² Kar zin Manyi kizek Moses ne, "O̱tto̱dda̱ inna, ki Aaron, Nadab, Abihu, ki mo̱te̱n turgerem cik lo̱ddi̱ki̱re̱ cik Israilo, kar zin u̱tu̱ya̱ng reena. A̱kku̱ wo̱ye̱ ¹ Mosesi do̱ o̱jo̱nu̱n, ma̱i̱je̱ uggak irong a̱vu̱ o̱jo̱nu̱n, icima ol irong o̱tto̱da̱ bu̱k." ³ U̱k Mosesi u̱du̱wa̱k ol zoz ki kaal cik o̱do̱la̱ Manyi ko̱ do̱o̱k. O̱bbo̱dda̱i̱ ol mu̱lu̱we̱ ci o̱de̱ izeto ne, "Ko̱go̱nc atin baga zoz ci u̱du̱wa̱ Manyi ko̱ do̱o̱k." ⁴ E̱te̱he̱r zin Mosesi zoz ci u̱du̱wa̱ Manyi ko̱ do̱o̱k. Eteheny Mosesi e̱te̱le̱ nge̱rre̱t ingani biya vu̱rta̱ kar zin kezedanek lo̱la̱nya̱ cik biyenu e̱e̱gi̱n o̱mo̱t ki ram, kar biyena ki̱ya̱ta̱ tatuget wak Israilo e̱e̱gi̱n o̱mo̱to̱ ki ram. ⁵ I̱to̱n logoz u̱gge̱ ckidik Israilo kot kumucet wawace ci atuze kibbortik Manyi o̱lle̱ ci rumento. ⁶ Enger Mosesi biye kizeto ram, arik u̱gge̱ acii; kar zin kazacek u̱gge̱ e̱te̱le̱. ⁷ Idima Bu̱kWa bali ehere Ollom kar zin kikebik ol muluwe ci a̱bu̱le̱. Izeto nege ne, "Kogona atin naga kaa nek u̱du̱wa̱ Manyi ko̱ do̱o̱k. O̱ngo̱li̱na̱ atinzoz cinne." ⁸ Kar zin Mosesi idima bi̱ye̱ kazacek ol. Ize ne, "bi̱ye̱ balik olom bali ogonu niga ki Manyi ke̱ kar zin enne kelema kanyung zozonok neko do̱o̱k." ¹¹ Kar zin Mosesi, Aaron, Nadab, Abihu, ki moten turgerem cik ddi̱ki̱ri̱o̱k wak Israilo kot bee ta̱dde̱na̱. ¹⁰ Icinet Ta̱mu̱ta̱dde̱n wa Israilo. U̱rte̱ zo̱o̱ ciginnek lo̱o̱ta̱ biyee ci een saphire, aliba ki wagon ta̱mu̱-keng elya. ⁹ Ngen Ta̱mu̱ta̱dde̱n ketadik a̱zzi̱t cinne ngati omozine ddi̱ki̱rio̱we̱ ci Israilo. Icinet nege Ta̱mu̱ta̱dde̱n, kar zin nege kadakto kar zin ku̱dde̱. ¹² Izek zin Many Moses ne, "Todaka biya kar zin a̱vu̱ nginati. Kanyi atin latabokwa cik biyenu ki lo̱ti̱ne̱t kar zin zozzowa wak ku̱du̱wa̱ anna ketehera, kar abunna ming okko edemez nogo." ¹³ Oot Mosesi ki Joshua wa anuwonik nonno biya waTa̱mu̱ra̱dde̱no̱. ¹⁴ Izek Mosesi ol wak a̱ddi̱ki̱re̱ ne, "A̱vu̱t ngatu ereyetu zee kobboddaung. A̱vu̱t ki Aaron ki Hur. Min anyak e̱e̱ti̱ imma zoz ci auce, anyik kuk ngatineng." ¹⁵ Otted zin Mosesi bee ta̱dde̱n, kar zin di̱i̱z ku̱bu̱ng. ¹⁸ A̱vu̱ ddi̱ki̱rze̱t ci Manyone biye c Sinai, kar zin di̱i̱z ku̱bu̱ng wazinok torkonom. Wazine wa een turgerem utu enne Moses orgene ci di̱i̱zo̱. ¹⁷ I̱ye̱lla̱i̱ ddi̱krze̱t ci Manyuni u̱tu̱gu̱ ki wagon gwa bee ta̱dde̱na̱ e̱be̱re̱ne̱ cik wak Israilo. i̱tto̱ ¹⁶ Mosesi di̱i̱z kar zin kottod bee. a̱vu̱ biya ta̱dde̱na wazinok moten we̱ce̱ki ba̱li̱no̱k moten we̱c.