¹ Sina pemungut pajak ngen nya bedusa senusuk ko' Yesus unto kerungoh'Ou. ² Musetn nya Farisi ngen ahli Taurat mulai mosu', "Nya ti'i ngerumou nya do bedusa nden man besamoh ngen dietn.'' ³ Musetn Yesus nyondou umpama ti'i ko' dietn, Do kuwen'Ou, ⁴ "Esihkah nun antara mu'u do jika umpu' 100 bure'ng domba, ngen meragetn ni'i bure'ng, dex akon kenteg 99 bure'ng do buketn pada'ng belantara? Bukenkah yuh akon bu ya ungou do seset setn sampei yuh doput'Ou? ⁵ Ngen watu yuh doput'Ou, yuh akon topak domba setn nun kowi'ou ngen semanget sukacita. ⁶ Tiba'Ou nun romin, yuh akon doput dungan-dungan ngen tetangga'Ou seta nyondou ko' dietn, 'Bergembiralah besamoh oku'u kerena oku'u meh doput domba ku'u do magetn.' ⁷ Oku'u nyondou ko' mu'u. musetn lah akon oduh sukacita do rebih bas nun surga ates 1 nya bedusa do butobet dari pada musu 99 ura'ng dou do dex benutuh pertobatan. ⁸ Atou dayung opih do umpu' sumeng kupe'ng duwet perak, jika yuh meragetn ni'i kupe'ng nun antara'Ou, udex ungkudip pelita ngen senapu romin'ou, lalu ungou kupe'ng duwet setn ngen tati-tati sampei yuh doput'Ou? ⁹ Ngen apabila yuh doput'Ou, yuh tabou dingan-dingan ngen tetangga'ou ngen nyondou ko' dietn, 'Bergembiralah ngen oku'u kerena oku'u moh doput kupe'ng duwet do magetn setn.' ¹⁰ Oku'u nyondouko' mu'u, musetn gi oduh sukacita nun antara sena malaikat Tompo'u kerena ni'i ura'ng bedusa do butobet." ¹¹ Musetn Yesus nyondou, "Eduh nya umpu' ena duwuh ena dari. ¹² Ena do pengucu' nyondou ko' samou'Ou, 'Bapa, jugotn ko' oku'u penode rota do jaji joku'u.' Mengka, samou'Ou pun dogei rota'Ou ko' keduwuh ena'Ou. ¹³ Udex tuwei musetn, ena penggucu setn genumpu semua nyedu'Ou, lalu bu ko' negeri do jou ngen nun eih lah yuh nambu rota penode edu'Ou setn ngen mudip befoya-foya. ¹⁴ Watu yuh kesik semua'Ou, terjadilah becana seburek do nun negeri setn, ngen yuh pun mulai kekurangan. ¹⁵ Jaji, bu lah yuh ngen kereja ko nya penduduk negeri setn, do bodou ko' umeh nengi jugotn kemaketn pengan'ou. ¹⁶ Yuh ingin ya nisi'i putu'ng'Ou nengi buwou karob do man pengan setn, tapi enya seura'ng pun do jugetn ko'Ou. ¹⁷ Watu ena pengucu' setn sader, yuh nyondou, 'Musetn muwou kereja bapak ku'u do umpu' kemaketn do belimpoh-limpoh, tapi oku'u nun eti'i hampe kobus seburuk. ¹⁸ Oku'u akon mokot negn embarik ko' bapak ku'u. Oku'u akon nyondou ko'Ou: Bapa, oku'u mus bedusa terhadep suga ngen kom'. ¹⁹ Oku'u dex pantes do senobut ena kom', jajikan lah salah seura'ng pekeja kom'.' ²⁰ Mengka, mujou lah yuh ngen bu ko' samou'Ou. Akon tetapi, watu ena setn gi ujou, samou'Ou ngerejuh yuh ngen nyem kesiyetn, samou'Ou setn berumbou lalu topak ngen sundo'Ou. ²¹ Musetn, ena setn nyondou ko' samou'Ou, 'Bapak, oku'u umbeh bedusa tehadep suga ngen nu jowi kom'. Oku udex pantes agi senebut ena kom'.' ²² Pa, samou'Ou setn yondou ko' pelayan-pelayan'Ou, 'Jagu'! tebetn lah jubah do paling paguh lalu bodou yuh nengi'Ou. Ungkasek gi cincitn nun buwou tengen'Ou ngen sandal nun kojou'Ou. ²³ Tobetn geti ena sapi do gomu'u ngen sumuleh. Boh tou man ngen gembira, ²⁴ kerena ena ku'u ti'i umbeh kebus, pa embarik mudip agi! Yuh umbeh magetn, pa sekarang umbeh do doput!' dietn pun mulai gembira," ²⁵ "watu setn, si ena do tayu' tuuh gi wa'ng nun umeh, ngen watu yuh ya nyusuk romin'Ou, yuh kerungoh suara musik ngen tetu'u. ²⁶ Jaji, yuh tabou salah satu pembatu'Ou setn ngen pesik tenta'ng enih do tejadi ti'i. ²⁷ Jaweb pelayan setn ko'Ou, 'sedi'i mu'u umbeh mondu, ngen bapak mu'u semuleh ena sapi do gomu', kerena yuh embarik ngen selamet.' ²⁸ Pa, ena penuuh setn doruh ngen udex ruotn murit sehingga samou'Ou ruwoh ngen benujuk yuh. ²⁹ Akon tetapi, yuh yondou ko' samou'Ou, 'Besowou-sowou oku'u kereja ngen kom' ngen udex ngelangge peritoh kom', pa kom' enya korou jugotn ni'i kombing supaya oku'u encuetn ngen dingan ku'u. ³⁰ Pa, watu ena kom' setn meri'ng umbus kosik rota kom' ngen pelacur-pelacur, kom' semuleh ena sapi do gomu' ngen'Ou.' ³¹ Mengka, samou'Ou jenaweb ko'Ou, 'ena ku'u, mu'u selalu ngen oku'u, ngen semua koyuh do eti'i nyomu'u gi. ³² Pa, ondu ti'i tou harus pesta ngen besukacita sebeb sodi' mu'u kebus, pa yuh mudip agi; yuh umbeh magetn, pa do doput agi.'"