¹ Nígbà náà, Jésù gba ọ̀nà oko ọkà kọjá lọ́jọ́ sábátì, ebí sì ń pa àwọn ọmọ èyìn rẹ̀. Wọ́n sì ń ré orí okà láti jẹ. ² Ṣùgbón nigbà tí àwọn Farisí rí èyí, wọ́n sọ fún Jésù, "wò ó, àwọn ọmọ ẹ̀yìn rẹ ń se ohun tí kò bá òfin mu lọ́jọ́ Sábátì". ³ Jésù sọ fún wọn, "ṣé ẹ̀yin kò tíì ka ohun tí Dáfídì se, nígbà tí ebi ń paá àti àwọn ọkùnrin tí ó wà lọ́dọ̀ rẹ̀ ⁴ Ó lọ si ile Ọlọ́run, ósì jẹ àkàrà tíó wà ní ibi pẹpẹ, èyí tí kò bá òfin mu fún àwọn ọkùnrin rẹ̀, ṣùgbọ́n fún àwọn àlùfa nìkan. ⁵ Ṣé ẹ̀yin kò tíì ka nínú òfin ni, pé àwọn àlùfáà nínú tẹ́mpìlì ba ọjọ́ ìsinmi jẹ́, ṣùgbọ́n wọn kò ní ẹ̀bi? ⁶ Ṣùgbọ́n mo sọ fún yín, ẹni tíó ju tẹ́ḿpìlì lọ ti wà níbí. ⁷ Tí ẹ̀yin bá mọ ìtunmọ̀ èyí 'àánú ni mo fẹ́, kìí se ebọ', ẹ kò ní dá aláìṣẹ̀ lẹ́bii ⁸ nítorí ọmọ ènìyàn ni Olúwa Sábàtì." ⁹ Nígbà náà ni Jésù sì kúrò níbẹ̀, ó sì lọ sí inú sínágọ́gù wọn ¹⁰ Sì wòó, ọkùnrin kan wà tí ó ní ọwọ́ ríro, àwọn Farisí sì bi Jésù, wípé,"ṣé ó bá òfin mu láti wòsàn ní ọjó Sábátì" kí wọ́n le baà ka ẹ̀ṣẹ̀ sí I lọ́rùn. ¹¹ Jésù sì sọ fún wọn wípé, "irú ọkùnrin wo nínú yín ni tí ó bá ní àgùtàn kan, tí àgùntàn yìí sì kósí kòtò tó jìn lọ́jọ́ Sábàtì, ni kò ní gbá a mú, kó sì fàá jááde? ¹² Mélo-mélo ni ènìyàn jẹ́ iyebíye ju àgùtàn lọ. Nítorínà, ó bá òfin mu látii se nkan rere lọ́jọ́ ọ Sábàtì". ¹³ Jésù sì sọ fún ọkùnrin náà, "na ọwọ́ rẹ", ó nà á, ósì padà sí ipò, bí ọwọ́ ìkejì ¹⁴ Àwọn Farisí sì jáde láti lọ dí ọ̀tẹ̀ mọ́ ọ. Wọ́n gbèrò bí wọn yóò se paá. ¹⁵ Bí Jésù ṣe mọ èyí, ó yẹ ara kúrò níbẹ̀. Ènìyàn púpọ̀ tẹ̀le, ó sì wo gbogbo wọn sàn ¹⁶ Ó pàṣẹ fún wọn pé kí wọ́n máṣe fi òun hàn fún àwọn míràn, ¹⁷ kí ohun tí a ti ẹnu wòlíì Àìsáyà sọ lè ṣẹ, wípé, ¹⁸ "wo, ìráńṣẹ́ mi tí mo ti yàn; àyànfẹ́ mi, ẹni tí ọkàn mi yọ́ sí. Èmi yóò fi ẹ̀mí mi sínú rẹ̀, yóó sì se ìdájọ́ àwọn kèfèrí. ¹⁹ Kò ní ṣaápọn tàbí fi igbe ta a, ẹnikẹ́ni kò ní gbọ́ ohùn