¹ Titi'u, tenta'ng pumenug Tompo'u to'u Yesus Kristus, ngen watu do sunudoh'ou to'u busamoh ngen Yuh, omi'u nyungko'u ngen mu'u, Purih-purih ² agoe mu'u de' jagu'u bungung nun wa'ng pumuke mu'u atou de' tenang watu kurungoh bawa on'u Tompo'u moeh menug, mun musu sumengi atou pusutn atou surot do suulah-ulah musu omi'u. ³ Soh bunuyor seura'ng pun nyosot mu'u nengi cara enih ja. Sobob, on'u setn de' akon menug subayuh kede'patuh menug ngen musia bi'a' do nampa' nun ena' pungancur, ⁴ do ngurawotn ngen pudatuh odup'ou turadop sumua do sunobut tompou pulosu ato do sunomoh nya; ngen yuh akon nemi' sunun nengi nguru'u nun Romin Tompo'u ngen umpayatn odup'ou subagei Tompo'u. ⁵ Komutkah mu'u bawa watu oku'u gi'e busamoh ngen mu'u, oku'u nyono'u hoel ti'i ngen mu'u? ⁶ Titi'u, mu'u pu'otn do untadn yuh singa ba'uh nun suwoh on'u mati'u, yuh akon do payatn. ⁷ Sobob, rahasia duraka moeh bekereja, anya yuh do titi'u untadn'ou akon totop untad'ou sampei yuh do sunungker. ⁸ Mus setn, musia bi'a' setn akon do payatn. Pa', Tompo'u akon nebus yuh nengi napos bobo'Ou ngen napus'ou nengi pumenug-Yuh. ⁹ Pumenug musia do bi'a' setn akon susuai ngen kereja sutodn, do sereta ngen sgala macopm kumampu, tanu'u-tanu'u aneh, ngen mujijat-mujijat pulosu; ¹⁰ ngen sumua tipuan bi'a' unto' dietn do akon bunasa kerena dietn nula' unto' kunaseh kumunu'ou do dopud nyulamot dietn. ¹¹ Kerena setn, Tompo'u kiripm punyosot do hebot nun tunuh dietn agoe dietn pucayo'u ngen kupubula'u, ¹² singa dietn sumua dopud do ngadot, mun dietn do de' pucayo'u ngen kumunu'u ngen senang ngen kubi'a'. ¹³ Purih-purih do kunaseh Tompo'u, omi'u arus sulalu busukur ngen Tompo'u unto' mu'u. Sobob, Tompo'u moeh punirih mu'u musu miradn unto' do nyulamot luwot do nguroseh Roh ngen imon do kemunu'u'ou. ¹⁴ Unto' setn lah Tompo'u tabo'u mu'u luwot Injil do omi'u kunaboe agoe mu'u dopud kemuliaan Tompo'u to'u, Yesus Kristus. ¹⁵ Jaji, Purih-purih, mujoglah gurumuh ngen toguhlah pungajoe-pungajoe do moeh do ngajoe ngen mu'u, luwot sono'u-sono'u ngen luwot sono'u do tutulis. ¹⁶ Titi'u, sukira'ou Tompo'u to'u, Yesus Kristus, dadup ngen Tompo'u Samo'u to'u, do moeh kunaseh to'u ngen jugotn to'u pungibur kokoel ngen pungarop do paguh luwot punyugotn, ¹⁷ ngibur ngen kunuwot toi mu'u nun wa'ng sutiyop kereja ngen punyono'u do paguh.