¹ Nun eti'i, edeh kuduh ra'ng nya do nyondou ko' Yesus tenta'ng nya Galilea do doyou dietn senampu Pilatus ngen kubatn pesomboh dietn. ² Jaweb Yesus ko' dietn, "menih mu'u gira nya Galilea ti'i lebih budusa musu nya Galilea do buketn kerena dietn medeita men setn? ³ Oku nyondou ko' mu'u, udex. Akon tetapi, jika mu'u dex butubet, nen semua pun kebus. ⁴ Atou mengenai seme'ng me'i nya do kebus, watu menara nun susek kelom Siloam rebo'u ngen perentik dietn, apakah mu'u kenira dietn nya do budusa do lebih bi'ah musu semua nya do montou nun Yerusalem? ⁵ Oku nyondou ko' mu'u, udex. Akon tetapi jika mu'u de' butubet, nen semua pun akon kebus!" ⁶ Yesus pun nyondou umpama setn: "Eduh nya do umpu'u beta'ng nunuk do puruh nun kobotn anggur'ou. Akon tetapi, watu yuh mondu' ya ngou buwou beta'ng nunuk setn, yuh dex doput'ou. ⁷ Jaji, yuh nyondou ko' tuka'ng kobotn'ou, 'Meh taruh sowou oku'u mondu' ngou buwou beta'ng nunuk ti'i, pa oku gi enya doput ni'i pun buwou'ou. tebu'ng mah beta'ng setn! mengenih harus nyia tanou unto beta'ng koyuh setn?' ⁸ Akon tetapi, tuka'ng kobotn setn jenaweb, 'Tuan, getn lah beta'ng koyuh ti'i kesempetan'ou agi sewou ti'i nengi'ou bebuwou. so'ou oku'u mah gulah tanou ti'i nun sekute'ou ngen jugetn abok, ⁹ mungkin beta'ng setn akon ngasel buwou sowou jowi. kalau dex mah ou bebuwou, Tuan buleh tebu'ng ou." ¹⁰ Watu, Yesus ngeraje wa romin gereja wa'ng onu minggu. ¹¹ Nun eih eduh nya dayu'ng do kusoro'ng roh sehingga bodou'ou menom sampei sumeng me'i sowou. Jaju dayu'ng setn kudu'u bodou'ou ta'u doputn mujou me'n biasa. ¹² Watu Yesus ngerejuh'ou, yuh tabou dayu'ng setn ngen nyondou, "Hei dayu'ng, mu'u meh bebes musu peyakit mu'u. ¹³ " Watu, Yesus deket tengen'ou nun tunuh wa ba' dayu'ng setn ngen watu setn mah, yuh uncuetn mujou mun biasa ngen Punuji Tompo'u. ¹⁴ Akon tetapi, pemimpitn romin gereja setn jaji gegerep kerena Yesus empaguh wa onu minggu. Yuh nyondou ko' nya kopa, "Eduh enum onu nengi kereja. Kerena setn, mendu'lah unto empaguh wa onu ti'i, buketn wa onu minggu." ¹⁵ Pa, Tompo'u jenaweb nya setn, "Mu'u nya munafik! Buken kah nen semua perepes sapi atou keledai nyemu'u umpu'ou do ngkobet nun buwa'ng ngen bodou'ou ruwoh nengi sep pi'it onu minggu? ¹⁶ Kerena setn, dex'kah dayu'ng ti'i, nya keturutn Abraham do ungkebet setetn sume'ng me'i sowou, nengi harus perepes musu medeita setn wa onu minggu?" ¹⁷ Watu Yesus nyondou setn, semua rawen'ou do engkoyou, ngen nya kopa senang ates pebuwet ajaib do no'h ou. ¹⁸ Watu, Yesus nyondou, "Mun eneh kah Kerajaan Tompo'u setn? Nengi eneh kah Oku uncuetn umpama'ou? ¹⁹ Kerajaan Tompo'u setn mun ruwa'ng encawai do nomi' nun kobotn; ruwa'ng setn mudip jaji beta'ng, ngen manuk bia suroi wa danen'ou." ²⁰ Ngen wa yuh nyondou, "Nengi enih kah oku'u umpama Kerajaan Tompo'u? ²¹ Kerajaan Tompo'u ti'i men gure'ng do nomi' dayu'ng ngen senampu'ou wa'ng 3 suket tepu'ng sampei suruh adonan setn kemba'ng.'' ²² Yesus senusu kuta ngen desa, yuh ngeraje ngen torus penu ko' Yerusalem. Lalu, nya pesik ko' ²³ yuh, "Tompo'u, eneh kah hanya decei nya do selamet?" Yesus nyondou ko' dietn semua, ²⁴ "Bejuwa'ng lah unto doput murit musu entuba'tn do sempit; sebeb Oku'u nyondo ko' mu'u, nya kopa akon usaha murit geih, pa dietn udex akon bisa. ²⁵ Kalau nya do umpu romin mujou ngen tupu' entubatn romin'ou, pa mu'u mojou nun sopa' ngen tutou entubatn sambel nyondou, 'Turu'ng duka lah ngen omi.' yuh akon jenaweb, 'Oku'u enya' puotn musu pih nya pih kah nen.' ²⁶ Lalu, mu'u akon jenaweb, 'Omi' ya man ngen nyuem ngen mu'u. Mu'u mah ngaje nun jeretn kuta omi'.' ²⁷ Pa, Yuh akon jenaweb, 'Oku'u edex kenel mu'u ngen enya' puotn musu opih kah mu'u. Bu musu jowi ku'u, nen semua nya do bi'a!' ²⁸ Mu'u akon sietn ngen numpa' jupeh watu ngerejuh Abraham, Ishak, ngen Yakub, seta semua nabi ngunu nun wa'ng Kerajaan Tompo'u sementara do mu'u nongko't ko' sepa'. ²⁹ Watu, nya akon mondu' musu timur ngen barat, ngen musu utara ngen selatan. dietn akon nguru'u ngen man nun wa'ng Kerajaan Tompo'u. ³⁰ Sesunggu'ou, nya do terakir akon jaji do petama ngen nya petama do jaji akon do terakir." ³¹ Watu setn, kuduh nya Farisi mondu' ko' Yesus ngen Nyondou, "Bu lah, konte antu'ng ti'i kerena Herodes ya nebus mu'u." ³² Yesus jenaweb dietn, "Bu lah ngen nyondou ko' munca'ng setn, 'Onu ti'i ngen tupagi, Oku akon nuser roh do bi'a ngen empaguh nya, ngen onu ke taruh, Oku'u akon nyelesei kereja ku.' ³³ akon tetapi, Oku'u harus ngelanjut ponu onu ti'i, nu pagi, ngen tupagi si'ih kerena dex mungkin seura'ng nabi kebus nun sepa' Yerusalem. ³⁴ Yerusalem, Yerusalem! Mu'u nebus sena nabi ngen nongkotn nengi batuh nya do nutus ko' mu'u ! Beulang kali oku'u kesaru'u ngen ena' mu'u, samoh mun sunu' siyep do genumpu ena'ou nun segan sayep'ou. Akon tetapi, mu'u go'o. ³⁵ Mati'i romin mu'u akon do kenosong ngen jaji sugi'i. Oku'u nyondou ko' mu'u, "Mu'u udex akon ngerejuh Oku'u agi' sampei watu'ou mondu mu'u akon nyondou, 'do bereket lah yuh do mondu' wa'ng genen Tompo'u!"