rẹ̀ ní òde ²⁰ yóò ní àánú fún àwọn aláìlera, yóò sì ṣe pẹ̀lé sí àwọn tí ó ní ọgbẹ́ ²¹ ní orúkọ rẹ̀ ni àwọn kèfèrí yóò ní ìrètí kan. ²² Nígbà náà ni wọ́n gbé ẹnìkan tí ó fọ́jú, tí kò sì le sọ̀rọ̀, tí ẹ̀mí èṣù sí ń yọ lẹ́nu wá sí ọ̀dọ̀ Jésù, ó wò ó sàn, okùnrin odi náà sì sọ̀rọ̀, ó sì ríran. ²³ ẹnú sì ya gbogbo áwọn èrò. Wọ́n sì wípé, "ṣé ọkùnrin yíí lè jẹ́ ọmọ Dáfídì bí?" ²⁴ Ṣùgbọ́n nígbà tí àwọn Farisí gbọ́ àwọn iṣẹ́ ìyanu yìí, wọ́n wípé, "ọkùnrin yìí kò lé ẹ̀mí èṣù jáde, bí kò ṣe nípasẹ̀ Beelzebul, ọmọba àwọn ẹ̀mí èṣù" ²⁵ Sùgbọ́n Jésù mọ èro wọn, ó sì wí fún wọn pé, "Gbogbo ìjọba tí ó bá ní ìpinyà nínú rẹ̀ ni yóò di ahoro, àti ìlú tàbí ilé tí ó bá ní ìpinyà nìnù rẹ̀ ni kì yóò dúró. ²⁶ Tí Sàtánì bá lé Sàtánì jade, ìpinyà wà ní inú rẹ̀. Báwo ni ìjọba rẹ̀ yóò se dúró? ²⁷ àti pé tí èmi bá lé ẹ̀mi èṣù jade pèlu Beelzebul, ní ipasẹ̀ tani àwọn ọmọ yín nse lé wọn jáde? Fún ìdí èyí, àwọn ni yóò jẹ́ adájọ́ yín. ²⁸ Sùgbọ́n tí mo bá lé ẹ̀mí èsù jáde nípasẹ̀ ẹ̀mí Ọlọ́run, ìjọba Ọlọ́run ti dé sí orí yín. ²⁹ Báwo ni ènìyàn se le wọ ilé ọkùnrin alágbára láti jí nkan ìní rẹ̀, láì kọ́kọ́ so ọkùnrin alágbára náà mọ́lẹ̀. Nígbà náà ni yóò lè jí nǹkan ìni rẹ̀ ³⁰ Ẹni tí kò wà pẹ̀lú mi lòdì sí mi, ẹni tí kò bá kójọ, ń fọ́nká. ³¹ Nítorí náà, mo wí fún yín, gbogbo ẹ̀ṣẹ̀ àti ọ̀rọ̀ òdì ni a ó dáríjì ènìyàn, ṣùgbọ́n ìsọ̀rọ̀ òdì sí ẹ̀mí ni a kò ní dáríjì. ³² Ẹni tí ó bá sọ̀rọ̀ òdì sí ọmọ ènìyàn, a ó dáríjí. Ṣùgbọ́n ẹnikẹ́ni tí ó bá sọ̀rọ̀ òdì sí ẹ̀mí mímọ́, a kò ní dáríjì, yálà ní ayé yìí àti èyí tó ń bọ̀. ³³ Èso igi ni yóò sọ tí igí bá dára tàbí tí ó bá burú, nítorí èso ni a fí dá igi mọ̀. ³⁴ Ẹ̀yin ọmọ paramọ́lẹ̀, báwo ni ẹ ó ṣe sọ ohun tó dára nígbà tí ẹ̀yin jẹ́ ibi? Nítorí láti inú ẹ̀kúnrẹ́ré ọkàn ni ẹnu tí ń sọ̀rọ̀ ³⁵ Láti inú ìṣúra rere ọkàn ni ọkùnrin rere mú ohun tó dára jáde, ọkùnrin ibi náà sì mú