¹ የአዳም የትውልድ ሐረግ እንደሚከተለው ነው። እግዚአብሔር ሰውን በፈጠረው ጊዜ በራሱ አምሳያ ፈጠራቸው፤ ² ወንድና ሴት አድርጎ ፈጠራቸው፣ ባረካቸውም። በተፈጠሩም ጊዜ ‘ሰው’ ብሎ ጠራቸው። ³ አዳም ዕድሜው 130 ዓመት በሆነ ጊዜ፣ እርሱን የሚመስል ወንድ ልጅ ወለደ፣ ስሙንም ‘ሤት’ ብሎ ጠራው። ⁴ አዳም ሤትን ከወለደ በኋላ 800 ዓመታት ኖረ። ሌሎችን ወንዶችንና ሴቶች ልጆችን ወለደ፤ ⁵ 930 ዓመት ሲሆነውም ሞተ። ⁶ ሤት ዕድሜው 105 ሲሆን ሄኖስን ወለደ። ⁷ ሄኖስን ከወለደ በኋላ ሤት 807 ዓመት ኖረ። ሌሎች ወንዶችንና ሴቶች ልጆችን ወለደ። ⁸ ሤት 912 ዓመታት ከኖረ በኋላ ሞተ። ⁹ ሄኖስ 90 ዓመት ሲሆነው ቃይናንን ወለደ። ¹⁰ ሄኖስ ቃይናንን ከወለደ በኋላ 815 ዓመታት ኖረ፤ ሌሎች ወንዶችንና ሴቶች ልጆችን ወለደ። ¹¹ ሄኖስ 905 ዓመታት ከኖረ በኋላ ሞተ። ¹² ቃይናን 70 ዓመት ሲሆነው መላልኤልን ወለደ። ¹³ ቃይናን መላልኤልን ከወለደ በኋላ 840 ዓመታት ኖረ፤ ሌሎች ወንዶችንና ሴቶች ልጆችን ወለደ። ¹⁴ ቃይናን 910 ዓመታት ከኖረ በኋላ ሞተ። ¹⁵ መላልኤል 65 ዓመት ሲሆነው ያሬድን ወለደ። ¹⁶ መላልኤል ያሬድን ከወለደ በኋላ 800 ዓመታት ኖረ። ሌሎች ወንዶችንና ሴቶች ልጆችን ወለደ። ¹⁷ መላልኤል 895 ዓመታት ከኖረ በኋላ ሞተ። ¹⁸ ያሬድ 162 ዓመት ሲሆነው ሄሮክን ወለደ። ¹⁹ ያሬድ ሄኖክን ከወለደ በኋላ 800 ዓመታት ኖረ፤ ሌሎች ወንዶችንና ሴቶች ልጆችን ወለደ። ²⁰ ያሬድ 962 ዓመታት ከኖረ በኋላ ሞተ። ²¹ ሄኖክ 65 ዓመት ሲሆነው ማቱሳላን ወለደ። ²² ሄኖክ ማቱሳላን ከወለደ በኋላ የእግዚአብሔርን መንገድ በመከተል 300 ዓመታት ኖረ፤ ሌሎች ወንዶችንና ሴቶች ልጆችን ወለደ። ²³ ሄኖክ 365 ዓመታት ኖረ። ²⁴ ሄኖክ የእግዚአብሔርን መንገድ በመከተል ኖረ፣ ከዚያም በኋላ እግዚአብሔር ስለወሰደው አልተገኘም። ²⁵ ማቱሳላ 187 ዓመት ሲሆነው ላሜሕን ወለደ። ²⁶ ማቱሳላ ላሜሕን ከወለደ በኋላ 782 ዓመታት ኖረ፤ ሌሎች ወንዶችንና ሴቶች ልጆችን ወለደ። ²⁷ ማቱሳላ 969 ዓመታት ከኖረ በኋላ ሞተ። ²⁸ ላሜሕ 182 ዓመት ሲሆነው አንድ ወንድ ልጅ ወለደ። ²⁹ “ይህ ልጅ እግዚአብሔር በረገማት ምድር ከልፋታችንና ከብርቱ ሥራችን ያሳርፈናል” ሲል ስሙን ‘ኖህ’ ብሎ ጠራው። ³⁰ ላሜሕ ኖህን ከወለደ በኋላ 595 ዓመታት ኖረ፤ ሌሎች ወንዶችንና ሴቶች ልጆችን ወለደ። ³¹ ላሜሕ 777 ዓመታት ከኖረ በኋላ ሞተ። ³² ኖህ 500 ዓመታት ሲሆነው ሴም፣ ካምንና ያፌትን ወለደ።