अध्याय 1
1
ए मार मोगवा बायहा बोणहा मी येहुदा च्यु यीसु मोसीन सेवक एने याकुबोन बायहा बाह बोगवानोन नीवाडला माणहोन कोरता एने खुब मोगवा एने पोरबु बोगवान पोवीत्र कोरीन यीसु मोसीन राखवावीमा गेयणारा तुमु आखान कोरता यी चीट्डी लेखतलु !
2
एंहे बोगवानोह पोरथना कोरतलु तुमुपोर दोया एने सांती एने खुब मोंग जुड़ती रोये !
3
ए मारा मोगवा बायहा बाणहा जेतार आपु यीसु मोसीपोर बुरहु कोरला तेतार आपणो आखान वाच जाणेन इस्सु ज्यो यीसु मोसी आपु आखाह पापोन दोखा वाचाड्य ! तीन वातोन बारामा मी तुमुह लेखणे खुब वीचार कोरतलु ! पुण एवी मेहे लागतलो के उंजु ! दीहरी वात बी तुमुह लेखणे जुवे ! एकवार बोगवान तेर पोवीत्र माणहोह यीसु मोसीन खोरी वात आपु बुरहु कोरनेन कोरता ! होपलु ओतु एने च्या तीन बुरहान कोरता होमेस्या पोक्का टीकीन रोयणु जुवे कोरीन मी तुमुह हिम्मोत आपीन यी चीटडी लेखतलु !
4
तुमु यीसु मोसीपोर बुरहु कोरता रोयणु जुवे कोरीन ! मी यी चीट्डी तुमुह लेतलु काहाके थुडाक बीगुर बोहकती मोणहे तुमु टुव्वायणेन जागे चुट्टा मोणहोन होस आव रोयाह ! च्या एंहे हीकाडतला तुमु पाप कोरे ती बी बोगवान तुमुपोर दोया कोरीन तुमरा पाप माफ कोरहे ! कोयीन माणहोह सीनावान जीवाय जीवणे लागाडतला व्या यीसु मोसीहोह तींदरू अकुज मालक एने पोरबु यीसु मोसी से कोरीन नीकार कोरतला ! बोगवानोन पुस्तोकोमा खुब सालोन पेल बोवीस्य कोयणाराह लागाडीन तीन माणहोह बारामा बोगवान तीनुहु गुनावालु सोमजे एंहे लेख रोयहे !
5
तुमु पेलेन जाण लेदला ती बी थुडीक वात मी तुमुह ओर कोरावणे वीचार कोरतलु ! पोरबु तेर माणहोह मीसर देख दोखा सुडावीन तीनुह वाचाडलु च्यो तुमु ओर राखजु ! पुण ओवता ज्या तीनापोर बुरहु नी कोरया तीनुहु नास कोर देल्लु !
6
तुमु यो बी ओर कोरजु के थुडाक सोरगदुते बोगवान तीनुह आपलु ओतु तीना आदीकार हाते राज कोरने नी हुत्तोता ! कोरीन च्या तींदरू सोरग मायलु रोयणेन जाणु सुड देल्ला ! पोरबु तीन सोरगदुतोनुह टुटे नी ओहला हाकवो कोरीन बांदीन तीनुह जोलमकुज आंदारलामा मेक देल्लू ! बोगवान आखा माणहोह नीयाव कोरनेन तीन मोटले दीही च्यु तींदरू नीयाव कोरीन तीनुह डोंड आप !
7
तोहलो सोदोम एने ओमोरा सेहरोन एने हातेल्ला दीहरा सेहरोन माणहोह हात काय ओयलो तेर बारामा बी टुमु ओर कोरजु ! च्या सीनावो एने दीहरो पोराया डील हाते सोवसार कोरनारा ओता ! यो आखो काम बोगवानोह खुब खोत चोडावलो ! कोरीन च्यु तींदरा सेहरोह आगठा कोरीन नास कोर देल्लु यीज आखा खोराब काम कोरनारा माणहोह कोरता एक चेतावणी से ! काहाके आगठा कोरीन तीनुह डोंड आपहे !
8
ओहला च्या माणहे तुमरे वीस्मा आरादनामा चुट्टान होस बोरायला तीनुह बोगवान डोंड आपहे ! च्या देखला हीवणो तीनुह तींदरा डीलोमा आखो खोराब काम कोरीन वीटवाड देतलो ! च्या सोता मोहीमान सोरगदुतोन नाव बोदी कोरने बी नी बीतला एने बोगवानोन होकोह कामे सोमजतोता !
9
आखा सोरगदूतोन डायलु मीकायील बी तोहलो नी कोरलु ! एकवार च्यु मुसान दोडोन कोरता च्यु बुतड़ा हाते जोखडी पोडलु ते च्यु बुतडाह नाव बोदी कोरीन गुनु नी लागाड्यु ! बाकीन च्यु तीनाह कोयु पोरबु तोहो डोंड आपहे !
