¹ Pọ́ọ̀lù, òǹdè Krístì Jésù àti arákùnrin náà Tímótì, sí Fílímónì, ọ̀rẹ́ wa ọ̀wọ́n, ² àti sí Áfíià arábìnrin wa, àti sí Ákkíppúsì ẹgbẹ́ ọmọ ogun wa àti sí ìjọ tí ńpàdé nínú ilé rẹ̀. ³ Kí oreọ̀fẹ́ kí o bá ọ ati àláfià láti ọ̀dọ̀ Ọlọ́run Baba àti Jésù Krístì Olúwa ⁴ Mo sábà máa ńdúpẹ́ lọ́wọ́ Ọlọ́run mi. Mo ńdarukọ rẹ ninú àwọn àdúrà mi. ⁵ Mo ti gbọ́ nípa ìfẹ́ àti ìgbàgbọ́ ti o ní nínú Krístì Jésù Olúwa, àti sí gbogbo àwọn onígbàgbọ́ ⁶ Mo gbàdúrà wípé kí ìbásepọ̀ igbàgbọ́ rẹ le jáfáfá fún ìmọ̀ ohun rere gbogbo ti´ ó wà láàrin wà nínú Krístì. ⁷ Nítorí mo ti ní ayọ̀ àti ìtùnú púpọ̀ nitorí ìfẹ́ rẹ, nítorí ọkàn gbogbo àwọn onígbàgbọ́ ni ó ti di sísọjí nípasẹ̀ rẹ, arákùnrin. ⁸ Nítorínáà, bí ó tilẹ̀ jẹ́ wípé mo ní ìgboyà nínú Krístì láti pàsẹ ohun tí ó yẹ kí o se, ⁹ Síbẹ̀, nítorí ìfẹ́, mo kúkú pàrọwà - Èmi Pọ́ọ̀lù, àgbàlagbà, àti nísinsìnyí, ẹlẹ́wọ̀n fun Krístì Jésù. ^{12 10} Mo n bi ọ léèrè nípa ọmọ mí, Ónésímù, ẹnití mo se baba fún nínú ẹ̀wọ̀n mi. ¹¹ Nígbàkanrí, kò wúlò fún ọ, sùgbọ́n nísinsìnyí, ó wúlò fún ìwọ àti èmi. Mo ti rán an padà sí ọ, òhun ni ọkàn mi gangan. ¹³ Ó wùmí kí ó wà ní ọ̀dọ̀ mi; ki o lee ma sisẹ́ fún mi, nígbàtí mo wà nínú ẹ̀wọ̀n nítorí ìyìnrere. ¹⁴ Ṣùgbọ́n n kò fẹ́ se ohunkóhun láì tíì gba ìyọ̀nda rẹ. N kò fẹ́ kí ohun rere tí o se kí o di tipátipá, bíkòse tìfẹ́tìfẹ́. ¹⁵ Bọ́yá nítorí ìdí èyí ni ó se yapa kúrò lọ́dọ̀ rẹ fún ìgbà diẹ, kí iwọ kí o leè tún ní hin padà laílaí. ¹⁶ Kii se ẹrú fún ọ mọ́, o sàn ju ẹrú lọ, ẹnití íse olùfẹ́ arákùnrin, pàápàá fún èmi, àní ju bẹ́ẹ̀ lọ fún ọ pẹ̀lú, kódà nínú ara àti nínú Olúwa. ¹⁷ Nítorínáà bí ìwọ́ bá gbà mí gẹ́gẹ́bí akẹgbẹ́, gbàá gẹ́gẹ́bí èmi. ¹⁸ Bí o bá ti sẹ̀ ọ́, tàbí jẹ ọ́ ní gbèsè ohunkóhun, kàá sí mi lọ́rùn. ¹⁹ Èmi Pọ́ọ̀lù ni o fi ọwọ ara mi kọwe, emi yoo san an pada fun ọ. N ko fẹẹ sọ fun ọ wipe iwọ funrarẹ jẹ ajigbese si mi. ²⁰ Bẹ́ẹ̀ni, arákùnrin, se ojúrere sí mi nínú Olúwa; fún ọkàn mi ni ìsinmi nínú Krístì. ²¹ Mo gbẹ́kẹ̀lé ìgbọràn rẹ, mo kọ̀wé sí ọ. Mo mọ̀ wípé oó se ju ohun tí mo béèrè lọ. ²² Bákannáà, sèètò yààrá àlejò mi, nítorí mo ni ìrètí, pẹ̀lú àwọn àdúrà rẹ, a o da mi padà fún yín. ²³ Épáfrásì ẹlẹ́wọ̀n pẹ̀lú mi nínú Krístì ń ki yín. ²⁴ Bẹ́ẹ̀ ni Máàkù, Árístárkúsì, Déémà, àti Lúùkù, àwọn alábasisẹ́pọ̀ fún mi. ²⁵ Kí oorèọ̀fẹ́ Jesu Kristi Olúwa wa kí ó wà pẹ̀lú ẹ̀mí rẹ, àmín.