7 ¹ И сы́р исы́с скэрды́ сте́на, и мэ чивдё́м вуда́ра, и исы́с чивдэ́ мануша́ тэˍракхэ́н вуда́ра, и тэˍбаґэ́н, и исы́с чивдэ́ леви́ты. ² И мэ чивдё́м шэралэ́са Хана́ниёс, пшалэ́с мирэ́с, до Иерусали́мо, и Хана́ниёс шэралэ́са дэ кре́пость. Па́л одова́, со ёв исы́с ману́ш патывало́ и дарэ́лас Дэвлэ́стыр. ³ И мэ пхэндё́м лэ́нґэ: “Мэ́к наˍоткэрэ́н вуда́ра Иерусалимо́скирэ кэ одова́ сы́р наˍвштэ́ла кха́м. И сы́р ёнэ́ тэрдэ́ мэ́к закэрэ́н и чивэ́н лэ́н по засо́вы. И чивэ́н манушэ́н тэˍракхэ́н Иерусали́мо, сарэ́ мэ́к ракхэ́л анґи́л пэ́скиро кхэ́р”. ⁴ Фо́ро исы́с скэрдо́ баро́, а манушэ́н до фо́ро дживэ́лас нанэ́ бу́т, и наˍисы́с скэрдэ́ кхэра́. ⁵ И Дэвэ́л чивдя́ ма́нґэ по ило́, и мэ скэдыё́м барэ́н рае́н, и шэралэ́н, и сарэ́н манушэ́н, со́б тэˍзачинэ́н ко́н савэ́ родо́стыр. И попэё́м лы́л дэ саво́ исы́с зачиндо́ ко́н савэ́ родо́стыр и ко́н рисия́ пе́рво плено́стыр до Иерусали́мо: ⁶ “И ґэ́на чявэ́ Иудея́тыр, савэ́ рисинэ́ плено́стыр, сы́р залыя́ лэ́н Навуходоно́соро, ца́рё Вавило́нско, и ёнэ́ рисинэ́ до Иерусали́мо и дэ Иуде́я, дэ пэ́скирэ фо́ры, ⁷ рисинэ́ Зоровавелё́са, Иисусо́са, Неемиё́са, Азариё́са, Раамиё́са, Нахманиё́са, Мардохеё́са, Билшано́са, Мисферефомо́са, Биґваё́са, Нехумоё́са, Вааноё́са. Бу́т муршэ́н Израилё́скирэ. ⁸ Чявэ́н Парошо́скирэн ду́й баря́ шэ́л эфтадэша́ ду́й. ⁹ Чявэ́н Сафатиё́скирэн триншэла́ эфтадэша́ ду́й. ¹⁰ Чявэ́н Арахо́скирэн шовшэла́ пандждэша́ ду́й. ¹¹ Чявэ́н ПахафˉМоаво́скирэн чявэ́ндыр Иисусо́скирэн и Иоаво́скирэн ду́й баря́ охто́шэла дэшуохто́. ¹² Чявэ́н Еламо́скирэн бари́ дуйшэла́ пандждэша́ шта́р. ¹³ Чявэ́н Заттуно́скирэн охто́шэла сара́нда па́ндж. ¹⁴ Чявэ́н Закхаё́скирэн эфташэла́ шовдэ́ша. ¹⁵ Чявэ́н Биннуё́скирэн шовшэла́ сара́нда охто́. ¹⁶ Чявэ́н Беваё́скирэн шовшэла́ дуйдэша́ охто́. ¹⁷ Чявэ́н Азґадо́скирэн ду́й баря́ триншэла́ дуйдэша́ ду́й. ¹⁸ Чявэ́н Адоникамо́скирэн шовшэла́ шовдэ́ша эфта́. ¹⁹ Чявэ́н Биґваё́скирэн ду́й баря́ шовдэ́ша эфта́. ²⁰ Чявэ́н Адино́скирэн Шовшэла́ пандждэша́ па́ндж. ²¹ Чявэ́н Атеро́скирэн ко Езе́кия, еня́дэша охто́. ²² Чявэ́н Хашумо́скирэн триншэла́ дуйдэша́ охто́. ²³ Чявэ́н Вецаё́скирэн триншэла́ дуйдэша́ шта́р. ²⁴ Чявэ́н Харифо́скирэн шэ́л дэшуду́й. ²⁵ Чявэ́н Ґаваоно́скирэн еня́дэша па́ндж. ²⁶ Манушэ́н Вивлеемо́стыр и Нетофо́стыр шэ́л охто́дэша охто́. ²⁷ Манушэ́н Анафо́фскирэн шэ́л дуйдэша́ охто́. ²⁸ Манушэ́н БэфˉАзмавефо́стыр сара́нда ду́й. ²⁹ Манушэ́н Кириа́фˉИаримо́стыр, Кефиро́стыр и Беерофо́стыр эфташэла́ сара́нда три́н. ³⁰ Манушэ́н Рама́тыр и Ґева́тыр шовшэла́ дуйдэша́ е́кх. ³¹ Манушэ́н Михмасо́скирэн шэ́л дуйдэша́ ду́й. ³² Манушэ́н Вефилё́скирэн и Ґаё́скирэн шэ́л дуйдэша́ три́н. ³³ Манушэ́н авиртонэ́с Невоскирэ́с пандждэша́ ду́й. ³⁴ Чявэ́н авиртонэ́с Еламо́скирэн бари́ дуйшэла́ пандждэша́ шта́р. ³⁵ Чявэ́н Харимо́скирэн триншэла́ дуйдэша́. ³⁶ Чявэ́н Иерихоно́скирэн триншэла́ штардэша́ па́ндж. ³⁷ Чявэ́н Лодо́скирэн, Хадидо́скирэн и Оно́скирэн эфташэла́ дуйдэша́ е́кх. ³⁸ Чявэ́н Сенаё́скирэн три́н барья́ еня́шэла триндэша́. ³⁹ Рашае́нґирэн, чявэ́н Иедаиё́скирэн кхэрэ́стыр Иисусо́скирэстыр, еня́шэла охто́дэша три́н. ⁴⁰ Чявэ́н Иммеро́скирэн бари́ пандждэша́ ду́й. ⁴¹ Чявэ́н Пашхуро́скирэн бари́ дуйшэла́ штардэша́ эфта́. ⁴² Чявэ́н Харимо́скирэн бари́ дэшуэфта́. ⁴³ Левитэ́н, чявэ́н Иисусо́скирэн и ко Кадмии́ло чявэ́ндыр Ґодево́скирэн эфтадэша́ шта́р. ⁴⁴ Ка́й баґэ́н, чявэ́н Асафо́скирэн, шэ́л сара́нда охто́. ⁴⁵ Ка́й ракхэ́н вуда́ра, чявэ́н Шаллумо́скирэн, чявэ́н Атеро́скирэн, чявэ́н Талмоно́скирэн, чявэ́н Аккуво́скирэн, чявэ́н Хатито́скирэн, чявэ́н Шоваё́скирэн, шэ́л триндэша́ охто́. ⁴⁶ Нефинее́н: чявэ́ Цыхо́скирэ, чявэ́ Хасуфо́скирэ, чявэ́ Таббофо́скирэ, ⁴⁷ чявэ́ Киросо́скирэ, чявэ́ Сиё́скирэ, чявэ́ Фадоно́скирэ, ⁴⁸ чявэ́ Левано́скирэ, чявэ́ Хаґаво́скирэ, чявэ́ Салмаё́скирэ, ⁴⁹ чявэ́ Ханано́скирэ, чявэ́ Ґиддела́скирэ, чявэ́ Ґахаро́скирэ, ⁵⁰ Чявэ́ Реаиё́скирэ, чявэ́ Рецыно́скирэ, чявэ́ Некодо́скирэ, ⁵¹ чявэ́ Ґаззамо́скирэ, чявэ́ Уззо́скирэ, чявэ́ Пасеахо́скирэ, ⁵² чявэ́ Весаё́скирэ, чявэ́ Меунимо́скирэ, чявэ́ Нефишсимо́скирэ, ⁵³ чявэ́ Бакбуко́скирэ, чявэ́ Хакуфо́скирэ, чявэ́ Хархуро́скирэ, ⁵⁴ чявэ́ Бацлифо́скирэ, чявэ́ Мехидо́скирэ, чявэ́ Харшо́скирэ, ⁵⁵ чявэ́ Баркосо́скирэ, чявэ́ Сисаро́скирэ, чявэ́ Фамахо́скирэ, ⁵⁶ чявэ́ Нецыахо́скирэ, чявэ́ Хатифо́скирэ. ⁵⁷ Манушэ́н савэ́ кэрэ́нас буты́ кэ Соломо́но: чявэ́ Сотаё́скирэ, чявэ́ Соферефо́скирэ, чявэ́ Феридо́скирэ, ⁵⁸ чявэ́ Иаало́скирэ, чявэ́ Дарконо́скирэ, чявэ́ Ґиддело́скирэ, ⁵⁹ чявэ́ Сафатиё́скирэ, чявэ́ Хаттило́скирэ, чявэ́ ПохерефˉҐаццевайимо́скирэ, чявэ́ Амоно́скирэ. ⁶⁰ Сарэ́н нефинее́н и чявэ́н савэ́ кэрэ́нас буты́ ко Соломо́но триншэла́ еня́дэша ду́й. ⁶¹ Мануша́ явнэ́ ТелˉМелахо́стыр, ТелˉХашо́стыр, ХерувˉАддоно́стыр, и Иммеро́стыр, тэˍдопхэнэ́н савэ́стыр ёнэ́ родо́стыр и ко́н лэ́нґирэ дада́, чи Израилё́стыр ёнэ́. ⁶² Чявэ́н Делаиё́скирэн, чявэ́н Товиё́скирэн, и чявэ́н Некодо́скирэн – шовшэла́ сара́нда ду́й. ⁶³ Рашае́ндыр: чявэ́ Ховайё́скирэ, чявэ́ Ґаккоцо́скирэ, чявэ́ Верзелиё́скирэ, саво́ лыя́ ромня́ ко Везелли́ё Ґалаадя́нино чя и лыя́ тэˍкхарэ́лпэ лэ́скирэ лавэ́са. ⁶⁴ Ёнэ́ родэ́нас пэ́скиро ро́до зачиндо́ до лы́л нэ наˍпопэнэ́ лэ́с. И лэ́н наˍґинэ́нас рашае́нса. ⁶⁵ И пхэндя́ лэ́нґэ тирша́фа, со́б ёнэ́ тэˍнаˍха́н свэ́нто хабэ́н саво́ исы́н ва́ш рашае́нґэ, кэ одова́ сы́р авэ́ла раша́й уримо́са и туммимо́са. ⁶⁶ Сарэ́н манушэ́н кхэтанэ́ савэ́ рисинэ́ дэ Иуде́я сара́нда ду́й барья́ три́н шэла́ шовдэ́ша, ⁶⁷ и бутярнэ́н муршэ́н и джювле́н исы́с – эфта́ барья́ триншэла́ тря́нда эфта́, и кэ ёнэ́ исы́с ко́н баґэ́л муршэ́н и джювле́н дуйшэла́ сара́нда па́ндж. ⁶⁸ Лэ́нґирэн ґрэ́н – эфташэла́ триндэша́ шо́в. Кхурорэ́н – дуйшэла́ сара́нда па́ндж. ⁶⁹ Верблюдэ́н – штаршэла́ триндэша́ па́ндж. Ослэ́н – шо́в барья́ эфташэла́ би́ш. ⁷⁰ И ко́йˉсавэ́ мануша́ шэралэ́ родо́скирэ дынэ́ пэ адая́ буты́. Тирша́фа дыя́ сумнака́са е́кх бари́ ловэ́нса, пандждэша́ чярэ́, панджшэла́ тря́нда и́дя рашае́нґэ. ⁷¹ А ко́йˉсавэ́ шэралэ́ родэ́ндыр дынэ́ пэ Дэвлэ́скиро Кхэ́р пэ адая́ буты́ би́ш барья́ сумнакунэ́ ловэ́нса и ду́й барья́ ду́й шэла́ рупунэ́ ловэ́нса. ⁷² Ави́рта мануша́ дынэ́ би́ш барья́ сумнакунэ́ ловэ́нса, и ду́й барья́ рупунэ́ ловэ́нса, и шо́в дэша́ эфта́ и́дя рашае́нґэ”. ⁷³ И лынэ́ тэˍдживэ́н рашая́, и леви́ты, и ко́н ракхэ́л вуда́ра, и ко́н баґэ́л, и ави́р мануша́, и нефине́и, и сарэ́ мануша́ Израилё́скирэ дэ пэ́скирэ фо́ры. И явья́ эфта́то чё́н, и сарэ́ чявэ́ Израилё́скирэ (исы́с) дживэ́нас дэ пэ́скирэ фо́ры.