ohun búburú jáde láti inú ìṣúra búburú ọkàn rẹ̀. ³⁶ Mo wí fún yín pé, ní ọjọ́ ìdájọ́, àwọn ènìyàn yóò se ìsirò gbogbo ọ̀rọ̀ òfo tí wọ́n ti sọ. ³⁷ Nítorí, nípasẹ̀ ọ̀rọ̀ yín ni a ó dá a yín láre, àti nípasẹ̀ ọ̀rọ yín ni a ó dá yín lẹ́bi." ³⁸ Nígbà náà ni àwọn akọ̀wé àti Farisí kan dá Jésù lóhùn wípé "Olùkọ́, a fẹ́ rí àmì láti ọ̀dọ̀ rẹ." ³⁹ Ṣùgbọ́n Jésù dáhùn, ó wípé, "Ìran ibi àti alágbèrè má ń wá àmì kiri. Ṣùgbọ́n a kó nì fún ní àmì yàtọ̀ sí àmì wòlíì Jónà. ⁴⁰ Nítorí bí Jónà se wà nínú ẹja fún ọjọ́ mẹ́ta àti òru mẹ́ta nínú ẹja nlá ni ọmọ ènìyàn yóò wà nínú ilẹ̀ fún ọjọ́ mẹ́ta àti òru mẹ́ta. ⁴¹ Àwọn ọkùnrin Nínéfè yóò dìde ní ìdájọ́ pẹ̀lú ìran àwọn ènìyàn yìí, wọn yóò sì dá a lẹ̀jọ̀. Nítorí wọ́n yí padà lẹ́yìn ìwàásù Jónà, sì wòó, ẹni tì ò tóbi ju Jona lọ wà ní ìhín. ⁴² Ayaaba gúsù yóò dìde ní ìdájọ́ pẹ̀lú àwọn ọkùnrin ìran yìí láti dá a lẹ́jọ́. Ó wá láti òpín ayé láti gbọ́ ọgbọ́n Sólómọ́nì, sì wòó, ẹni tí ó tóbi ju Sólómọ́nì lọ wà ní ìhín. ⁴³ Nígbà tí ẹ̀mí àìmọ́ ti kúrò lára ọkùnrin kan, ó gba ọ̀na ibi aṣálẹ̀ kọjà láti wá ìsinmi, ṣùgbọ́n kò sì rí i. ⁴⁴ Nígbà náà ó wípé, "èmi yóò padà sí ilé mi ní ibití mo ti wá.' ⁴⁵ Nígbà náà ó lo láti mú ẹ̀mí méje tó burù jù ú lọ, gbogbo wọ́n sì wá gbé ni ibẹ̀. Nígbà náà, ipò ọkùnrin náà ní ìgbẹ̀yìn yóò burú ju ti ìsááju lọ. Bẹ́ẹ̀-ni yóò rí fún ìran búburú yìí." ⁴⁶ Nígbà tí Jésù ńbá àwọn èèrò sọ̀rọ̀ lọ́wọ́, wò ó, ìyá rẹ̀ àti àwọn arákùnrin rẹ̀ dúró sí ìta láti bá a sọ̀rọ̀. ⁴⁷ Ẹnìkan sọ fun, "Wò ó, ìyá rẹ àti àwọn arákùnrin rẹ́ dúró sí ìta, láti bá ọ sọ̀rọ̀." ⁴⁸ Ṣùgbọ́n Jésù dáhùn, ó sì wí fún pé tani ó wí fun, "Ta ni ìya mí, àwọn wo sì ni arákùnrin mi?" ⁴⁹ Nígbà náà ni ó na ọwọ́ rẹ̀ sí àwọn ọmọ-ẹ̀yin, Ó wípé, "ẹ wo, àwọn ìyá àti arákùnrin mi nìyìí! ⁵⁰ Nítorí ẹnikẹ́ni tí ó bá ṣe ohun tí bàbá mi tó wà ní ọ̀run fẹ́ ni arákùnrin, arábìnrin àti ìyá mi."