¹ Laka na,Yesus limimpin Roh ka padang belantara ntuk licobai Iblis. ² Lalu,Ia bepuasa ampat puluh ari wan empat puluh malam,laka na Ia na pun lapar. ³ Lalu,ataklah ia,nang ncobai na,wan bekata ka Yesus,"Kalo Kau Anak Allah,prentahlah supaya batu-batu ntu njadi roti." ⁴ Tapi,Ia njawab wan bakata,"Ada tetulis,'Ukat kae'na roti na keleno idup,tapi kae'na satiap firman nang kaluar lewat molon Allah."' ⁵ Laka na,Iblis maba-Ya kakota suci wan naroh-Ya ka puncak Bait Allah, ⁶ lalu bakata ka Ia,"jika Kau Anak Allah,kerajutlah diri-Kau ka koroh kae'na ada tetulis:'tentang Kau,Allah marentah malekat-malekat-Ya wan ngangkan Kau ka atas langan mpu'ya supaya batis-Kau angin kesingkak ka batu." ⁷ Yesus bekata ka iya,"Sekali agi,ada tetulis,'Kau usah ncobai Tuhan Allahmu."' ⁸ Sekali agi,Iblis maba Yesus ka atas gonong nang kuan tinggi wan nyuruh nele ka-Ia babis kerajaan dunia wan kemegahannya, ⁹ Lalu bekata ka-Ia,"Babis ntu aku mere ka-Kau,kalo Kau kesungkap wan nyembahku." ¹⁰ Laka na,Yesus bekata ka ia,"Darilah,Iblis!Ada tetulis,'Kau harus nyambah Tuhan Allahmu wan ka-Ia ja kau beribadah."' ¹¹ Laka na,Iblis napuk Ia,wan telelah malekat-malekat atak ntuk ngelayan Ia. ¹² Lalu,wak'tu Yesus nangar bahwa Yohanes dah linabgkak,Ia dari ka Galilea. ¹³ Ia napuk Nazaret wan atak wan napuk ka Kapernaum,ka penger dano,ka perbatasan Zebulon wan Naftali, ¹⁴ Supaya liganapi ape nang limadah Nabi Yesaya: ¹⁵ "Tanah Zebulon wan tanah Naftali,jalat danau,ka sebrang Yordan Galilea wilayah orak-orak ukat Yahudi, ¹⁶ bangsa nang diap ka tampan nang patak nele Tarang nang aya,wan bagi mpu'ya nang diap k negri wan dalap dalap bayang-bayang kematian,tarang na dah terbit ¹⁷ Dari wak'tu na,Yesus mbole bekotbahwan bekata,"Betobatlah kae'na Kerajaan Surga udah samak!" ¹⁸ Wak'tu Yesus bejalat ka penger danau Galilea,Ia nele dua denyadi,yakna Simon nang lisabun Petrus,wan Andreas,dua nyadi ya,gik ngintar jala ka danau sabab mpu'ya adalah penjala ikat. ¹⁹ Lalu,Ia bekata ka mpu'ya,"Nang nuna Aku wan Aku nyuruh kau penjala Manusia." ²⁰ Mpu'ya langsong napuk jala-jala ya wan nuna Ia ²¹ Lalu,wak'tu ampus dari sana,Ia nele dua nyadi nang lain,Yakobus anak Zebedeus wan Yohanes,dua nyadi ya.Mpu'ya gik kadalap perau ngan Zebedeus,ama mpu'ya,gik mbaik jala-jala ya.Lalu,Ia nyaru mpu'ya. ²² Lalu,mpu'ya langsong napuk perau wan ama mpu'ya,lalu nuna Yesus. ²³ Laka na, Yesus kelilik ka babis daerah Galilea,ngajar ka sinagoge-sinagoge,wan nyambuh babis macam penyakin,lalu babis kajak sakin k ntara banyak orak. ²⁴ Lalu,breta tentang-Ya tesabar sampai ka babis Siria.lalu,mpu'ya maba kapada-Ia babis orak sakin nang nderita bemacam penyakin wan rasa sakin,wan nang kerasukan antu,nang sakin ayan,wan nang mongkok,wan Ia nyambuh mpu'ya. ²⁵ Rombong orak rami orak banyak dari Galilea,Dekapolis,Yerusalem,Yudea,wan dari barak'an Yordan wan nuna Ia