn ngen nyonou, " kalau misetn, enih reti ayet ti'i: ' Batuh do butotn oleh tukakng benagun meh jaji batuh penjuru'? ¹⁸ Setiep nya do rebu'g nun tunuh batuh setn aken ririh bekupekng-kupekng ngen esih pun do perente'uk batuh setn aken rumok tubu'og!" ¹⁹ Watu ali-ali Taurat ngen para imem kepala sade'r bawa perumpama setn ngumong tentakng dietn, dietn ingin dekup Yesus watu setn gi. Aken tapi, dietn teru kok nya kepa. ²⁰ Rimpes setn, para ali Taurat nintei Yesus ngen kiripm kuduh rakng mata-mata do pura-pura bujoug supaya dietn depud jenebak Yesus ngen mesik supaya dietn depud dekup-Yuh genuna sonou edup -Yuh ngen senerah Yuh kek wakng kuasa ngen wewenang gubeno'r. ²¹ Nya-nya do ngeruntoh setn pun mesik kok Yesus," Guru, emi'g puotn bawa Ummu'g nyonou ngen ngeraje do paguh. Ummu'g gi dek beneda-neda nya, tapi ngaje jeretn Tompou do semunu'og. ²² menih wo' emi'g deg benuleh benayer pajak kok Kaisar atau dek?" ²³ Aken tapi, Yesus puotn kelicikan dietn ngen nyonou kok dietn, ²⁴ "Cuba daan kok eku'g sekupekng diner. Gamer ngen tulis esih ti'i do eduh nun duwet ti'i?" dietn jenaweb, " Gamer ngen tulis Kaisar." ²⁵ Meka, Yesus nyonou kok dietn," Kalau misetn, jugotn kok Kaisar enih do jaji milik Kaisar, ngen jugotn kok Tompou enih do jaji milik Tompou." Ngen ²⁶ minsetn, nya-nya setn dek bisa jenebak Yesus nengi sonou edup-Yuh nun jewi nya kepa; dietn hiren ngen jaweb-Yuh ngen meun'nu. ²⁷ Rimpes setn, menuglah kok Yesus kuduh rakng nya Saduki, yaitu nya do dek picayo ngen eduh kebangkitan, ngen mesik kok-Yuh, ²⁸ "Guru, Musa nulis untok toug, jika nya bedari kebeis, sedangkan yuh eduh esou ngen nyak ennak, purih dodari arus masau ngen janda purih yuh setn noh keturutn untuk yuh. ²⁹ Mun' ti'i, eduh ju'g rakng purih. Purih do petama masou, tapi kebeis nyak ennak. ³⁰ Rimpes setn, purih do keduwuh masou dayukng pun kebeis gi nyak ennak. ³¹ Lalu, purih do ketaruh masou ngen dayukng setn pun hol ti'i tejaji sampei purih do ke ju'g, tapi dietn kebeis nyak ennak. ³² pada aher'og dayukng setn gi kebeis. ³³ Oleh kerena setn, enu penghakiman, esihkah do aken jaji beneuh mesu dayukng setn kerena keju'g purih setn mus masou ngen yuh?" ³⁴ Jaweb Yesus kok dietn," Nya-nya pada zamen ti'i masou ngen kenasou, ³⁵ tapi nya-nya do angep cucok untok depud bagian wakng dunia do aken menug, ngen wakng kebangkitan mesu nya do kebeis, dek aken masou ngen deg kenasou. ³⁶ Dietn dek bisa kebeis agi kerena dietn samoh ngen para meleiket. Dietn adalah ennak-ennak Tompou kerena dietn mus deg bangkit mesu nya do kebeis. ³⁷ Musa meh mus daatn tentakng kebangkitan nya-nya kebeis wakng bagian do encatet tentakng duh berojou do se'u. ³⁸ Yuh bukutn Tompou nya kebeis tapi Tompou nya mudip, kerena semua nya mudip nun jewi-Yuh. ³⁹ Rimpes setn, kuduh rakng ali Taurat nyonou, "Guru, jaweb-Mu'g tepet." ⁴⁰ Ngen, nyak agi nya do pegetn ngaji mesik kok-Yuh. ⁴¹ Baruglah, Yesus nyonou kok dietn, " Men enih bisa nya-nya nyonou bawa Kristus Ennak Daud? ⁴² Padahal wakng kiteb Mazmur,' Tompou Allah/ (Samou) nyonou kok Tuwetnku'g, Guruglah nun sosoh ente'uh-Ku'g, ⁴³ Sampei Eku'g na'a musuh-musuh-Mu'g nun rubou kojou-Mu'g." ⁴⁴ Jika daud nyonou Kristus sebagei 'Tuwetn,' mung enih mungkin Kristus adalah ennak Daud?" ⁴⁵ Watu nya kepa kerungoh, nyonou kok murit-murit-Yuh, ⁴⁶ "Eba'g napeuh tehadep ali-ali Taurat do rou penu nengi jubah emmuh, senang de ngeromot nya nun pase'e, do rou guru'g nun antukng dedatuh nun sinagoge-sinagoge, ngen nun tempet teromot nun pesta-pesta. ⁴⁷ Dietn ngerampes remin-remin nya janda ngen bedua emuh-emuh supaya de ngerijuh nya. Nya-nya mun ti'i pasti aken ngerumou hukupm do lebih beunug."