¹ Ní àkókò náà, àwọn ọmọ ẹ̀yìn wá sọ́dọ̀ Jésù wọ́n sì wípé, "Taani o tóbijùlọ ní Ìjọba Ọ̀run?" ² Jésù pe ọmọdé kan sí ọ̀dọ ara rẹ̀, ó gbé e sí ààrin wọn ³ Ó sì wípé "lóòótọ ni mo wí fun yín, bíkòṣe pé ẹ bá yípadà kí ẹ sì dàbí àwọn ọmọdé, ẹ kò lee wọ ìjọba òrun rárá." ⁴ Nítorí náà, ẹni tí ó bá rẹ ara rẹ̀ sílẹ̀ bí omo kékeré yìí ni ó ga jù ní ìjọba ọ̀run. ⁵ Ẹnikẹ́ni tí ó bá fi ààyè gba omo kékeré kan bí èyí ní orúkọ mi gbà mí. ⁶ Ṣùgọ́on ẹnikẹ́ni tí ó bá mú kí ọ̀kan nínú àwọn kékeré yìí tí ó gbàgbọ́ nínú mi dẹ́ṣẹ̀, kòbá sàn kì wọ́n so òkúta ọlọ ńlá mọ́ ọ lọ́rùn, kí wọn sì rì í sí ìsàlẹ̀ òkun. ⁷ Ègbé ni fún ayé nítorí àwọn ìgbà ìsubú! Nítorí àwọn ìgbá náà kòle ṣe àìwá, ṣùgbẹọ́n ègbé ni fún ẹni tí àwọn ìgbà wọ̀nyí ti ipaṣẹ̀ rẹ̀ wá! ⁸ Tí ọwọ́ rẹ tàbí ẹsẹ̀ rẹ bá mú ọ ṣubú, gé e dànù kí o sì jùú sọnù. Ó sàn fún ọ kí o wọ inú ìyè ní aláàbọ̀ ara jù kí wọ́n jù ọ́ sínú iná ayérayé pẹ̀lú ọwọ́ mééjèjì àti ẹsẹ̀ mééjèjì. ⁹ Tí ojú rẹ yóò bá gbé ọ ṣubú, yọ ọ́ jáde kí o sì jù ú sọnù. Nítorí ó sàn fún ọ láti wọ inú ìyè pẹ̀lú ojú kan jù kí wọ́n jù ọ́ sínú iná ayérayé pẹ̀lú ojú méjèjì . ¹⁰ Rí i dájú wípé o kò fi ojú kéré èyíkéyìí nínú àwọn kékeré wọ̀nyí. Nítorí mo wí fún yín wípé ní ìjọba ọ̀run àwọn áńgẹ́lì wọn ń wo ojú Bàbá mi tí Ó wà ní ọ̀run. ¹¹ Nítorí ọmọ èníyàn wá láti gba àwọn tí ó sọnù là. ¹² Kínni èrò yín? Tí ẹnikẹ́ni bá ní ọgọ́rùn ún àgùtàn, tí ọ̀kan nínú wọn bá ṣì sọnù, ṣé òun kí yóò fi àwọn ọ̀kàndílọ́gọ́rùn ún náà sílẹ̀ kí ó ṣì wá èyí tí ó sọnù lọ? ¹³ Tí ó bá rí i, lóòótọ́ ni mo wí fún yín, òun yóò yọ̀ lórí rẹ̀ jù lórí àwọn ọ̀kàndílọ́gọ́rùn ún tí kò sọnù lọ. ¹⁴ Bákan náà, kìíṣe ìfọ́ Bàbá yín tí Ó wà lọ́run pé kí ọ̀kankan nínú àwọn kékeré wọ̀nyí ṣègbé. ¹⁵ Tí arákùnrin rẹ bá ṣẹ̀ ọ́, lọ bá a kí o sì sọ àsìṣe rẹ̀ fún un, láàrin òun àti ìwọ nìkan. Tí ó bá gbọ́ tìrẹ, ìwọ yóò ti gba ọkàn arákùnrin rẹ sí ọ̀dọ̀ ara rẹ. ¹⁶ Ṣùgbọ́n tí kò bá gbọ́ tìrẹ, mú ẹnìkan tàbí méjì lẹ́yìn, kí á le fi ìdí ọ̀rọ̀ gbogbo múlẹ̀ lẹ́nu ẹlẹ́rìí méjì tàbí mẹ́ta. ¹⁷ Tí ó bá ṣí kọ̀ síbẹ̀ láti gbọ́ tiwọn, ẹ sọ ọ̀rọ̀ náà fún ìjọ. Tí ó bá ṣì tún kọ̀ láti gbọ́ ti ìjọ, ẹ jẹ́ kí ó jẹ́ sí yín bí kèfèrí àti agbowó òde. ¹⁸ Lóòótọ́ ni mo wí fún yín, ohun kohun tí ẹ̀yin ba dè ní ayé ni a yóò dè lọ́run; àti ohun kohun tí ẹ̀yin bá tú láyé ni a ó tú lọ́run. ¹⁹ Bẹ́ẹ̀ni mo tún wí fún yín, bí ẹni méjì nínú yín bá fi ohùn sọ̀kan ní ayé lórí ohun kohun tí ẹ̀yin bá bèèrè, Bàbá mi tí n bẹ lọ́run yóò ṣe é fún wọn. ²⁰ Nítorí, ibi tí ẹni méjì tàbí mẹ́ta bá kójọ ní orúkọ mi, èmi wà níbẹ̀ láàrin wọn. ²¹ Nígbà náà ni Pétérù wá ó ṣì wí fún Jésù pé, "Olúwa ìgbà mélòó ni arákùnrin mi yóò ṣẹ̀ mí tí èmi yóò ṣì dáríjìn? Ṣé ìgbà méje?" ²² Jésù wì fun pé "èmi kò sọ fún ẹ pé ìgbà méje, ṣùgbọ́n títí dé ìgbà àádọ́rin méje. ²³ Nítorí náà ìjọba ọ̀run dà bí Ọba kan tí ó fẹ́ ṣe ìṣirò pẹ̀lú àwọn ìránṣẹ́ rẹ̀. ²⁴ Bí ó ṣe bẹ̀rẹ̀ ìṣirò náà, wọ́n mú ọ̀kan nínú àwọn ìránṣẹ́ rẹ̀ wá tí ó jẹ ẹ́ ní ẹgbẹ̀rún mẹ́wàá tálẹ́ńtì. ²⁵ Ṣùgbọ́n nítorí kò ní ọ̀nà láti san án padà, ọ̀gá rẹ̀ pàṣẹ kí wọ́n tà á, pẹ̀lú ìyàwó àti àwọn ọmọ rẹ̀, àti ohun gbogbo tí ó ní, láti le san gbèsè rẹ̀. ²⁶ Nítorí náà ni ìranṣẹ́ náà ṣubú lulẹ̀, ó dọ̀bálẹ̀ ní iwájú rẹ̀, ó ṣì wípé, 'ọ̀gá, ẹ mú sùúrú fún mi, èmi yóò ṣì san gbogbo owó yín." ²⁷ Nítorí náà ọ̀gá ìránṣẹ́ náà, Nítorí tí àánú ṣe é, ó tú u sílẹ̀ ó ṣì dárí gbèsè rẹ̀ jì. ²⁸ Ṣùgbọ́n ìránṣẹ́ náà jáde lọ ó ṣì rí ọ̀kan nínú àwọn ìránṣẹ́ akẹgbẹ́ rẹ̀, tí ó jẹ ẹ́ ní ọgọ́rùn ún dénárì. Ó mú u so, ó gbamú ní gògóńgò ọrùn, ó ṣì wípé 'San ohun tí o jẹmi fún mi.' ²⁹ Ṣùgbọ́n ìránṣẹ́ akẹgbẹ́ rẹ̀ ṣubú sílẹ̀ ó ṣì bẹ̀ ẹ́, wípé 'mú sùúrù fún mi, èmi yóò san án fún ẹ padà.' ³⁰ Ṣùgbọ́n ìránṣẹ́ àkọ́kọ́ náà kọ̀. Dípò bẹ́ẹ̀, ó lọ ó ṣì sọ ọ́ sínú túbú títí di ìgbà tí yóò fi san ohun tí ó jẹ. ³¹ Nígbà tí àwọn ìránṣẹ́ akẹgbẹ́ rẹ̀ yókù rí ohun tí ó ṣẹlẹ̀, ó bàwọ́n nínú jẹ́. Wọ́n wá, wọ́n ṣì sọ fún ọ̀gá wọn ohun gbogbo tí ó ṣẹlẹ̀. ³² Nígbà náà ni ọ̀gá ìránṣẹ́ náà pè é, ó ṣì wí fún un, 'ìwọ ìránṣẹ́ búburú, mo dárí gbogbo gbèsè náà jín ọ́ nítorí wípé o bẹ̀mí. ³³ Ǹjẹ́ kò yẹ kí ìwọ ti ṣàánú fún ìránṣẹ́ akẹgbẹ́ rẹ, gẹ́gẹ́ bí mo ti ṣàánú fún ọ?' ³⁴ Ọ̀gá rẹ̀ bínú ó ṣì fi í le àwọn afìyàjẹni títí yóò fi san ohun gbogbo tí ó jẹ. ³⁵ Bẹ́ẹ̀ gẹ́gẹ́ ni Bàbá mi tí ḿbẹ lọ́run yóò ṣe fún yín, bí ẹni kọ̀ọ̀kan yín kò bá dárí jin arákùnrin rẹ̀ láti ọkàn yín."