¹ Lẹ́yìn ijọ́ mẹ́fà Jésù mú pẹ̀lú rẹ̀ Pétérù, àti Jákọ́bù, àti Jòhánù arákùnrin rẹ̀, ó sì mú wọn wá sí orí òkè gíga kan fún ra wọn. ² A yi ní ara padà níwájú wọn. Ojú rẹ̀ si tàn bí òòrùn, asọ rẹ̀ si yọ bí ìmólẹ̀. ³ Sì kíyèsi, Mose àti Elijah yọ sí wọn nwọn ń bá a sọ̀rọ̀. ⁴ Peteru dáhùn ó sì wí fún Jésù pé, Olúwa, ó dára fún wa láti wà ní ìhín. Bí ìwọ bá fẹ́, èmi yóò pa àgọ́ mẹ́ta síhǐn- ọ̀kan fún ọ, àti ọ̀kan fún Mósè, àti ọ̀kan fún Èlíjàh ⁵ Nígbà tí ó sì ń sọ̀rọ̀, sìkíyèsi, àwọsánmà dídán ṣìji bò wọ́n, sì wò ó, ohùn kan ti àwọsánmà wá, tí ó wípé, "Èyí ni àyànfẹ́ Ọmọ mi, ẹnití inú mi dùn sí gidigidi. Ẹ mã gbọ́ tirẹ̀. ⁶ Nígbàtí àwọn ọmọ-ẹ̀hìn rẹ̀ gbọ́, wọ́n da ojú wọn bo lẹ̀, ẹ̀ru sì bà wọ́n gidigidi. ⁷ Jésù si wá ó fi ọwọ́ kàn wọ́n ó sì wípé, "Ẹ dìde, ẹ sì má bẹ̀rù. ⁸ Nígbànǎ nwọ́n sì gbé ojú wọn sókè, wọọn kò rí ẹnìkan bíkòṣe Jésù nìkan. ⁹ Bí wọ́n ti ń sọ̀kalẹ̀ láti orí òkè, Jésu pàsẹ fún wọn, ó wípé, Ẹ má ṣe sọ̀rọ̀ ìran yî fún ẹnikẹ́ni títí Ọmọ Ènìyàn yóó fi jíǹde nínú òkú. ¹⁰ Àwọn ọmọ ẹ̀yìn rẹ̀ sì bi í lěrè, wípé, "Êse tí àwọn akọ̀wé ha fi wípé, Èlíjàh ni kí ó kọ́kọ́ dé? ¹¹ Jésù dáhùn ó wí pé, Elijah yóò wá nítòótọ́ yí ò sí mú ohun gbogbo padà bọ̀ sípò. ¹² Ṣùgbọ́n mo wí fún yín, Èlíjàh ti lẹ̀ wá ná, Ṣùgbọ́n wọn kò dá a mọ̀. Dípò, wọ́n se ohun tí ó wù wọ́n sí i. Ní ọ̀nà kannáà, ọmọ Ènìyàn yóò jìyà ní ọwọ́ wọn. ¹³ Nígbà ná ni ó yé àwọn ọmọ ẹ̀yìn wípé àwọn ni ó ń bá wí nípa Jòhánù onítẹ̀bọmi. ¹⁴ Nígbà tí wọ́n dé ọ̀dọ̀ àwọn ènìyàn, okùnrin kan wá sí ọ̀dọ̀ rẹ̀, ó wólẹ̀ ní iwájú rẹ̀, ó sì wípé, ¹⁵ Olúwa, sàánú fún ọmọkùnrin mi, nítorí tí ó ní wárápá ó sìn ń joró gidigidi. Nítori ó ma ń sábà subú sínú iná tàbí omi. ¹⁶ Mo mu wá sí ọ̀dọ̀ àwọn ọmọ ẹ̀yìn rẹ, ṣùgbọ́n wọn kò le wò ó sàn. ¹⁷ Jésù sí dáhùn ó wípé, "ìran aláìgbàgbọ́ àti alárekérekè, bá wo ni èmi ó bá ti bá yín gbé pẹ́ tó? èmi ó sì ti mú sũrù fún yín pẹ́ tó? Gbé ọmọ náà tọ̀ mí wá níhǐn. ¹⁸ Jésù sí bá ẹ̀mí èsù náà wí, ó sì jáde kúrò lára rẹ̀ a sì mú ọmọ náà láradá láti wákàtí náà. ¹⁹ Nigbànâ ni àwọn ọmọ èyìn Jésù tọ̀ ọ́ wá lẹ́yìnwọ́n sì wípé, Ẽṣe tí awa kò fi le lé e jàde? ²⁰ Jésù sí wí fún wọn pé, "Nítorí ìgbàgbó yín tí ó kéré ni. Lótǐtọ́ ni mo wí fún n yín, bí ẹ̀yin bá ní ìgbàgbọ́ bí i wóró irúgbìn mústárdì, ẹ̀yin ó wì fún òkè yí pé, Ṣí níhǐn lọ sí ọ̀hún, yíò sì ṣí; kò sì sí ohun tí yíò sòro se fún yín. ²¹ irú ẹ̀mí èsù yí kò le jáde bíkòse nípa àdúrà àti àwẹ̀. ²² Nígbà tí wọ́n dúró ní gálilì, Jésù wí fún àwọn ọmọ ẹ̀yìn rẹ̀ wípé, " A ó fi ọmọ ènìyàn lé àwọn ènìyàn lọ́wọ́, ²³ wọn yíò sí paá, ní ọjọ́ kẹta yíò sì jí dìde. "Àwọn ọmọ èyìn sí bínú gidigidi. ²⁴ Nígbàtí wọ́n dé Kapernaumu, àwọn okùnrin tí ó ń gbà àbọ̀-shékélí owó orí wásí ọ̀dọ̀ Peteru wọ́n sì wípé, "sé olùkọ́ yín kìí san olukọ nyin ki àbọ̀-shékélí owó orí ni"? ²⁵ Ó wípé, "Bẹ̌ni". Ṣùgbọ́n nígbàtí Peteru sì wọ inú ilé, Jésù kọ́kọ́ bá sọ̀rọ̀ ówí pé, "Kíni ìwọ́ rò, Simoni? Lọ́wọ́ tani àwọn ọba ayé ti ń gba owó orí tàbí ìṣákọ́lẹ̀? Lọ́wọ́ àwọn ẹmẹ̀wà tàbí àlejò? ²⁶ Nígbàtí Pétérù wípé, "Lọ́wọ́ àlejò," Jésù wí fún n pé, " A yọ àwọn ẹmẹ̀wá láti má san owó ná ²⁷ Ṣùgbọ́n kí a má se mú kí àwọn agbowó òdẹ dẹ́sẹ̀, lọ sí etí òkun, ju àwọ̀n sí i, kí o sì mú eja tí ó bá kọ́kọ́ jáde. Bí o bá ti la ẹnu rẹ̀, wâ rí shékẹ́lì kan, mú u kí o sì fún àwọn agbọwó orí fún èmi àti ìwọ.