10
आखा सोरगदूतोन डायलु मीकायील बी तोहलो नी कोरलु ! एकवार च्यु मुसान दोडोन कोरता च्यु बुतड़ा हाते जोखडी पोडलु ते च्यु बुतडाह नाव बोदी कोरीन गुनु नी लागाड्यु ! बाकीन च्यु तीनाह कोयु पोरबु तोहो डोंड आपहे !
11
तीनुपोर खुब दुख पीडा आपहे ! कहाके च्या बी केयनोन होस तींदरा बायहोह मार नाखला से ! बीलामोन होस पोयहान लालुचोन कोरता च्या खोराब काम कोरला ! कोरहोन होस बोगवानोन वीरूद जुल्या ! कोरीन कोरहोन होस च्या बी नास ओय जाहोत !
12
सोतान इस्यान काम कोरीन च्या मोंगोन पोंगातमा खाणे पीणेम मोज्या मारया ! तुमु हाते खायीन डामीस ओय गोयलान होस से ! च्या सोतान पेट बोरने कोरीनुज वीण लाज्या गुवाव्यान होस बोण रोयाह च्या वाहवा हाते आवणारा दाडला बोवावान होस से च्या वीगुर पाटान मुवांडा बेव उखावला मोरला जाड़ोन होस से !
13
दोरीयान लाटा दोरीयान मेरे काडतला तीन फेदरान होस से च्या लाज आवे ओहला कामे कोरतला ! च्यो ते वादवामा च्या तारा तींदरो वाटे नी चालतला पुण इंखेर फीरतला तोहला से ! कोरीन बोगवान तीन वाटु जोलमकुज डोंड आपणेन कोरता आंदारोदुप नोरक तीयार कोरीन मेक रोयलु से !
14
आदमोन साहवा पीडीन ओवतु सातवी पीडीमा होनोक जीवतोतु ! च्यु तीन माणहोह बारामा एंहे बोवीस्य कोयलु देखु पोरबु तेर गीणाये नी ओहला खुब लाखो कोरूडो पोवीत्र सोरगदुतो हाते आवहे !
15
च्यु आखा माणहोह नीयाव कोरने आवणे बाज रोयुह ! ज्या बोगवानोन बोकती नी कोरे ओहला आखा पापी माणहोपोर गुनु लागाडीन तीनूह डोंड आपणे कोरीन च्यु आवहे तेतार एकेक खोराब कामोन बारामा एने एकेक खोराब बुलोन बारामा तीनुपोर गुनु लागडहे
16
या माणहे दीहरान बारामा कुडकुड कोरतला एने दीहरान वाको काडणे हुत्ताला तींदरा खोराब इस्यान इसाबे जीवतला च्या सेतान बारामा मोठाय एने च्या सेतान नोफान कोरता दीहरान बोडायी कोरतला !
17
ए मारा लाडका बायह बोणहा आपणा पोरबु यीसु मोसीन नेवतो पुचाडनारा चेला पेल तुमुह काय काय कोयला ओता ज्यो तुमु ओर कोरजु !
18
च्या तुमुह एंहे कोयला ओता कोवीन आखरी दीहोमा माणहे बोगवान देखाडलु खोरी वातोपोर मोजाक उडाडणारा नीकोवहोत ! च्या तींदरे सोतान खोराब इस्यामा बोगवानोन वीरूद खोराब काम कोरहोत
19
च्या माणहे तुमरे वीस्मा फटाफुट कोरहोत च्या दुनीयान चीजोन बारामाज वातु कोरहोत ! तींदरी जीवायमा पोवीत्र जीव आत्मा नीबंदे !
20
पुण ए मार लाडका बायह बोंणहा तुमरी जीवायोह मोटला पोवीत्र जीव आत्मान बुरहान पायापोर बांदता रोयजु ! एने पोवीत्र जीव आत्मान आगवायीमा पोरथना कोरता रोयजु !
21
पोरबु यीसु मोसीन कीवोन कोरता वात जुवीन रोयु च्यु तुमुह जोलमकीज जीवाय आपहे ! इनी राते बोगवानोन मोंगोमा तुमु टीकीन रोयजु
22
ज्या माणहे बुरहामा कोमजुर से तीनुपोर दोया कोरजु
23
खोरी वात सुडीन खोरली वाट दोखा सेटा ओयीन नोरकोन आगठामा जाने बाज रोयाह तीनु वाचाडनेन कावजी कोरू ! तुमु तीनुपोरा बी हाते दोया देखाडजु पुण तींदरा लुगडाह लोगोण हीगीह कोरू एने ज्या तींदरा पापी डीलो दोखा खोराब ओय गोयला
24
बोगवान तुमुह तुमरा बुरहाम दोखा पोडनेम दोखु वाचाडहे ! च्यु तेर मोटला मोहीमान हाजरीन ओगोव तुमुह बीगुर पापोन लावणे ताकतवावु से एने ओवता तुमरा मोनमा एकदोम खुस ओय जाहे ! तीन बोगवानोह जोलमकीज बोडायी ओये !
25
एकुज बोगवान से तेरी आखी मोहीमा ओयहे ज्युज आपहु पोरबु यीसु मोसी दोखु वाचाडनारू से आखो मान ताकोत आदीकार एवी एने होमेस्यान होमेस्या तेरोज ओयहे आमीन